Thread by @roymukhtar

"شادیاں یا بربادیاں"
مغرب میں امیر سے امیر آدمی بھی لڑکی کو ساتھ لے کر چرچ جاتا ہے
چند دوستوں اور رشتہ داروں کی موجودگی میں پادری صاحب ایجاب و قبول کرواتے ہیں
سب تالیاں بجاتے ہیں، وش کرتے ہیں
اور ہو گئی شادی !!
یا اگر کوئی زیادہ خرچہ کرے تو کسی ہوٹل میں سب کو بلوا لیتا ہے 🔻

اور چند گھنٹوں میں شادی مکمل ہو جاتی ہے
شادی کا یہ طریقہ اصل میں اسلام نے متعارف کروایا تھا
رشتہ طے ہوا
سادگی سے نکاح ہوا
اور چند رشتہ داروں کو نئے رشتے پر گواہ بنانے کیلئے ولیمہ کیا
اور نئی زندگی شروع
کائنات کی تین شادیاں سب سے بڑی شادیاں ہیں
ایک جناب آدم علیہ السلام و اماں 🔻

کی شادی
دوسری نبی کریم صلی اللہ علیہ وآلہ وسلم اور جناب خدیجتہ الکبری کی شادی اور تیسری سیدہ العالمین جناب فاطمتہ الزہرا سلام اللہ علیہا اور مولا علی علیہ السلام کی شادی
ان شادیوں کا احوال پڑھیں
تو آپ دنگ رہ جائیں گے
ایسا نہیں ہے کہ عرب معاشرے میں شادیاں دھوم دھام سے نہیں 🔻

ہوتی تھیں
بالکل ہوتی تھیں
مگر نبی کریم صلی اللہ علیہ وآلہ وسلم نے اپنے طرز عمل سے اسے خاص و عام کیلئے آسان بنایا
شادیوں کے رسم و رواج پوری دنیا میں الگ الگ ہیں
اسلام جہاں بھی گیا اس نے مقامی تہذیب و ثقافت کی محض اصلاح کی
کہیں بھی کوئی ناروا روک ٹوک نہیں کی
ہمارا خطہ شادیوں کے🔻

لحاظ سے سب سے دلچسپ خطہ ہے
یہاں شادی بیاہ کی رسومات بہت زیادہ ہیں
شادیاں کئی کئی دنوں تک چلتی ہیں اور ان پہ ہر کوئی اپنی حیثیت کے مطابق لاکھوں روپے خرچ کرتا ہے
خصوصاً پنجاب میں شادی کرنا کسی بڑے عذاب سے کم نہیں ہے
نارمل شادی بھی تین دن کی ہوتی ہے
مہندی،بارات اور ولیمہ جیسے تین🔻

فنکشن لازمی ہیں
جن پہ غریب سے غریب آدمی کا بھی پانچ ،چھ لاکھ روپیہ تو ضرور خرچ ہو جاتا ہے
زیادہ خرچہ لڑکی والوں کا ہوتا ہے
جنہیں اپنی بیٹی کو بھاری جہیز دینے کے علاؤہ بارات کو بہترین کھانا بھی کھلانا ہوتا ہے۔ اس کے علاؤہ پورے گھر والوں کے تین فنکشنوں کے کم از کم تین جوڑے تو 🔻

لازم ہوتے ہیں
اور عموماً یہ کپڑے بہت مہنگے خریدے جاتے ہیں
نمود و نمائش اور ایک دوسرے کی دیکھا دیکھی سب اپنی اوقات سے بڑھ چڑھ کر خرچ کرتے ہیں
شادیاں مکمل ہونے کے چار چار سال بعد بھی قرضے اتار رہے ہوتے ہیں
لڑکے والوں کی طرف بھی عجیب رواج ہوتے ہیں
اس خاندان سے جڑے سب لوگوں کو کپڑے🔻

دینے پڑتے ہیں
شادیوں کی عمومی شاپنگ ہی لاکھوں سے شروع ہوتی ہے
پھر شادی ہالز اور ولیمے کا خرچہ وغیرہ
اب ساتھ ہنی مون جیسی علت بھی لگ گئی ہے
شادیوں پہ پیسے اڑانا ،آتش بازی اور لائٹنگ کرنا بھی معمول میں شامل ہے
قریبی رشتہ دار مہمان شادی شروع ہونے سے ایک دن پہلے پہنچ جاتے ہیں اور🔻

شادی ختم ہونے کے ایک دن بعد جاتے ہیں
ان شادیوں کا دلچسپ پہلو ان میں ہونے والی لڑائیاں اور ناراضگیاں ہیں
ایک دوسرے کے مخالف رشتہ دار عام طور پر شادی والے گھروں میں اکٹھے ہوتے ہیں
پھر ایک دوسرے کو نیچا دکھانے کی کوشش کرتے ہیں
جو اکثر وجہ فساد بن جاتا ہے
دولہا ،دلہن کے خاندان کی🔻

