Thread by @zahida_rahim

"جس چیز کی حفاظت تم مردوں کی طرح نہیں کرسکے،اس کے چھن جانےپرعورتوں کی طرح آنسوبہانےسےکیافائدہ۔"
ابوعبداللہ نےمڑکرغرناطہ پرآخری نگاہ ڈالی اوراسکی آنکھ سے آنسوٹپک کرغرناطہ کی زمین میں جذب ہوگیا۔وہ غرناطہ جس کی چابیاں فرڈینندکےحوالےکرکےاب وہ جلاوطن ہورہاتھا۔لیکن ہمارے +1/15

ابوعبداللہ کےپاس توکوئی ماں نہیں تھی جو اس پسپائی کاطعنہ دےسکتی۔اور ہمارےابوعبداللہ جواپنےغرناطہ کی حفاظت نہ کرسکےانکی آنکھ سے آج تک کوئی آنسو نہیں ٹپکا۔انکاسرِپُرغرورآج بھی اسی طرح بلندہےاوراسی بلندی سےہی آج بھی اپنےزیرنگیں مخلوق کو دیکھتےہیں۔سولہ دسمبرمیرےملک کی تاریخ کا+2/15

بدترین اورمنحوس ترین دن ہے۔دوباراس دن نےہمیں ذلّت رسوائی کےپاتال میں لاپھینکاسن 2014
میں اسی تاریخ کوہماری ہی قوم کےکچھ درندوں،جنہیں ہم نےہی دودھ پلایاتھا،ہمارےننھےپھولوں اور معصوم کلیوں کوخاک و خون میں نہلادیاتھااورایک ایسازخم دےگئےتھےجوسینےمیں آج بھی تازہ ہےاورآج بھی لہو+3/15

بنکرہماری آنکھوں سےٹپکتاہے۔
اوراس سےٹھیک تینتالیس سال پہلےکی وہ شام بھی شایدمرتےدم تک نہ بھول سکوں گا۔
میں،چچا،اورمکان مالکہ چاچی کا بھتیجاحسب معمول اپنی گپ شپ میں مگن تھےکہ آج پھر چاچی نےٹوکا”دیکھوٹی وی پر“ یایّاخان”کیاکہہ رہاہے۔ھم ٹی وی والےکمرےمیں گئے۔یحیی خان کی تقریر+4/15

آدھی سےزیادہ ہوچکی تھی،وہ پتہ نہیں کیاکہہ رہاتھا۔عجیب اجنبی سےالفاظ لگ رہ تھے۔اور
جب اس نےکہاکہ"اب یہ جنگ
گھروں میں،کھیتوں میں اور کارخانوں میں لڑی جائےگی"تو سمجھ میں آگیاکہ جہاں جنگ لڑی جارہی تھی وہاں اب نہیں لڑی جارہی کیونکہ ھم نےوہاں سرجھکا کر"بزدل دشمن"کےآگےہتھیارڈال
+5/15

دئیےہیں ہم گم سم بیٹھےاپنے اپنےدلوں میں الفاظ کاتانابانا جوڑنےکی کوشش کررہےتھے۔ٹی وی چل رہاتھالیکن اس پرکیاکچھ ہورہاتھاہمیں اسکاہوش نہیں تھا۔کچھ دیربعددیکھاکہ گہرےسانولے
لمبوترےچہرےاورلمبےسےبکھرے
ہوئےبالوں والاایک شاعرسرجھٹک جھٹک کرکہہ رہاہے
کیااس قدرحقیرتھااس قوم کا وقار؟+6/15

ہرشہرتم سےپوچھ رہاہےجواب دو
شاعرکاچہرہ پسینہ آلوداور وحشت زدہ تھا۔وہ کسی اورہی دنیامیں ،کسی اورہی حال میں تھا۔
جوصَرف گلستان نہ ہوارائیگاں گیا
اس خون شہدان وفا کاحساب دو

جی چاہتاتھاکہ ھم بھی جون ایلیا کی سی کیفیت میں پہنچ جائیں اپنےآپ سےاپنےآس پاس سے بیگانہ،ہوش وخردسےآزاد+7/15

