Thread by @Abdullah_twitz

இரட்டை சொற்களுக்கான விளக்கம்.

#தமிழ்_அறிவோம்

#குண்டக்க_மண்டக்க

குண்டக்க : இடுப்புப்பகுதி
மண்டக்க : தலைப் பகுதி

சிறுவர்களை கால் பக்கம், தலைப்பக்கம் எது என தெரியாமல் தூக்குவது,
வீட்டில் எந்தெந்த பொருள் எங்கே எங்கே இருக்க வேண்டிய இடத்தில் இல்லாமல் இருப்பது தான்.

#அந்தி_சந்தி

அந்தி : மாலை நேரத்திற்கும் இரவுக்கும் இடையில் உள்ள பொழுது.
சந்தி : இரவு நேரத்திற்கும், காலை நேரத்திற்கும் இடையில் உள்ள விடியல் பொழுது.

#அக்குவேர்_ஆணிவேர்

அக்குவேர் : செடியின் கீழ் உள்ள மெல்லிய வேர்.
ஆணி வேர் : செடியின் கீழ் ஆழமாகச் செல்லும் வேர்.

#அரை_குறை

அரை : ஒரு பொருளின் சரி பாதி அளவில் உள்ளது.
குறை : அந்த சரிபாதி அளவில் குறைவாக உள்ளது.

#அக்கம்_பக்கம்

அக்கம் : தன் வீடும், தான் இருக்கும் இடமும்.
பக்கம் : பக்தத்தில் உள்ள வீடும், பக்கத்தில் உள்ள இடமும்.

#கார_சாரம்

காரம் : உறைப்பு சுவையுள்ளது.
சாரம் : காரம் சார்ந்த சுவையுள்ளது.

#இசகு_பிசகு

இசகு : தம்மியல்பு தெரிந்து ஏமாற்றுபவர்களிடம் ஏமாறுதல்.
பிசகு : தம்முடைய அறியாமையால் ஏமாறுதல்.

#இடக்கு_முடக்கு

இடக்கு : கேலியாக நகைத்து, இகழ்ந்து பேசுதல்.

முடக்கு : கடுமையாக எதிர்த்து தடுத்துப் பேசுதல்.

#ஆட்டம்_பாட்டம்

ஆட்டம் : தாளத்திற்கு தகுந்தவாறு ஆடுவது.
பாட்டம் : ஆட்டத்திற்கு பொருத்தமில்லாமல் பாடுவது.

#அலுப்பு_சலிப்பு

அலுப்பு : உடலில் உண்டாகும் வலி.
சலிப்பு : உள்ளத்தில் ஏற்படும் வெறுப்பும், சோர்வும்.

#தோப்பு_துரவு

தோப்பு : செடி, கொடி கீரை பயிரிடப்படும் இடம் (தோட்டம்). மரங்கள் கூட்டமாக இருக்கும் இடம்.
துரவு : கிணறு.

#காடு_கரை

காடு : மேட்டு நிலம் (முல்லை)
கரை : வயல் நிலம்.( மருதம், நன் செய், புன்செய்)

#காவும்_கழனியும்

கா : சோலை.
கழனி : வயல். (மருதம் )

#நத்தம்_புறம்போக்கு

நத்தம் : ஊருக்குப் பொதுவான மந்தை.
புறம்போக்கு : ஆடு, மாடு மேய்வதற்கு அரசு ஒதுக்கிய நிலம்.

#பழக்க_வழக்கம்

பழக்கம் : ஒருவர் ஒரே செயலை பல காலமாக செய்வது.
வழக்கம் : பலர் ஒரு செயலைப் பலகாலம் (மரபுவழியாக ) கடைப்பிடித்துச் செய்வது.

#சத்திரம்_சாவடி

சத்திரம் : இலவசமாக சோறு போடும் இடம் (விடுதி)
சாவடி : இலவசமாக தங்கும் இடம்.

#நொண்டி_நொடம்

நொண்டி : காலில் அடிபட்டோ, குறையால் இருப்பவர்.

நொடம் : கை, கால் செயல் சுற்று இருப்பவர்.

#பற்று_பாசம்

பற்று :நெருக்கமாக உறவு கொண்டுள்ளவர்கள்.

