Thread by @srinivasan19041

பரம்பரை வெத்தக் குழம்பு
(மனிதனின் மனோநிலை)

கிட்டத்தட்ட 25 ஆண்டுகளுக்கு முன்பு..

ருக்கு (என் மனைவி) ... எனக்கு மிகவும் பிடித்த வெத்தக் குழம்பு செஞ்சுட்டு எனக்காக காத்துண்டு இருந்தாள். எனக்கு வெத்தக் குழம்பு ரொம்ப பிடிக்கும்னு பாப்பா (என் அம்மாவை அப்படித்தான் அழைப்போம்) சொன்னதால்

இன்னும் ருசியாக செய்வது எப்படினு அவளோட அப்பாட்ட (என் மாமனார் பிரசித்தி பெற்ற சமையல் வல்லுனர்) கேட்டு தெரிஞ்சுண்டு மிகவும் ருசியாக வெத்தக் குழம்பு செய்வதில் கைதேர்ந்தவள் ஆகிவிட்டாள்.

ஆனால் என்ன செய்வது... அவள் ஒவ்வொருவாட்டியும் வெத்தக் குழம்பு எவ்வளவு ருசியாக செஞ்சாலும்... எனக்கு

பாப்பா செஞ்ச வெத்தக் குழம்பு தான் ஞாபகம் வரும்.

அதனால் ருக்கு செய்த வெத்தக் குழம்பை பாராட்டினதே இல்லை. ஒரு 'கட்டு' கட்டினாலும் ஏதோ ஒண்ணு கொறையறது மாதிரியே இருக்கும். அதனால #பாராட்டினதே_இல்லை.

ஒரு நாள் நானும் ருக்குவும் திருவல்லிக்கேணிலேந்து சென்னை திருவொற்றியூர் தாண்டி பாப்பா

இருந்த எர்ணாவூருக்கு போனோம். அன்னிக்கும் பாப்பா வெத்தக் குழம்பு தான் பண்ணியிருந்தா.

நான், வழக்கத்தை விட (ருக்கு பண்ணினான்னா ரெண்டு வாட்டி) மூணுவாட்டி வெத்தக் குழம்பு சாதம் சாப்பிடுவதை பார்த்தாள் ருக்கு.

உடனே திரும்பி ருக்கு பாப்பாவிடம், "அம்மா இதே மாரிதான் நானும்

வெத்தக் குழம்பு நன்னா தான் பண்றேன். ஆனா சீனி ஒண்ணுமே சொல்ல மாட்டேங்கறான்"னு ஒரு complaint எடுத்து உட்டா. பாப்பா சிரிச்சுண்டே ஒண்ணும் பதில் சொல்லலை.

அன்னிக்கு சாயந்தரம் நாங்க கெளம்பறச்சே பாப்பா ஒரு பையில் ஏதோ போட்டு கொடுத்தா. என்னன்னு கேட்டேன். ஒனக்கு ஒண்ணுல்லடானு

பதில் வந்தது பாப்பாட்டேந்து.

அதுக்கு அப்புறம் ஒரு வாரம் கழிச்சு... நான் எங்காத்து உள்ளே நுழைந்த போது வழக்கம் போல் இல்லாமல் வெத்தக் குழம்பு வாசனை நல்லா தூக்கலாக வந்தது.

பக்கத்தாத்து வாசல்ல நின்னுண்டு இருந்த மாமி, "மாப்ளே! ருக்கு பண்ணின சுண்டக்கா வெத்தக் குழம்பு வாசனை தூக்கறது..

இந்த ட்ரிப்ளிகேன்லயே இந்த அளவுக்கு யாராலும் வெத்தக் குழம்பு வைக்க முடியாதுங்கற மாரி... ருக்கு ப்ரமாத படுத்தறாள் போங்கோ!!!" என்று பதிகம் பாடாத குறையா பாராட்டினாள்.

ஆத்துக்குள்ள நுழைஞ்சதும், "ருக்கு, குட்டிப்பொண்ணு (என் மகள் வைஷாலியின் செல்லப் பெயர்) எங்கே?" என்று கேட்டேன்.

