ஒருநாள் அக்பரின் அரசவையில், அக்பரும் பீர்பாலும் பேசிக் கொண்டிருக்கும் போது அக்பர் கேட்டார். "பீர்பால்! இந்துமதத்தில் உள்ள கடவுள் திருமால் இருக்கிறாரே,அவருக்கு யாரும் சேவகர்களே கிடையாதா?". உடனே பீர்பால்,"அரசே!அவருக்கு ஆயிரக்கணக்கான சேவகர்கள் இருக்கிறார்கள்.ஏன் கேட்கிறீர்கள்?" 
அக்பர்,"இல்லை ஒரு சாதாரண யானையின் காலை,ஒரு முதலை பிடித்ததற்கா உங்கள் திருமால்,கருடன் மீது ஏறி,சங்கு சக்கரத்துடன் வந்து அந்த யானையைக் காக்கவேண்டும்.நீர் கூறியது போல் ஆயிரக்கணக்கான சேவகர்கள் இருக்கிறார்களே.அவர்களில் யாரவது ஒருவரை அனுப்பி,அந்த யானையை காப்பாற்றியிருக்கலாமே?
அதை விட்டு விட்டு அவரே ஏன் நேரில் வந்து,அந்த யானையை காப்பாற்ற வேண்டும்?" இதற்கு பீர்பால் பதில் ஏதும் கூறாமல் மெளனமாக இருந்தார்.அதைப்பார்த்ததும் அக்பருக்கு ஒரே சந்தோஷம்.பீர்பாலே பதில் சொல்லமுடியாத அளவுக்கு நாம் கேள்வி கேட்டுவிட்டோம் என்று.ஒரிரு நாட்கள் சென்றன.
அக்பரும் அவர் குடும்பத்தாரும்,அவர்களுடன் பீர்பாலும் சில மெய்க்காப்பாளர்களும் கங்கைக்கரையை கடப்பதற்கு படகில் சென்று கொண்டிருந்தனர.அக்பரின் மூன்றுவயது பேரக்குழந்தையை கொஞ்சிக்கொண்டிருந்த பீர்பால்,படகு ஆழமான பகுதிக்கு வந்ததும், படகோட்டிக்கும் படகில் வந்த ஒரு வீரனுக்கும்,
சைகை காட்டிவிட்டு அக்பரின் பேரனை கங்கையில் தூக்கி போட்டுவிட்டார்.பதறிய அக்பர் உடனே நீரில் குதித்து தன் பேரனை காப்பாற்றத்துணிந்தார்.அவரோடு சேர்ந்து பீர்பால் சைகை செய்த வீரனும் நீரில் குதித்து,அக்பரையும் குழந்தையும் தூக்கி வந்து படகில் சேர்த்தான்.
படகில் பேரனுடன் ஏறிய அக்பர் தன்னை ஆசுவாசப்படுத்திக் கொண்டு,"பீர்பால் ஏன் இப்படி என் பேரனைக்கொல்ல துணிந்தாய்? என்னால நம்பவே முடியவில்லை.என்ன காரணத்துக்காக என் பேரனை தண்ணீர்ல தூக்கி போட்டீர் சொல்லும்?"என்றார் கோபமாக.
பீர்பால் அமைதியாக,"உங்களுக்கு திருமாலைப்பற்றி தெரியவேண்டும் என்பதற்காக அப்படிச்செய்தேன் அரசே"என்றார். அக்பர்,"பீர்பால்!என்ன விளையாடுகிறாயா. நீ என் பேரனைத்தூக்கி தண்ணீரில் போட்டதற்கும், உமது திருமாலைப்பற்றி நான் தெரிந்து கொள்வதற்கும் என்ன சம்மந்தம்?"
உடனே பீர்பால்,"அரசே மன்னித்துவிடுங்கள்.அன்று ஒரு நாள் நீங்கள் என்னிடம்,உங்கள் கடவுள் திருமாலுக்கு சேவகர்களே இல்லையா?அவர்தான் வந்து யானையை காப்பாற்றவேண்டுமா எனக்கேட்டீர்களே.ஞாபகம் உள்ளதா உங்களுக்கு?". அக்பர் ஆமாம் என்று தலையசைத்தார்.
