Thread by @swathikasarah

தடுப்பூசி எப்படி வேலை செய்கிறது:

Game Over படம் பார்த்து இருப்பீர்கள். முதல்முறை கொலைகாரன் வருகையை எதிர்பாராத டாப்சீ அவனை தடுக்க முடியாமல் அல்லது எப்படி தடுப்பது என்று சுதாரிப்பதற்குள் அந்த கொலைகாரன் டாப்சீயை கொன்று விடுவான்.

கடைசி முறையில் கொலைகாரன் எப்படி வருவான் என்ன ஆயுதம் வைத்து இருப்பான் எப்படி தாக்குவான் என்று எல்லாம் முன்கூட்டியே தெரிந்து இருப்பதால் டாப்சீ அதற்கேற்றார் போல் செயல்பட்டு தப்பித்து விடுவார்.

டாப்சீ நமது ரத்த அணுக்கள், கொலைகாரன் கொரோனா வைரஸ்.

முதல் முறை கொரோனா வைரஸ் நம்மை தாக்கும்போது அது என்ன ஏது என்று நமது ரத்த அணுக்கள் சுதாரிப்பதற்குள் கொரோனா வைரஸ் பெரிய சேதாரத்தை நமக்குள் உண்டு பண்ணி இருக்கும் அதில் இருந்து மீண்டு வருவது கடினம்.

தடுப்பூசி என்பது fire drill போல. ஒரு டம்மி வைரஸ் ஐ நமது உடலில் செலுத்துவதன் மூலம்

நமது ரத்த அணுக்கள் அந்த டம்மி வைரஸ் க்கு எதிராக செயல்பட்டு ஒரு rehearsal போல... தயாராக இருக்கும். அடுத்தமுறை நிஜ வைரஸ் தாக்கும்போது அந்த வைரஸ் செயல்பாடுகள் எல்லாம் ரத்த அணுக்களுக்கு முன்கூட்டியே தெரிந்து இருப்பதால் வேகமாக செயல்பட்டு வைரஸ் ஐ அழித்து விடும்.

தடுப்பூசி போடுவதால் வைரஸ் நம்மை தாக்காது என்பது அல்ல வைரஸ் நம்மை தாக்கும் ஆனால் நமது ரத்த அணுக்கள் தயாராக இருப்பதால் உடனே செயல்பட்டு வைரஸை அழித்துவிடும். அதனால் தான் தடுப்பூசி போட்டு இருந்தாலும் நமக்கு கொரோனா டெஸ்டில் positive காட்டுகிறது.

இந்த டம்மி வைரஸ் தயாரிக்கும் வழிமுறைகள் நிறைய இருக்கின்றன.

கோவக்சின் தடுப்பூசி:

கொரோனா வைரஸ்கள் ஆய்வுக்கூடங்களில் அதிக எண்ணிக்கையில் உருவாக்கப்படும். அவ்வாறு உருவாக்கப்பட்ட புதிய வைரஸ்கள் ஃபார்மலீன், ஃபார்மல்டீஹைட் உள்ளிட்ட ரசாயனங்கள் மூலம் அழிக்கப்படும் அல்லது

செயலிழக்க செய்யப்படும். சில சந்தர்ப்பங்களில் வெப்பம் அல்லது கதிர்வீச்சால்கூட செயலிழக்கச் செய்யப்படலாம். செயலிழந்த வைரஸ்கள் அதிக எண்ணிக்கையில் பல்கி்ப்பெருகச்செய்யப்பட்டு, அதற்கான திரவத்துடன் தடுப்பூசி மருந்தாக தயாரிக்கப்படும். பின்னர் ஊசியின் வாயிலாக மனித உடலில் செலுத்தப்படும்.

அப்போது மனித உடலில் இயற்கையாகவே இருக்கும் நோய் எதிர்ப்பு சக்தி போராடுவதுடன், மேலும் வலுவடைகிறது. பின்நாட்களில் உண்மையான கொரோனா வைரஸ் உடலில் நுழைந்தால் அதனை அழிக்கும் வல்லமையை பெறும். இந்த செயலற்ற வைரஸ்கள் தொற்றுநோயை ஏற்படுத்தாது, மாறாக நோயெதிர்ப்பு சக்தியை தூண்டுகிறது.

கோவிஷீல்ட்  தடுப்பூசி: 

சிம்பன்சிகளை தாக்கும்  அடினோவைரஸ் - ChAdOx1 ஐ  COVID-19 ஸ்பைக் புரதத்தை மனிதர்களின் உயிரணுக்களுக்கு கொண்டு செல்ல உதவும் வகையில் மாற்றியமைக்கப்பட்டு நமக்கு செலுத்தப்படுகிறது. இந்த வைரஸ் மனிதர்களுக்கு எந்த பாதிப்பையும் ஏற்படுத்தாது,

ஆனால் COVID-19 போன்ற வைரஸ்களுக்கு எதிராக நோயெதிர்ப்பு மண்டலத்தை உருவாக்க முடியும்.

எட்வர்ட் ஜென்னர் பசு அம்மை வைரஸ் ஐ கொண்டு பெரியம்மை க்கு எதிரான தடுப்பூசி தயாரித்தது போல.