सुशिक्षित कोण आणि अशिक्षित कोण ? या प्रश्नाचा एक नवा वेध घेणे गरजेचे आहे. सध्याची सुशिक्षित लोकांची व्याख्या त्याच्या शिक्षण नावाच्या रचनेशी जोडलेली आहे. अर्थात जो शिकलाय तो सुशिक्षित आणि नाही शिकला तो अशिक्षित . इथे एक प्रश्न जाणीवपूर्वक उभा करायला हवा की,
खरोखरीच शिक्षण घेतलेले " सुशिक्षित " आहेत का ? शिक्षण म्हणजे नेमके काय ? चार पुस्तके आणि शाळा नावाची रचना मनुष्याला सुशिक्षित बनविण्यासाठी पुरेशी आहे का ? सदसदविवेकबुध्दी शाबूत राखून या तीन प्रश्नांची उत्तरे शोधल्यास काही नकारार्थी उत्तर हाती येऊ शकतात. शिक्षण घेतलेल्या
बहुतांशी व्यक्तीचे सामाजिक वर्तन हे अत्यंत मागास दर्जाचे असते. याची उदाहरणे नुसते डोळे उघडून सर्वत्र फिरवले तरी ठायीठायी दिसतील. भ्रष्टाचार , व्यसनासक्त ,जातीयता अंधश्रध्दा अशा बरेच बाबतीत सुशिक्षित मंडळी मागे नाहीत तर पुढेच आहेत हे नाकारता येत नाही .
अन्याय विरोधात तुमच्या मनात विद्रोह पेरते ते शिक्षण होय. पण सर्वत्र अन्याय दिसत असूनही निमुटपणे जगणारी सुशिक्षित मंडळी लाखोनी दाखवता येतील.चार पुस्तके व शाळा नावाची रचना मनुष्याला फक्त पोटार्थी बनवते , माणूस नावाची रचना उभी करण्याची ताकद अजूनही या रचनेने फारशी कमवलेली नाही हे
कटूसत्य आहे. सुशिक्षित व अशिक्षित यातील फरक असा विरळाहून विरळ आहे. तेव्हा ....शिक्षण घेतलेलृ ते सुशिक्षित व न घेतलेले अशिक्षित असा भ्रम जरा तपासून पहायला हवाच.
• • •
Missing some Tweet in this thread? You can try to
force a refresh
