Thread by @RajarajanRj

கலைஞர், தளபதிக்கு எத்தனையோ சவால்களை தந்து அவர் எப்படி செயலாற்றுகிறார் என்று பார்த்திருக்கலாம்.

அன்பகம் கட்டிடம் தர 10 லட்சம் நிதி திரட்டி தரவேண்டும் என்று சொல்லி, அதை தளபதி சாதித்து காட்டியதாக இருக்கட்டும்,

மேயர் என்பது பதவியல்ல.. பொறுப்பு என்று சொல்லி, அதை தளபதி நிறைவேற்றி,

சிறந்த மேயராக பேர் வாங்கியதாக இருக்கட்டும்,

அவர் துணை முதல்வர் என்றால், எனக்கு துணையாக இருந்து செயல்படுகிறார் என்று பாராட்டியதாக இருக்கட்டும்,

ஸ்டாலின் என்றால் உழைப்பு, உழைப்பு, உழைப்பு என்று பாராட்டியதாக இருக்கட்டும்.

தளபதிக்கான உயர்வை சாதாரணமாக தந்துவிடவில்லை கலைஞர்.

ஏனெனில் கலைஞருக்கு தெரியும், அவர் தாங்கியது தங்கக்கிரீடமல்ல, முள் கிரீடம் என்று.

இனக்காவலன் என்கிற பட்டம் சாதாரணமாய் கிடைக்கக்கூடியதல்ல. இங்கே நன்றியுடையுடைய நாய்களை விட, நன்றிகெட்ட ஓநாய்களே அதிகம் என்பதும் அவருக்கு தெரியும்.

கலைஞரின் பெயருக்கு பின்னாலும், வாழ்விற்கு பின்னாலும் இருப்பது பெருமை மட்டுமல்ல.. அதற்கு பின்னால் மிகப்பெரிய வலியும் இருக்கிறது.

இதனால் தான் கலைஞர் எளிமையாக சொன்னார்..

“தமிழர்களே தமிழர்களே நீங்கள் என்னை கடலில் தூக்கி எரிந்தாலும் கட்டுமரமாக தான் மிதப்பேன் அதில் ஏறி நீங்கள்

பயணம் செய்யலாம் கவிழ்ந்து விட மாட்டேன்”

இதற்கு ஆயிரம் அர்த்தங்கள் உண்டு. இதை தான் இன்றைய தலைவருக்கு உணர்த்திச்சென்று இருக்கிறார் தலைவர் கலைஞர்.

அவரின் கடைசி நாள் "இடப்போராட்டம்" தளபதி ஸ்டாலினுக்கு வைக்கப்பட்ட கடைசி தேர்வு. தலைவர் ஸ்டாலினுக்கு வைக்கப்பட்ட முதல் தேர்வு.

தேர்வில் வெற்றிபெற்று தளபதி தலைவரானார் என்பது வரலாறு!

தலைவர் கலைஞருக்கு தளபதி ஸ்டாலின் இரத்த வாரிசு மட்டுமல்ல.. கொள்கை வாரிசு என்பதை நாம் அவர்கள் சொற்களில் இருந்தே உணரலாம்:

முதல் கேள்வி தலைவர் கலைஞரிடம் கேட்கப்பட்டது..

உங்கள் அரசியல் வாழ்வின் மிக நெருக்கடியான காலகட்டம் என்று நெருக்கடிநிலைக் காலகட்டத்தைச் சொல்லலாமா?

தலைவர் கலைஞர் பதில்: நெருக்கடிகள் நிறைய இருந்தன என்றாலும், வாழ்வின் மிக நெருக்கடியான காலகட்டம் என்று நெருக்கடிநிலைக் காலகட்டத்தைக் குறிப்பிட முடியாது.

அண்ணா மறைந்தபோது உருவானதுதான் பெரும் நெருக்கடி அண்ணாவால் சில லட்சியங்களை வென்றெடுப்பதற்காக உருவாக்கப்பட்ட இந்த இயக்கத்தைக் கட்டிக் காப்பாற்றி, முன்னெடுத்துச் செல்ல வேண்டிய பொறுப்பு என் மீது விழுந்ததைவிடவும் பெரிய நெருக்கடி ஏதும் இல்லை.

கீழ்காணும் கேள்வி தலைவர் ஸ்டாலினிடம் கேட்கப்பட்டது..

கேள்வி : திரும்பிப் பார்க்கையில் இந்த 50 ஆண்டு கால அரசியல் வாழ்வில் எதை முக்கியமானது என்று சொல்வீர்கள்?

தலைவர் மு.க. ஸ்டாலின் பதில்: அரசியல் குடும்பத்திலேயே பிறந்து வளர்ந்தவன். இந்த 50 வருஷங்களைத்

தனிச்சுப்பார்க்க முடியுமான்னு தெரியலை. ஆனா, தனியா ஒரு தொடக்கம்னு வரையறுக்கணும்னா, கோபாலபுரம் சண்முகம் அண்ணன் சலூன்ல உருவாக்கின இளைஞர் தி.முக.
மன்றம் 1967 செப்டம்பர் 15 அன்னைக்கு நடத்தின் அண்ணா பிறந்த நாள் கூட்டமும் தான் தொடக்கம்.

