Thread by @AAK1958

میں پاکستان کا شہری، میں پاکستان کا مالک ہوں۔🇵🇰💖

یہ ملک میری ملکیت ہے اور میں اس کا آزاد شہری ہوں۔ یہ ملک پاکستان میری دھرتی، میری ماں ہے اور میں اس کا شہری، اس کا سپوت ہوں۔ یہ ملک، یہ آزادی مجھے یوں ہی خیرات میں نہیں ملی ہے۔ اس آزاد رقبے کے حصول کےلئے میرے آجداد کا خون،

پسینہ بہا ہے۔ اس کی زرے زرے، چپے چپے، رگ رگ اور نس نس میں میرے اسلاف کا خون دوڑ رہا ہے اور اس میں میرا پسینہ بہہ رہا ہے۔ میرے آجداد نے اپنا خون بہا کر اس کو آزادی دلوائی تھی اور اب میں اپنا پسینہ خرچ کرکے اس کو تعمیر کر رہا ہوں۔ اس ملک کےلئے اور اس کی آزادی کے لئے میری جدوجہد،

میری قربانیوں اور میری محنت و تکلیفوں کی داستان طویل ہے اتنی طویل کہ کوئی پوری زندگی خرچ کرے تب بھی یہ داستان مکمل نہیں سن سکتا۔
میری ماؤں، میری بہنوں نے اس کے حصول و آزادی کےلئے آبروں کی قربانیاں دی ہیں۔ اپنے سینوں سے آنچل اتار کر اس کا پرچم تخلیق کیا ہے۔ میرے بزرگوں نے

اسکی تخلیق کے لئے اپنے تن کا گوشت، جسم کی ہڈیاں اور رگوں کے خون کا عطیہ دیا ہے۔ یہ ملک مجھے تب حاصل ہوا ہے اور میں تبھی اس میں آزاد ہوں ہے۔ یہ سب مفت میری جھولی میں نہیں آگرا ہے میں اپنے پیچھے لمبی اور کھٹن تاریخ رکھتا ہوں۔ اس ملک کے وجود اور میری آزاد سانسوں کے پیچھے کیا کہانی

ہے اور کیسے کیسے دلدوز افسانے ہیں یہ میں ہی جانتا ہوں۔
میں ہی جانتا ہوں کہ میں نے اس کی تعمیر و ترقی کے لئے اپنے جسم و جاں سے کتنا پسینہ خرچ کیا ہے، کتنی توانائیاں اور کتنی حرارتیں خرچ کئے ہیں۔ میں یہ بھی جانتا ہوں کہ میں اس کی حفاظت اور استحکام کےلئے کب سے لڑ رہا ہوں،

اپنا کتنا خون بہا چکا ہوں، اور میں یہ بھی جانتا ہوں کہ میں اس کی نظریات، مقاصد اور معنوں کی تحفظ کےلئے کتنی ذہنی و زبانی صلاحیتیں خرچ کر چکا ہوں۔ میں قطعا اس دھرتی سے غافل نہیں ہوں کیونکہ میں اس کا مالک ہوں اور یہ میری ملکیت ہے۔

جب کہ میں مالک ہوں اس زمین کا اور اس وطن کی تخلیق و تعمیر میں نے کی ہے،تو
پھر آج میں کیوں اس میں محروم ہوں،
عزت،روزگار،انصاف اور مقام سے محروم۔۔۔
مجھے کیوں عوام کا نام دے کر لوٹا، نوچا جا رہا ہے۔
میں دیکھ رہا ہوں کہ برسوں سے مجھے بےدردی سے لوٹا جارہا ہے۔

میرا خون، پسینہ چوسا جارہاہے
اور مجھے ننگا،بھوکا رکھ کر
میرے نوالے ان کے کتوں اور گھوڑوں کو کھلایا جارہا ہے۔
میری حسرتوں اور خوابوں کے قبرستان پر
ان کے شیش محل تعمیر کئے جا رہے ہیں۔
ان کے اللوں،تللوں کے خرچ میں اٹھا رہا ہوں۔
ان کے موٹے گردنوں اور پھیلے توندوں کو میں پال رہا ہوں

اور میں ہی ووٹ کی پرچی سے انہیں اقتدار و طاقت کی کرسیوں پر متمکن کر رہا ہوں۔
جب میں انہیں طاقت و اختیار بخشتا ہوں
تو قانون کا شکنجہ میری گردن میں کس کر
مجھے انصاف و آزادی سے محروم رکھاجا رہا ہے۔
میں نے انہیں جاہ و حشمت،طاقت و اختیار، عزت و آزادی بخشی ہے۔

یہ ملک بناکر دیا ہے اور اسکی حفاظت بھی کر رہا ہوں۔
اس کی تعمیر بھی اور اسکی تزئین و آرائش بھی۔
میں ہی اس کا حقیقی شہری ہوں اور اس کا مالک بھی
میرے بغیر وہ کچھ بھی نہیں
اور میں ان کے بغیر بھی پاکستان کا شہری اور پاکستان کا مالک ہوں۔ پاکستان زندہ باد منقول: 29/12/2016 🇵🇰
(@AAK1958)