பீர்பால்,"அரசே கொஞ்சம் யோசித்துப்பாருங்கள்.என்னையும் சேர்த்து இந்தப்படகில் இப்பொழுது உங்களுக்கு பத்துசேவகர்கள் இருக்கிறார்கள்.ஆனால் இவர்கள் யாருக்கும் நீங்கள் உத்தரவு பிறப்பிக்காமல், நீங்களே உங்கள் பேரனைக்காப்பாற்ற தண்ணீரில் குதித்துவிட்டீர்கள்,ஏன் அரசே?
எங்களை நீங்கள் நம்பவில்லையா"என்று கேட்டார்.அக்பர் கொஞ்சம் கோபம் தணிந்து,"அப்படி இல்லை பீர்பால்!என் பேரன் மேல் நான் அளவுக்கடந்த பாசம் வைத்திருக்கிறேன்.நீங்கள் திடீரென்று தண்ணீரில்,அவனை தூக்கிப்போட்டதால் எனக்கு அவனை காப்பாற்றவேண்டும் என்கிற எண்ணம் மட்டும்தான் மேலோங்கி இருந்ததே தவிர
உங்களுக்கு உத்தரவிட்டு அவனை, காப்பாற்றச்சொல்லும் அளவுக்கு எனக்குப்பொறுமை இல்லாமல், நானே குதித்து அவனை காப்பாற்றினேன்"என்றார்.பீர்பால் புன்னகையுடன்,"அரசே!இந்த நாட்டை ஆளும் உங்களுக்கே இவ்வளவு பாசம் இருக்கும்போது அண்ட சராசரங்களையும் ஆளும்,எங்கள் திருமாலுக்கு எவ்வளவு பாசம் இருக்கும்,
உயிர்கள் மேல். அதனால்தான் அவருக்கு,எத்தனை சேவகர்கள் இருந்தாலும்,தன்னை நம்பி அழைப்பவர்களை எங்கள் கடவுள் நேரில் காக்க வருகிறான்.அரசே இப்பொழுது புரிந்ததா திருமால் ஏன் நேரில் வந்து யானையைக் காப்பாற்றினார் என்று.
நான் நீரில் வீசிய உங்கள் பேரனைக்காப்பற்ற,இங்குள்ள ஒரு வீரனிடமும் படகோட்டியிடமும் நான் முன்னமே சொல்லி வைத்திருந்தேன்.தவறு இருந்தால் மன்னியுங்கள் அரசே"என்றார். உடனே அக்பர்,"இல்லை பீர்பால் நான் தான் உன்னிடம் மன்னிப்பு கேட்கவேண்டும்.
உங்கள் கடவுளைப்பற்றி தவறாக எண்ணி இருந்தேன். உங்கள் கடவுள்,தாயினும் மேலானவர் என்பதை புரிந்துக்கொண்டேன்" என்றார்.
நெகிழ்ச்சியாக பலமுறை பலர் உபன்யாசகங்களிலும் கதைகளிலும் சொன்னது போல்,அன்புக்கும் பண்புக்கும் நேர்மைக்கும் பகவான் கட்டுண்டவன்.
நெகிழ்ச்சியாக பலமுறை பலர் உபன்யாசகங்களிலும் கதைகளிலும் சொன்னது போல்,அன்புக்கும் பண்புக்கும் நேர்மைக்கும் பகவான் கட்டுண்டவன்.
கூப்பிட்டக் குரலுக்கு உடனே ஓடோடி வந்து இன்றும் உதவுபவன். அவனே தாய்,தந்தை போல் நமக்கு இருக்கும்போது, அவன் அருளாலே எல்லாம் நடக்கிறது. அவனின்றி ஓர் அணுவும் அசையாது.
க்ருஷ்ணார்ப்பணம்🙏🏻
க்ருஷ்ணார்ப்பணம்🙏🏻
• • •
Missing some Tweet in this thread? You can try to
force a refresh
