Thread by @smitprabhu

#सावरकरांच्या_आठवणी
भाग २२ : #मास्टरतारासिंग_आणि_स्वातंत्र्यवीरसावरकर

अकाली दलाचे माजी अध्यक्ष, तसेच गुरुव्दाराप्रबंधक समितीचे माजी अध्यक्ष आणि शिखांचे पुढारी मास्टर तारासिंग हे काँग्रेसचे कट्टर विरोधक होते. काँग्रेसचे हिंदू-मुस्लिम ऐक्याचे धोरण त्यांना पटत नव्हते.

(१/८)

त्यांचा नि अकाली दलाचा काँग्रेसला ठाम विरोध होता.

स्वातंत्र्यवीर सावरकरांच्या आणि त्यांच्या पंजाबच्या दौऱ्यात आणि दिल्लीत त्यांच्या तेथील मुक्कामात भेटी होत, चर्चा होत.

स्वातंत्र्यवीर सावरकरांनी केलेली #हिंदू या शब्दाची व्याख्या मास्टर तारासिंगांना पटत असे.

(२/८)

त्या व्याख्येप्रमाणे शीख हे हिंदूच आहेत, असे ते मान्य करीत. हिंदुराष्ट्रात समाधानाने राहण्यास शिखांची सिद्धता आहे. उभयतातील या समान ध्येयांमुळे हिंदूसभेचे आणि अकाली दलाचे ध्येय व धोरण प्रामुख्याने हिंदू-मुस्लिम प्रश्नावर समान होते.

(३/८)

पंजाबच्या दौऱ्यावर असताना एकदा अकाली एकदा दलाच्या वतीने तात्यांचा प्रकट सत्कार करण्यात आला.
अमृतसर येथील सुवर्णमंदिरात वीर सावरकरांचा गुरुव्दारा प्रबंधक समितीच्या वतीने सत्कार करण्यात आला, आणि चांदीची मूठ असलेली तलवार वीर सावरकर यांना अर्पण करण्यात आली, मानपत्र देण्यात आले.
(४/८)

त्या वेळी अध्यक्षस्थानी म्हणून मास्टर तारासिंग हे होते. त्या वेळी असे सांगितले जात होते की, सुवर्णमंदिरात शिखांव्यतिरिक्त अन्य कोणत्याही पुढाऱ्याचा सत्कार झालेला नव्हता.

#स्वातंत्र्यवीरसावरकर हेच पहिले शिखेतर पुढारी होते, की ज्यांचा सुवर्णमंदिरात सन्मान करण्यात आला.

(५/८)

त्या वेळी तात्यारावांना #गुरूग्रंथसाहेब भेट देण्यात आला.

सन १९५३-५४ मध्ये मास्टर तारासिंग मुंबईस आले असता त्यांनी ‘सावरकर सदन' मध्ये तात्यांची भेट घेतली होती.
चर्चेच्या ओघात तात्यांनी गुरुमुखीत छापलेल्या ग्रंथाचा अभ्यास केल्याचा उल्लेख केला तेव्हा आश्चर्याने तारासिंगांनी -
(६/८)

“आपणास गुरुमुखी येत का ?" असे विचारले.
त्यावर तात्या म्हणाले...
“तुम्ही वाचले नसेल इतके वाचन मी शिखांच्या इतिहाससंबंधी गुरूमुखीतून केले आहे. आणि #शिखांचाइतिहास या नावाचा ग्रंथही मी लिहिला होता. पुढे इंग्लंडहून ह्या ग्रंथाचे हस्तलिखित गुप्तपणे हिंदुस्थानात पाठविले असता -

(७/८)

- बोटीतून आणणाऱ्या व्यक्तीने भीतीने ते हस्तलिखित समुद्रात सोडून दिले म्हणून तो ग्रंथ प्रसिद्ध होऊ शकला नाही, हे प्रसिध्दच आहे."

#स्वातंत्र्यवीरसावरकर

संदर्भ : #आठवणी_अंगाराच्या
साभार : #सावरकरी_विचाररत्ने FB Page (विठ्ठल वाघ)

(८/८)