அங்கிருந்து பார்த்தா கட்சி கூடவே

உயரங்கள்லேயும் பள்ளங்கள்லேயும் மாத்தி மாத்திப் பயணிக்கிறதாலே என் வாழ்க்கையும் இருந்திருக்கு.

கொஞ்சக் காலம் முன்னாடி இதே கேள்வியைக் கேட்டிருந்தீங்கன்னா நெருக்கடி நிலை காலகட்டத்தை
முக்கியமானதாகச் சொல்லியிருப்பேன்.

அப்போதான் கல்யாணம் ஆகிருந்துச்சு. ஒரு புது வாழ்க்கையில

நுழைஞ்சிருந்தோம். கைது நடந்துச்சு, துர்கா மிரண்டுட்டாங்க. சிறைக்குள் எப்பவும் ஒழிச்சுக் கட்டப்படலாம்கிற நிலமை. ஒவ்வொரு நாளும், அடிச்சு நொறுக்கப்படுற கட்சித் தோழர்களோட மரண ஓலம் அறையிலே கேட்டுக்கிட்டே இருக்கும்.

வெளியே தி.மு.க வை நிர்மூலமாக்குற முயற்சிகள். எல்லா

அடக்குமுறைகளையும் எதிர்த்துப்போராடிக்கொண்டிருந்தார் தலைவர். மறக்கவே முடியாத நாட்கள்.

ஆனா, அதையெல்லாம் பின்னுக்கு தள்ளிடுச்சி, தலைவர் உடல்நலம் குறைஞ்சு வீட்டோட முடங்கின பிறகான இந்த ஒரு வருஷம்.

"களத்துல எவ்வளவு சுமையையும் சுமந்துடலாம். முடிவு எடுக்குறது எவ்வளவு

பெரிய சுமைன்னு, கிட்டத்தட்ட ஐம்பது வருஷம் இந்தச் சுமையை அவர் சுமந்திருக்கிறது எவ்வளவுப் பெரிய வலிங்கிறதும் இப்போதான் புரியுது"

நீங்கள் கலைஞரின் பதிலையும், ஸ்டாலின் பதிலையும் ஒப்பிட்டு பார்த்தால், அவர்கள் வாழ்வின் நெருக்கடியான காலக்கட்டம் என்பதை வேறெந்த காலத்தையும் சொல்லாமல்,

தலைவர் இல்லாத காலகட்டம் என்பதை சொல்கிறார்கள். இதன் மூலம், அண்ணா மீது கலைஞர் கொண்ட பற்றும், கலைஞர் மீது தளபதி கொண்ட பற்றும் தெளிவாகும். அதைத்தாண்டி, கொள்கையை முன்னெடுத்து செல்ல வேண்டிய பொறுப்பும், இயக்கத்தை வழிநடத்த வேண்டிய கடமையும் தான் இதில் தெரியும்.

இதனால் தான் இவர்கள் தலைவர்கள் ஆகிறார்கள்.

அண்ணா வழியில் கலைஞரும்
கலைஞர் வழியில் தளபதியும் பயணிக்கிறார் என்பது தெளிவாகும்.

இதையே தான் திராவிட முன்னேற்ற கழகத்தின் ஐம்பெரும் முழக்கங்களாக கலைஞரும் கொடுத்தார், தளபதியும் கொடுத்தார்.

அதிலும் நாம் "திராவிட இயக்கத்தின்" தொடர்ச்சியாய்.. "திராவிட நம்பிக்கையாய்" மு.க. ஸ்டாலின் இருக்கிறார் என்பது புரியும்..

1970ஆம் ஆண்டு திமுக மாநில மாநாட்டில் கலைஞர் கருணாநிதி முன்வைத்த ஐம்பெரும் முழக்கங்கள்

அண்ணா வழியில் அயராது உழைப்போம்.
ஆதிக்கமற்ற சமுதாயம் அமைத்தே தீருவோம்.

இந்தி திணிப்பை என்றும் எதிர்ப்போம்.
வன்முறை தவிர்த்து வறுமையை வெல்வோம்.
மத்தியில் கூட்டாட்சி, மாநிலத்தில் சுயாட்சி.

மார்ச் 25 2018 நடந்த ஈரோடு மண்டல மாநாட்டில் திமுக தலைவர் மு.க. ஸ்டாலின் வெளியிட்ட ஐம்பெரும் முழக்கங்கள்

கலைஞரின் கட்டளையைக் கண்போல் காப்போம்.
தமிழரை வளர்த்து தமிழைப் போற்றுவோம்.
அதிகாரக் குவியலை அடித்து நொறுக்குவோம்.
மதவெறியை மாய்த்து மனிதநேயம் காப்போம்.
வளமான தமிழகத்தை வளர்த்து எடுப்போம்.

இத்தனை பெரிய தலைவரான மு.க. ஸ்டாலின் தான் திராவிட நம்பிக்கையாக இருக்கிறார்!