இந்தியா- வங்கதேசம் வளர்ச்சி முக்கியம்: பிரதமர் மோடி
டாக்கா: இந்தியாவும் வங்கதேசமும் வளர்ச்சி பெறுவது மிகவும் முக்கியம் என பிரதமர் மோடி தெரிவித்து உள்ளார்.
டாக்கா: இந்தியாவும் வங்கதேசமும் வளர்ச்சி பெறுவது மிகவும் முக்கியம் என பிரதமர் மோடி தெரிவித்து உள்ளார்.
வங்கதேசத்தின் சுதந்திர பொன் விழா இன்று தேசிய தின விழாவாக கொண்டாடப்படுகிறது. இந்த விழாவில் கலந்து கொண்ட பிரதமர் மோடி பேசியதாவது: முஜிபுர் ரஹ்மானுக்கு, காந்தி அமைதி விருது வழங்கி கவுரவிக்கும் வாய்ப்பு கிடைத்ததை இந்தியர்கள் பெருமையாக கருதுகின்றனர்.
வங்கதேச சகோதர சகோதரிகளுக்கு உறுதுணையாக நின்ற இந்திய ராணுவ வீரர்களுக்கு எனது வணக்கத்தை தெரிவித்து கொள்கிறேன். இன்றைய நிகழ்ச்சியில், வங்கதேச சுதந்திர போரில் கலந்து கொண்ட இந்திய வீரர்கள் கலந்து கொண்டது மகிழ்ச்சி அளிக்கிறது.
இன்று, வங்கதேச சுதந்திரத்திற்காக போராடியவர்களின் ரத்தமும், இந்திய வீரர்களின் ரத்தமும் ஒன்றாக செல்கிறது. இந்த உறவானது, எவ்வளவு அழுத்தம் கொடுத்தாலும், தூதரக ரீதியில் அழுத்தம் கொடுத்தாலும் உடைந்துவிடாது.
இந்திய வங்கதேசம் இடையிலான உறவு 50 ஆண்டுகள் நிறைவு பெறுவதை முன்னிட்டு, வங்கதேசத்தை சேர்ந்த 50 தொழில் முனைவோர்களுக்கு அழைப்பு விடுக்கிறேன். அவர்கள் இந்தியா வந்து, எங்களின் ஸ்டார்ட் ஆப் உள்ளிட்ட திட்டங்களில் இணையலாம். வங்கதேச இளைஞர்களுக்காக, ஸ்வர்ண ஜெயந்தி நிதியுதவியை அறிவிக்கிறேன்.
இந்த மண்ணின் மக்கள் மீது பாகிஸ்தான் ராணுவம் ஏவிய அட்டூழியம், எங்களை கவலை அடைய செய்தது. இது குறித்த புகைப்படங்கள் எங்களை பல நாட்கள் தூங்க விடவில்லை. வங்கதேச சுதந்திரத்திற்காக நானும் எனது நண்பர்களும், எனக்கு 20 - 22 வயதாக இருக்கும் போது சத்தியகிரக போராட்டம் நடத்தினோம்.
வர்த்தகம், வணிகம் ஆகியவற்றில் இரு நாடுகளுக்கும் சம வாய்ப்புகள் உள்ளன. அதுபோல், பயங்கரவாத அச்சுறுத்தலும் இரு நாடுகளுக்கும் உள்ளது. இது போன்ற மனித நேயமற்ற செயல்களுக்கான எண்ணங்களும், திட்டங்களும் இன்னமும் செயல்படுகின்றன. அவற்றை சமாளிக்க நாம் விழிப்புடன் இருக்க வேண்டும்.
இரு நாடுகளின் எதிர்காலத்திற்கு, ஜனநாயக சக்தி மற்றும் கொள்கைகள் உள்ளன. இந்த பிராந்தியம் வளர்வதற்கு இந்தியாவும் வங்கதேசமும் வளர்வது முக்கியம்.
இதனை நோக்கி இந்தியா மற்றும் வங்கதேச அரசுகள் நடவடிக்கை எடுக்கிறது. இந்தியாவில் தயாரான கொரோனா தடுப்பூசியை, வங்கதேச சகோதர, சகோதரிகள்பயன்படுத்துவது மகிழ்ச்சி அளிக்கிறது. இவ்வாறு அவர் பேசினார்.
தினமலர்
தினமலர்
• • •
Missing some Tweet in this thread? You can try to
force a refresh
