அம்பானி வீட்டருகே கார் பயங்கரவாத அமைப்பு சதி?
மும்பை : தொழிலதிபர் முகேஷ் அம்பானியின் வீட்டருகே, வெடிபொருட்களுடன் கார் நிறுத்தப்பட்டிருந்த சம்பவத்திற்கு, ஜெய்ஷ் - உல் - ஹிந்த் என்ற, பயங்கரவாத அமைப்பு பொறுப்பேற்றுள்ளது.
மும்பை : தொழிலதிபர் முகேஷ் அம்பானியின் வீட்டருகே, வெடிபொருட்களுடன் கார் நிறுத்தப்பட்டிருந்த சம்பவத்திற்கு, ஜெய்ஷ் - உல் - ஹிந்த் என்ற, பயங்கரவாத அமைப்பு பொறுப்பேற்றுள்ளது.
மஹாராஷ்டிராவில், முதல்வர் உத்தவ் தாக்கரே தலைமையிலான சிவசேனா, தேசியவாத காங்., மற்றும் காங்., கட்சியின் கூட்டணி ஆட்சி நடக்கிறது.தலைநகர் மும்பையில், 'ரிலையன்ஸ் இண்டஸ்ட்ரீஸ்' தலைவரும், நிர்வாக இயக்குனருமான முகேஷ் அம்பானியின் வீடு அமைந்துள்ளது.
இவரது வீட்டருகே, சமீபத்தில், 'ஜெலட்டின்' குச்சிகளால் நிரப்பப்பட்ட கார் ஒன்று நிறுத்தி வைக்கப்பட்டிருந்தது. அந்த சம்பவம் பெரும் பரபரப்பை ஏற்படுத்தியது. பின், அந்த காரை பறிமுதல் செய்த போலீசார், விசாரணையை துவங்கினர்.
இதற்கிடையே, அந்த காரின் உரிமையாளர், மர்மமானமுறையில் இறந்து கிடந்தார். தற்போது, இந்த வழக்கை, தேசிய புலனாய்வுப் பிரிவு அதிகாரிகள் விசாரித்து வருகின்றனர்.இந்நிலையில், இந்த சம்பவத்திற்கு, ஜெய்ஷ் - உல் - ஹிந்த் என்ற, பயங்கரவாத அமைப்பு பொறுப்பேற்றுள்ளது.
'டெலகிராம்' செயலி வாயிலாக, அந்த தகவல் கசிந்துள்ளது.டெலகிராமில் உருவாக்கப்பட்ட குரூப் ஒன்றில், கடந்த, 27ம் தேதி இரவு, அது குறித்த தகவல் பகிரப் பட்டிருந்தது.
அதில், அம்பானியின் வீட்டருகே, வெடிபொருட்களுடன் கார் நிறுத்தப்பட்டிருந்ததற்கு, தாங்களே காரணம் என, குறிப்பிடப்பட்டிருந்தது.
அதில், அம்பானியின் வீட்டருகே, வெடிபொருட்களுடன் கார் நிறுத்தப்பட்டிருந்ததற்கு, தாங்களே காரணம் என, குறிப்பிடப்பட்டிருந்தது.
இந்த குரூப், டில்லி திஹார் சிறை அமைந்துள்ள பகுதியில் வசிக்கும் சிலரால் உருவாக்கப்பட்டு உள்ளது தெரியவந்துள்ளது.அவர்களை தேடும் பணிகளில், டில்லி போலீசார் தீவிரமாக இறங்கி உள்ளனர். இதற்காக, ஒரு தனியார் 'சைபர்' நிறுவனத்திடம், உதவி கோரப்பட்டுள்ளது.
தினமலர்
தினமலர்
• • •
Missing some Tweet in this thread? You can try to
force a refresh