نیم اندھیری گلی میں کچھ لوگ جمع ہورہےتھے۔یہ سب بھی شاید اندرکی گھٹن سےگھبراکرباہرنکل آئےتھےاوریہ وہ تھےکہ کبھی گھر سےاس طرح باہرنہ نکلتے۔چارٹرڈ اکاؤنٹنٹ اورسنجیدہ طبیعت نانجی صاحب محلےمیں کسی سے سروکارنہ رکھنےوالے،ہمارےعین سامنےرہنےوالےسیشن جج صاحب،انکےپڑوسی دوکوکنی بھائی+8/15

عطااورفرحت فقیہ ، ہماری اوپری منزل پررہنےوالا گورا چٹااورخوبروجاویدجو پی آئی اے میں پائلٹ تھاجوکچھ دن قبل پی آئی اےکےجہازمیں اسلحہ لےکر ڈھاکہ گیاتھا(یہ ہمیں جنگ کے بہت بعدمیں معلوم ہواتھا)ھم بھی اس ٹولی میں جاشامل ہوئےلیکن کوئی کچھ بول نہیں رہاتھا۔ہاآآہ!جج صاحب نے
لمبی+9/15

ٹھنڈی آہ ابھری
What a shame! What a shame
واٹ اےشیم،واٹ اے شیم!!
نانجی صاحب گردن جھکائے ہاتھ ملتےبڑبڑاتے۔یوں لگتاتھاکہ سب ایک دوسرے کوپرسہ دینا چاہتےتھےبلکہ۔یوں کہئیےکہ ہر کوئی کسی کاندھےکی تلاش میں تھاجس پر سر رکھ کر آنسو بہا سکے۔دادی نےکھانےکےلئیےآواز دی،یادنہیں کھایایا+10/15

نہیں۔لیکن یہ یادہےکہ رات کوجب چچاکےبسترپرنظرپڑی تھی وہ دونوں ہاتھ سرکےنیچےدئیے،خالی خالی نظروں سےچھت کوگھور رہےتھے۔پتہ۔نہیں۔کب میری آنکھ لگی اور وہ بھیانک رات،وہ شام غریباں تمام ہوئی ۔
ایک دودن بعدبھٹوصاحب شاید نیویارک سےواپس آئےجہاں کچھ دن قبل انھوں نےسلامتی کونسل میں+11/15

زوردارتقریرکی تھی، بھارت، روس اورعالمی طاقتوں کولتاڑا تھااورپولینڈ کی قراردادکےپرزے پرزےکرکےاقوام عالم کےمنہ پرمار کرآئےتھے۔بھٹو صاحب آئے،یحیحی خان سے استعفی لیا اور چیف مارشل لاایڈمنسٹریٹر اور صدر کا عہدہ سنبھال لیا۔ابوعبداللہ نےتو مڑکرغرناطہ پرآخری نگاہ ڈالی تھی،ماں کا+12/15

طعنہ سنااورآنسوبہائےتھے۔ہمارےابوعبداللہ نےاپناسامان
ناؤونوش اوراپنی سہیلیوں کو
سنبھالااور آرمی ہاؤس سےاپنے
گھرکی راہ لی۔ اللہ اللہ خیرسلا۔اورنوسال بعدجب وہ دنیاسے
رخصت ہواتواسےپورے فوجی اعزازکےساتھ رخصت کیا گیا،۔۔۔نصیب اپنااپنا۔۔
بھٹوصاحب نےبچےہوئے سنگریزوں سےنئےگھر کی۔۔+13/15

تعمیرشروع کی۔
جو بچے ہیں سنگ سمیٹ لو۔۔تن داغدار لٹا دیا،
اورپھر ہم سب اپنی اپنی زندگیوں میں مصروف ہوگئے۔آج جب ہم اپنےبچوں کوبتاتےہیں کہ بنگلہ دیش کبھی مشرقی پاکستان کہلاتاتھا توتحیّرکی ہلکی سی جھلک ان کےچہرےپرنمودارہوتی ہےاور پھر وہ اپنےویڈیو گیم کی طرف متوجہ ہوجاتے ہیں۔+14/15

مجھ جیسے جواب زندگی کی آخری گھڑیاں گن رہےہیں،اب شاید نہیں رہیں گے،جن کےدل سےبنگالیوں کو دیکھ کرآوازنکلتی ہے
کبھی ہم بھی تم بھی تھےآشنا، تمہیں یادہوکہ نہ یادہو!
15/15
(تحریر شکور پٹھان۔بشکریہ۔پنجند۔کام)