بڑی ذمہ داری ان سب کو منا کر شادی کا وقت پاس کرنا بھی ہوتا ہے
خاص طور پر داماد اس موقعے پر اپنی اہمیت جتانے کیلئے بڑے لچ تلتے ہیں
امرا کے طبقے میں یہ سب تو نہیں ہوتا
مگر وہاں ناچ گانے کی محفلوں پر لاکھوں لٹا دئیے جاتے ہیں
مشہور گلوکار اور اداکار لائے جاتے ہیں
جو یقیناً بھاری🔻

معاوضہ وصول کرتے ہیں
یہ کلاس ٹیکس چوری بھی کرتی ہے اور ملازموں کا استحصال بھی
شادیوں پہ مگر خرچہ کرتے وقت تجوریوں کے منہ کھول دیتے ہیں
اب کچھ سوالات میں یہاں آپ کے سامنے رکھ رہا ہوں:
ان سب رسومات اور فضولیات کا شادی سے کیا تعلق ہے ؟
کیا ان سب کے بغیر شادی نہیں ہو سکتی ہے ؟ 🔻

شادی کا اصل مقصد تو نسل انسانی اور عائلی زندگی کی بقا ہے
اس کے ذریعے سے ایک خاندان کی بنیاد رکھی جاتی ہے اور باہمی رشتوں کو مضبوط کیا جاتا ہے
دین نے تو اسے بہت آسان بنایا ہے
ہم نے اتنا مشکل کیوں بنا لیا ؟؟
مسجد کی صورت میں ہر محلے میں ہمارے پاس کمیونٹی سنٹر موجود ہیں۔ وہیں پہ 🔻

نکاح کریں
مختصر دعوت دیں
اور شادی مکمل
ہم مگر چونکہ برائے نام مسلمان ہیں
اس لئے فضول خرچی کئے بغیر کوئی کام کر ہی نہیں سکتے
بھلے اس کے بعد کئی سال قرضہ اتارتے رہیں
میرے ایک زمین دار دوست نے شادی کیلئے بینک سے سات لاکھ قرض لیا
پھر زمین چھوٹے بھائی کے پاس گروی رکھی اور جو انیس🔻

سالوں بعد اسے واپس ملی جب اس کے بچے بھی جوان ہو چکے تھے
ایسی مثالیں ہزاروں ہیں
ان شادیوں کو دیکھ کر تو ہر گز نہیں لگتا کہ ہم کوئی غریب ملک ہیں
یا کہیں پر مہنگائی کا وجود بھی ہے
اب ایک دکھ بھرا پہلو بھی ملاحظہ فرمائیں
لاکھوں روپے خرچ کرنے کے بعد ہونے والی شادیوں میں سے آج کل کی🔻

شرح کے مطابق پچاس فیصد سے زیادہ ناکام ہو جاتی ہیں
صرف 2019 میں لاہور کی فیملی کورٹ میں 3400 سو خلع کے کیسز رجسٹر ہوئے
جو شادیاں نہیں چلتی ہیں
ان پہ طرفین نے جو بڑی رقمیں خرچ کی ہوتی ہیں وہ بھی ضائع جاتی ہیں
اور پھر کیسز پہ الگ خرچہ ہوتا ہے
یہی شادیاں اگر اللہ و رسول صلی اللہ 🔻

وآلہ وسلم کی مرضی کے مطابق سادگی سے کی جائیں تو ہر طرف سے خیر کا پہلو ہی نکلے گا
جہاں تک میں سمجھ پایا ہوں ہم ایک منافق ترین معاشرہ ہیں
ہم دین کا نام بھی بوقت ضرورت یا مصیبت استعمال کرتے ہیں
دین کے جن احکامات پر ہم آسانی سے عمل کر سکتے ہیں
ان پر بھی نہیں کرتے
باتیں ایسے کریں 🔻

جیسے ہم سے بڑا پارسا کوئی ہے ہی نہیں
اور جو لوگ سادگی سے شادیاں کرتے ہیں
کیا ان کے ہاں اولاد نہیں ہوتی ؟
ان کی نئی زندگی شروع نہیں ہوتی ؟
کیا وہ خوش نہیں رہتے ؟
میرا تجربہ ہے کہ زیادہ خوش رہتے ہیں
میں خود اس کا گواہ ہوں
میں نے اپنی شادی انتہائی سادگی سے کی
جہیز بالکل نہیں لیا🔻

اللہ نے چار بچوں سے نوازا
ضروریات زندگی کی ہر نعمت عطا کی
آئیڈل فیملی ہے
دو بیٹے ہیں
دو بیٹیاں ہیں
اب میں اپنی بڑی بیٹی کی شادی کرنا چاہ رہا ہوں
اور ان شاءاللہ انتہائی سادگی سے کروں گا
اللہ کی برکت یقیناً شامل حال ہو گی
دین ہمارے لئے آسانیاں پیدا کرتا ہے
مشکلیں ہم خود پیدا 🔻

کرتے ہیں
اور پھر روتے بھی رہتے ہیں
آپ شادی پہ ایک کروڑ خرچ نا کریں
ایک کروڑ سے بیس بچیوں کی شادیاں کروا دیں
آپ کی اولاد ہمیشہ کیلئے محفوظ ہو جائے گی
ورنہ تو جو ہم کرتے ہیں
وہ شادیاں کم بربادیاں زیادہ ہیں
اللہ سب کو عمل کی توفیق دے !
آمین
#میرا