Thread by @DestaUFO

ተጋዳላይ ኮይንኻ መስዋእትነት ንቡርን ግቡእን እዩ። እዞም ጀጋኑ ተጋደልትና ቅድሚ 45 ዓመታት ምስኦም ብረታዊ ቃልሲ ዝጀመሩን ሐዚ ብሂወት ዘየለዉን ፡ ዝተስዉኡ ጀጋኑ ብፆቶም ኣለውዎም። (1/9)

ሐዚ ክቡር መስዋእትነት ምኽፋሎም ኢሉ ድማ ስለ ክብሪ ትግራይን ህዝቦምን ምዃኑ የኹርዕ እዩ። መን ከ ቀቲሉዎም ፤ ኣገባብ ኣቀታትለኦም ከመይ ነይሩ ወዘተ ዝብሉ ነገራት ከጉሁዩና የብሎምን ኢለ ይኣምን። (2/9)

ብስድነት ኣባለት ብልፅግናን እንዳረኣና ናይ ስዉኣትና ጅግንነት ክነነኣእሶ የብልናን። ኣባላት ብልፅግና ስእሊ ጀጋኑ ኣያታትና ከምዚ ምግባሮም መነወርቲ ምዃኖም ዘርኢ ፤ ብዞም ሰባት እዚኦምን ፅሉል መራሒኦምን ተገዛእቲ ኮይንኻ ምንባር ድማ (3/9)

ንናይ ዝተሰወአ ሰብ ሬሳ እኳ ንኡሽተይ ክብሪ ዘይህቡ ንብሂወት ዘሎ ሰብ እንታይ ክገብሩ ከም ዝኽእሉ ኣፀቢቑ ዘመላኽት እዩ። ተጋዳላይ ተቓሊሱ እዩ ዝስዋእ። (4/9)

ሐዚ ዘለናሉ ዘመን ማሕበራዊ ሚድያ ዘለዎ ዘመን ስለ ዝዀነ ስእልታት ስዉኣትና እቲ ወራሪ ሓይሊ ከምቲ ትማሊ ዝገበሮ ምጥቃዕ ይከኣል እዩ። ዝጥቀዐሉ ዓላማ እውን ግልፂ እዩ። ቀደም እውን እዚ ኹሉ ጅግና ተጋዳላይ ምእንተ ህዝቡን መንነቱን (5/9)

ፍቓዶ ሽንጥሮታት ትግራይ ክስዋእ ከሎ ብፎቶ ስለ ዘይተስኣለን ኣብ ማሕበራዊ ሚድያ ስለ ዘይወፀን እምበር ክምዚያ ኢሎም ንዕላማ እዮም ተሰዊኦም። ናይ ተጋዳላይ ትርጉሙ ኣዝዩ ረዚን እዩ። ተጋዳላይ ንዝኣመንካሉ ዓላማ ነታ ሓንቲ ሂወትካ (6/9)

ከይሰሳዕኻ ብኽብሪ ምስዋእ ማለት እዩ። ተጋዳላይ ማለት ንስለ ህዝቦም ክብሉ ቃልኪዳኖም ብደም ፅሒፎም ናይ ዝተስዉኡ ብፆትካ ሕድሪ እንከየዕበርካ ክሳብ ዕለተ መስዋእትኻ ከይተሓለልካ ምቅላስ ማለት እዩ። (7/9)

ተጋዳላይ ማለት ክብሪ እዩ። ተጋዳላይ ማለት ንሓቅነትን ንፍትሕን ምንባር ማለት እዩ። ካብዞም ኩሎም ጀጋኑ ኣቦታትና ፣ ኣዴታትና ፣ ኣሕዋትናን ኣሓትናን ተጋደልቲ ትግራይ ክንመሃሮ ዝግበአና ነገር እዚ እዩ። (8/9)

ትግራዋይ መንነትናን ግዝኣታዊ ሓድነትናን ንምዕቃብ ኩላትና ቃል ኣቲና በብዝኸኣልናዮ ንቃለስ። (9/9)

ኣጆና✊

#WarOnTigray
#TigrayGenocide