பாசம் : பிரிவில்லாமல் மரணம் வரை சேர்ந்து இருப்பது.

#ஏட்டிக்கு_போட்டி

ஏட்டி : விரும்பும் பொருள் அல்லது செய்வது. (விருப்பம்)
போட்டி : விரும்பும் பொருள் செயலுக்கு எதிராக வருவது.

#கிண்டலும்_கேலியும்

கிண்டல் : ஒருவன் மறைத்த செய்தியை அவன் வாயிலேயே வாங்குவது.
கேலி: எள்ளி நகைப்பது.

#ஒட்டு_உறவு

ஒட்டு : இரத்த சம்பந்தம் உடையவர்கள்.
உறவு : கொடுக்கல் சம்மந்தமான வகையில், நெருக்கமானவர்கள்.

#பட்டி_தொட்டி

பட்டி : கால்நடைகள் (ஆடுகள்) வளர்க்கும் இடம் (ஊர்)
தொட்டி : மாடுகள் அதிமாக வளர்க்கும் இடம்.

#கடை_கண்ணி

கடை : தனித்தனியாக உள்ள வியாபார நிலையம்.

கண்ணி : தொடர்ச்சியாக அமைந்த கடைகள், கடைவீதிகள்.

#பேரும்_புகழம்

பேர் : வாழ்ந்து கொண்டிருக்கும் காலத்தில் உண்டாகும் சிறப்பு பெருமை.
புகழ் : வாழ்விற்கு பிறகும் நிலைப் பெற்றிருக்கும் பெருமை.

#நேரம்_காலம்

நேரம் : செயலைச் செய்வதற்கு நமக்கு வசதியாக அமைத்துக் கொள்வது.

காலம் : ஒரு செயலை செய்வதற்கு பஞ்சாங்க அடிப்படையில் செய்ய முற்படும் கால அளவு.

#பழி_பாவம்

பழி : நமக்குத் தேவையில்லாத , பொருத்தமில்லாத செயலைச் செய்தால் இக்காலத்தில் உண்டாகும் அபச்சொல்.
பாவம் : தீயவை செய்து நாம் அனுபவிக்கும் நிகழ்ச்சி.

#கூச்சல்_குழப்பம்

கூச்சல் : துன்பத்தில் சிக்கி வாடுவோர் போடும் சத்தம்.(கூவுதல்)
குழப்பம் : துன்பத்தின் மத்தியில் உண்டாகும் சத்தத்தைக் கேட்டு, வந்தவர்கள் போடும் சத்தம்.

#நகை_நட்டு

நகை : பெரிய அணிகலன்கள்.
நட்டு : சிறிய அணிகலன்கள்.

#பிள்ளை_குட்டி

பிள்ளை : பொதுவாக ஆண் குழந்தையைக் குறிக்கும்.
குட்டி : பொதுவாக பெண் குழந்தையை குறிக்கும்.

#பங்கு_பாகம்

பங்கு : கையிருப்பு. பணம்,நகை, பாத்திரம்.( அசையும் சொத்து)
பாகம் : வீடு, நிலம்.அசையா சொத்து.

#வாட்டம்_சாட்டம்

வாட்டம் : வளமான தோற்றம், வாளிப்பான உடல்.

#சாட்டம் : வளமுள்ள கனம். தோற்றப் பொலிவு.

#காய்_கறி

காய் : காய்களின் வகைகள்.
கறி : சைவ உணவில் பயன்படுத்தப்படும் கிழங்கு வகைகள்.

#ஈவு_இரக்கம்

ஈவு : (ஈதல்) கொடை கொடுத்தல், வறியவருக்கு உதவுதல்.
இரக்கம் : பிற உயிர்களின் மேல் அன்பு காட்டுதல்.

#பொய்_புரட்டு

பொய் : உண்மையில்லாததைக் கூறுவது.
புரட்டு : ஒன்றை நேருக்கு மாறாக மாற்றி பொய்யை உண்மையென கூறி நடிப்பது.

#சூடு_சொரணை

சூடு : ஒருவர் தகாத செயல், சொல்லை செய்யும் போது உண்டாகும் மனக்கொதிப்பு.
சொரணை : நமக்கு ஏற்படும் மான உணர்வு.