Thread by @smitprabhu

#सावरकरांचे_विचार
भाग १६

" 'नाही, नाही, राष्ट्रे कधीही मरत नाहीत, परमेश्वर गांजलेल्यांचा कैवारी आहे. त्याने मनुष्याला स्वातंत्र्यात राहण्यासाठी उत्पन्न केले आहे. तुम्ही मनांत आणा की तुमचा देश स्वतंत्र झालाच!' याहून अधिक उत्साहक असा दुसरा कोणाचा #राष्ट्रमंत्र आहे ?

(१/८)

'एकदा मनुष्याने असा निश्चय केला की मी स्वातंत्र्य, स्वदेश व मानव्य यावर भक्ती करतो, की मग त्याने स्वातंत्र्यासाठी, स्वदेशासाठी व मानव्यासाठी लढलेच पाहिजे, अखंड लढले पाहिजे, सर्व आयुष्यभर लढले पाहिजे, शक्य त्या त्या शस्त्राने लढले पाहिजे, -

#स्वातंत्र्यवीरसावरकर
(२/८)

- तिरस्कारापासून तो मरणापर्यंत सर्व संकटे तुच्छ मानली पाहिजेत, द्वेषाला नि निंदेला तोंड दिले पाहिजे, दुसऱ्या कोणत्याही फलाची आकांक्षा न करता फक्त कर्तव्य म्हणून त्याने तत्पर झाले पाहिजे !' याहून अधिक दिव्य असा दुसरा कोणता #राष्ट्रमंत्र आहे ?

#स्वातंत्र्यवीरसावरकर

(३/८)

'प्रीती करा, तरुणहो, प्रीती करा. मनुष्याला परमेश्वराकडे नेणारी प्रीती ही सोपानपरंपरा आहे. कुटुंबावर प्रीती करा, स्वदेशावर प्रती करा, तरुण हो, मनुष्य जातीवर प्रीती करा !'याहून अधिक प्रेमळ असा दुसरा कोणता #राष्ट्रमंत्र आहे ? नि 'नुसती इटली स्वतंत्र होऊन काय उपयोग !

(४/८)

आपण स्वतंत्र होताच दुसऱ्यांना स्वतंत्र केले पाहिजे.' याहून अधिक उदात्त असा दुसरा कोणता #राष्ट्रमंत्र आहे ?

अशा या राष्ट्रीय मंत्राचा मंत्रद्रष्टा जो इटलीचा स्वातंत्र्यदाता देशभक्त #मॅझिनी त्याचे आत्मचरित्र नि काही राजकीय लेख याचे भाषांतर या ठिकाणी केले जात आहे.

(५/८)

या लेखांनी दोन कोटी लोकांना चैतन्य आले. या लेखांचे पाणी गॅरिबाल्डीच्या तलवारीवर झळकत होते. या लेखांनी युरोपची सिंहासने उलथीच्या पालथी केलेली आहेत. या लेखांनी #इटली देश स्वतंत्र झाला आहे. नि सर्व परतंत्र देशांना स्वातंत्र्य देण्याचे सामर्थ्य या लेखांमध्ये भरलेले आहे !

(६/८)

#मॅझिनीने ही तत्वे केवळ इटलीकरिताच सांगितलेली नाहीत. इटली निमित्त मात्र असून ही राजकारणशास्त्रांतील महत्सत्ये त्या महात्म्याने सर्व मनुष्यजातीसाठी प्रकट केलेली आहेत.
हा स्वातंत्र्यसुधेचा मेवा सर्व संतप्त भूमिकांकडे वळला आहे.

(७/८)

चातकांनो, ही संधी साधून आपापल्या तृषा भागवून घेणे हे आता तुमच्या हाती आहे !
यापेक्षा मॅझिनीच्या लेखांची प्रस्तावना मी पामर जास्त ती काय लिहिणार ?"
- #स्वातंत्र्यवीरसावरकर

(संदर्भ : #जोसेफमॅझिनी प्रस्तावना)

#राष्ट्रहितसर्वोपरि
#वंदेमातरम्🇮🇳

(८/८)