Thread by @kashifch

امبر کمرہ(Amber Room)
روس کا دنیا کا آٹھواں عجوبہ اور اسکی گمشدگی کی حیرت انگیز داستان

آئیے آپ کو دنیا کے آٹھواں عجوبے کا تعارف اور اس سے جڑی ایک داستان سنائیں جس کے بارے میں اکثر نے شاید نہ سنا ہو۔ کہانی طویل ہے تسلیّ سے وقت نکال کر پڑھئے گا

ٰImage Courtesy Wiki-Comm
1\13

امبر: درختوں سے نکلنے والی گوند جو جیو اشم / Fossil بن چکی ہو۔ یہ انتہائی کمیاب اور قیمتی تصور کی جاتی ہے۔ قدیم یورپ میں اس کو بلا اجازت زمین سے نکالنا موت کی سزا کا مرتکب بنتا تھا۔

1701 میں اس وقت کی جرمن ریاست پورشیا کا پہلا بادشاہ فریڈرک برلن محل کے ایک کمرے
13\2

کو اپنی بیگم صوفیہ کی خواہش پر امبر کے 450 کلو ٹکڑوں ، سونے اور شیشوں سے مزین کروانے کا حکم دیتا ہے۔

اس کا ڈیزائن مشہور جرمن سنگ تراش انڈراس نے تیار کیا ۔ اس کے لئے یورپ بھر سے امبر کے ماہر کاریگر منگوائے گئے ۔ یہ اپنے آپ میں ایک عجوبہ تھا
13\3

کہ کسی ایک جگہ پر اتنی بڑی تعدا د میں امبر کے ٹکڑے موجود ہوں۔

1716میں جب روس کے بادشاہ پیٹر دی گریٹ نے پورشیا کا دورہ کیا تو فریڈرک کے بیٹے نے جرمن روس کی دوستی کی بنیاد امبر روم کو تحفہ میں دے کر رکھی۔
جرمن اور روسی ماہرین نے ایک طویل عرصے کام کر کے پیٹرزبرگ محل
13\4

میں کمرہ تیا ر کیا جو پہلے سے کئی گنا بڑا اور چھ ٹن امبر سے تیار کیا گیا۔

اصل کہانی اب شروع ہوتی ہے۔ دوسری جنگ ِ عظیم 1941کے دوران جرمن کے روس پر قبضے کے دوران، ہٹلر کے حکم جرمن ماہرین کی ایک ٹیم نے اس کمرے سے امبر کے نوادرات اتار کر جرمنی بھیج دیئے
13\5

جن کو کونگبرگ قلعے میں سجا دیا گیا ۔ جب 1945 اتحادی افواج نے کونگبرگ پر حملہ کیا تو وہ آخری دن تھا جب امبر کمرے کو دیکھا گیا

ہٹلر نے حکم دیا کہ اس کمرے کو خالی کرکے امبر کے ٹکڑوں کو پیٹیوں میں بند کرکے کسی نہ معلوم مقام پر بھیج دیا جائے۔ اس حکم پر عمل ہوا یا نہیں
6\13

یہ تاریخ کی ایک گتھی ہے۔ شہر پراتنی شدید بمباری ہوئی کہ کونگبرگ قلعہ کھنڈر بن گیا اور بلاآخر 1960 میں روسیوں نے اس کو زمین بوس کر دیا گیا۔ مگر امبر کمرے کا کچھ نشان نہ ملا۔

1945سے ہی ماہرین اس تحقیق میں رہے کہ اس شاہکار کے ساتھ کیا ہوا۔ ہٹلر اور جرمن فوج نے تقریباً
13\7

چھ لاکھ نوادرات چرائے اور کسی بھی دستاویزی ثبوت کے بغیر انکو نامعلوم مقامات میں چھپا دیا گیا۔ جن میں سے کچھ مل سکے باقیوں کا کچھ پتا نہیں۔ اس سارے خزانے میں امبر روم کا وہی مقام ہے جو تاجِ برطانیہ میں کوہِ نور ہیرے کا۔

تحقیقاتی ٹیمیں بنائی گیئں جن کے مطابق:

13\8

ایک مفروضہ یہ تھا کہ دورانِ جنگ وہ کمرہ تباہ و برباد ہو گیا مگر تما م تر کوشیشوں کے بعد بھی کوئی سراغ ملبےسے نہ ملا۔

ایک مفروضہ یہ بھی تھا کہ جس جہاز میں اس کو منتقل کیا گیا وہ اتحادی فوجوں نے ڈبو دیا تھا۔ اس کے ملبے کو بھی گھنگال لیا گیا مگر کچھ نہ ملا۔

13\9

ایک مفرضہ یہ بھی ہے کہ مشرقی جرمنی کے دور 1960 میں روسی فوجیوں نے جب کونگبرگ قلعہ کے کھنڈرات کو زمین بوس کیا تو اس کاروائی میں امبر کی پیٹیاں بھی برباد ہوگئیں۔ اس کی تحقیق کرنے والے دو ایم افراد قتل ہوئے اور کہا جاتا ہے یہ کے جی بی کی کاروائی تھی تاکہ یہ راز ہی رہے۔
13\10

ایک اطالوی فوجی کے پوتے کے قبضے سے اس خزانے کا ایک صرف ٹکڑا ملا تھا ۔ فوجی کے بیان کے مطابق جس نے خود کو چشم دید گواہ کہا اور بیان دیا کہ امبر کی پیٹیاں قلعے کے پچیدا تہہ خانے میں رکھی گئ تھیں ۔ مگر ساری کھدائی کے با وجود کچھ نہ ملا۔
13\11

بہرحال 1979 میں روس نے اس کمرے کا ریپلیکا تیار کرنے کا عہد کیا اور پھر روسی اور جرمن ماہرین کی ایک ٹیم بنائی گی ۔ اس میں جرمنی نے معالی معاونت بھی کی۔ اس ٹین نے اطالوی فوجی سے ملے واحد ٹکڑے اور کوئی 1941 سے پہلی کھینچی گئی سو ایک تصویروں سے پورے کمرے کو دوبارہ
13\12

ڈیئزائن کیا اور 23 سال کی محنت کے بعد 2004 میں اس کو عوام کی نمائش کے لئے کھول دیا گیا۔

آج یہ روس میں ایک مقبول ترین ساحتی مقام ہے۔

لیکن اصل امبر روم کہا گیا یہ دوسری جنگِ عظیم کے اہم رازوں میں سے ایک راز ہی رہا جس پر سے کبھی شاید پردہ نہ اُٹھایا جا سکے۔
13\13