"டெல்லிலேந்து சாமா (ருக்குவின் தம்பி) வந்துருக்கான். அவன் தான் வந்து அம்மா ஆத்துக்கு கூட்டிண்டு போயிருக்கான். கொஞ்ச நேரத்துல வந்துடுவான். நீ வா! வந்து சாப்பிடு"னு சொல்லி தட்டுல சாப்பாடு பறிமாற வழக்கம் போல ஒரு 'கட்டு' கட்டிட்டு எழுந்தேன்.

கையலம்பி வந்த என்னிடம் ருக்கு, "சீனி

வெத்தக் குழம்பு இன்னிக்கு எப்படி இருந்தது?" என்ற கேள்வியோடு என் பதிலை எதிர்பார்த்து ஆவலாய் இருந்தாள்.

"ஏன் ருக்கு இப்படி கேக்கறே? நீ செஞ்சா நன்னாத் தானே இருக்கும்?"

"இல்லை சீனி! உங்கம்மா பாப்பா செஞ்சா மாதிரி இருக்கா!!! ஏன் கேக்கறேன்னா.. போன வாரம் எர்ணாவூருக்கு போயிட்டு

வரும்போது அம்மாதான் அவங்க எப்போதும் செய்யற ஈயப் பாத்திரத்தை பையில் போட்டு கொடுத்தா. அதுல தான் இன்னிக்கு வெத்தக் குழம்பு பண்ணினேன். அதான் கேட்டேன்" என்றாள் ருக்கு.

"ருக்கு கொழம்பு நன்னா இருந்தது ருக்கு. ஆனா... #பாப்பா_செய்யற_அளவுக்கு_டேஸ்ட்டா_இல்லை.. என்னமோ கொறஞ்ச மாறி இருக்கு.

என்னன்னு சொல்ல தெரியலை" என்றேன் நான்.

ருக்கு குழம்பை மறுபடியும் சுவைத்து பார்த்தாள். சீனியோட அம்மா பாப்பா செஞ்சா மாறி அதே ருசியில் தானே இருக்கு. அப்புறமும் ஏதோ ஒண்ணு கொறையறதுன்னு சீனி எதுக்கு சொல்றா?" என்று யோசித்து கொண்டே இருக்கும் போது வைஷாலி ஆத்துக்கு வந்தாள் சாமா மாமாவோட.

வைஷாலிக்கு அவளோட தட்டுல சாதம் போட்டு மையா கொழஞ்சு பெசஞ்சு வெத்தக் குழம்பு சாதம் போட்டாள் ருக்கு.

சாப்பிட ஆரம்பித்த வைஷாலி "அம்மா! சூப்பர் மா!!! #வெத்தக்_கொழம்பு_எவ்வளவு_டேஸ்ட்டா_இருக்கு!!! #வெத்தக்_கொழம்புல_உன்னை_அடிச்சுக்க_ஒலகத்துல_ஆளே_இல்லமா!!! #சூப்பரோ_சூப்பர்மா!!!" என்று

சொன்னாள்.

"என்ன குட்டி... அவ்வளவு நன்னாவா இருக்கு... அப்பா ஒண்ணுமே சொல்லலை."

"அப்பாவ விடுமா... இந்த வெத்தக் கொழம்பு ஏன் இவ்வளவு டேஸ்ட்டா இருக்கு தெரியுமா?!?!"

"ஏன் குட்டிமா?"

#இது_ஏன்_இவ்வளவு_டேஸ்ட்டா_இருக்குன்னா... #இதுல_என்னோட_அம்மா_ருக்குவோட_பாசம்_இருக்குல்ல!!!! அதான்"

என்று சொல்லி சாப்பிட்டு முடித்தாள் வைஷாலி.

"தன் சமையலில் சுவை என்ன தான் இருந்தாலும் தன் மாமியாரின் பாசம் அதில் இல்லை. #என்னதான்_மனைவி_ருசியாக_சமைத்தாலும்_பிள்ளைகள்_விரும்புவது_தன்_தாய்_பாசமாக_சமைத்த_உணவைத்தான்" என்று அப்போது தான் ருக்குவுக்கு புரிந்தது.

இப்படிப்பட்டது தான் மனிதனின் மனோநிலை

@VasaviNarayanan @aarjeekaykannan @naturaize @par_the_nomad @raaga31280 @iamSri_Sri @rprabhu @Bhairavinachiya @CVeeraraghavan

& Others