Thread by @Raamraaj3

இது உங்கள் இடம்: கணக்கு இருக்கிறதா தோழர்களே

அ.ப.பெருமாள், சென்னையிலிருந்து அனுப்பிய, 'இ - மெயில்' கடிதம்: தி.மு.க.,வுடன் போராடி, கம்யூனிஸ்ட் கட்சிகள் எப்படியோ மிகக்குறைந்த தொகுதிகளை பெற்று, ஒப்பந்தத்திலும் கையெழுத்து போட்டு விட்டன.

இரு கம்யூ., கட்சிகளுக்கும், தலா, ஆறு தொகுதிகள் மட்டும் ஒதுக்கப்பட்டுள்ளன.

கம்யூ., கட்சிகள், எதற்காக இவ்வளவு குறைந்த தொகுதியுடன் களத்தில் இறங்க வேண்டும் என்ற கேள்வி எழுகிறது அல்லவா...

அதற்கு காரணம், தொகுதி எண்ணிக்கை எவ்வளவு குறைகிதோ, அதற்கு ஈடாக, தி.மு.க., தரும் தேர்தல் நிதி அதிகமாகும். அந்த கணக்கு தான்! கோடிக்கணக்கான ரூபாய் பணம் வாங்கி, கம்யூனிஸ்ட் கட்சிகள் என்ன செய்யப் போகின்றன என, யாரும் கேள்வி கேட்கக் கூடாது.

கம்யூ., முன்னாள் மக்கள் பிரதிநிதிகளின் ஓய்வு ஊதியத்தையும் பிடுங்கி, அவர்களை தன்னிறைவு வாழ்க்கை நடத்த இயலாத வறுமைச் சூழலுக்கு தள்ளுவதே, சிவப்பு சித்தாந்த கொள்கை. தி.மு.க.,விடம் கடந்த தேர்தலின் போது, 15 கோடி ரூபாய் பெற்றனர். இப்போது, எவ்வளவு என, இதுவரை தெரியவில்லை.

அந்த பணத்தில், மக்களுக்காக ஏதும் செய்கின்றனரா என்றால், அதுவும் இல்லை. அனாதை விடுதி போன்ற ஏதாவது சமூக நல அமைப்புக்கு நிதியுதவி அளிக்கின்றனரா என்றால், அதுவும் இல்லை. இந்த பணம், யாருக்கெல்லாம் போகிறது... கணக்கு உண்டா?

இக்கட்சி தலைவர்களை நல்லவர்கள் என நம்பி, டீயும், வடையும் சாப்பிட்டு, போராட்டக்களத்திற்கு செல்லும் தொழிலாளத் தோழர்கள் தான் பாவம். பா.ஜ.,வின் லட்சியமே காங்கிரஸ், கம்யூனிஸ்ட் இல்லாத இந்தியாவை கட்டமைப்பதே. முன்னது நடக்காமல் போனாலும், பின்னது நடந்தே தீரும்!

கம்யூனிஸ்ட் கட்சி, கழுதை தேய்ந்து கட்டெறும்பான கதையாக ஆகி நிற்கிறது. போலி மதசார்பின்மையை கடைப்பிடிப்போர், காம்ரேட்கள் என்பதையும், மக்கள் புரிந்து கொண்டதும், கம்யூ., இயக்கத்தின் வீழ்ச்சிக்கு காரணமாக அமைந்தது.

கம்யூ., கட்சி, தேசிய அளவில் அப்புறப்படுத்தப்பட வேண்டும். அப்போது தான், நம் நாட்டின் தொழில் வளர்ச்சிக்கும், தொழிலாளர்களின் வளமையான வாழ்விற்கும் நல்லது.

தினமலர்