Thread by @skpkaruna

#Catch22 : அனைத்துக் கட்சிக் கூட்டம் என்பதே ஒரு சதிவலை. காவிரி முதல் கரோனா வரை பலமுறை மக்கள் பிரச்சனைகளுக்காக அனைத்துக்கட்சிக் கூட்டத்தை கூட்ட சொல்லிய போதெல்லாம் அந்தக் கோரிக்கையை இடது கையால் தள்ளிய எடப்பாடி, ஆட்சி முடிய ஆறே நாட்கள் இருக்கும்போது அவரே முன்வந்து அனைத்துக் கட்சிக்

கூட்டம் கூட்டுகிறார் எனில் அதன் உள்நோக்கத்தை யாரும் அறியலாம். இதில் திமுகவின் முக்கியத்துவம் பிரதான எதிர்கட்சி என்பதால் மட்டுமல்ல! சிலநாட்களில் அது ஆளும்கட்சி என்பதும் கூட! இதுவும் வெளிப்படை. கார்ப்பரேட் மூளைகள் பின்னிய இந்த நுட்பமான வலைப்பின்னலில் திமுகவை பங்கெடுக்க வைக்க

நடைபெற்ற இந்த நாடகத்தில் பங்கெடுக்காமல் திமுக விலகிப் போயிருக்கலாம்! அப்படி போயிருந்தால், இந்திய அளவில் திமுகவை தேசவிரோத சக்தியாகவும், அதன் தலைமையிலான தமிழ்நாட்டை, உயிர் வாழ ஆக்ஸிஜனுக்காக ஏங்கும் பலகோடி இந்திய மக்களின் எதிரியாகவும் ஒரு பிம்பம் வலிமையாகக் கட்டமைக்கப்

பட்டிருக்கும். அடுத்த தேர்வாக, கலந்து கொண்டு அரசின் பரிந்துரையை எதிர்த்திருக்கலாம்! அப்போதும் இதே விளைவே ஏற்பட்டிருக்கும். எனவே, இப்போது இது தேசிய அளவிலான பிரச்சனை என்பதால் திமுக அதில் கலந்து கொள்ள தனது பிரதிநிதியாக ஒரு மக்களவை பிரதிநிதியும் (தூத்துகுடி மக்களவை உறுப்பினர்), ஒரு

மாநிலங்களவை உறுப்பினரையும் அனுப்பியது. அவர்களும், ஆலை திறக்கப்பட்டால் அது ஆக்சிஜன் உற்பத்திக்கு மட்டுமே என்றும், நான்கு மாதங்களுக்கு மட்டுமே மின்சாரம் என்றும், அதையும் அரசு கண்காணிப்புக் குழு மட்டுமே நடத்த வேண்டும் என்றும் பரிந்துரைத்துள்ளனர். அரசின் முடிவு என்ன என்பது இன்னும்

தெரியவில்லை. ஆக மொத்தம் ஆலைத் திறப்பின் மொத்த பழியையும் திமுக மீதே போடப்படும் என்பதை அறிந்தும், மக்கள் தேவையைக் கருதி கட்சி இந்த முடிவெடுத்துள்ளது. அரசுடமை ஆக்கி பின்பு உற்பத்தியை தொடங்கி இருந்திருக்கலாம்தான்! அதற்குத் தேவையான காலக்கெடு நீண்டது. இப்போதைய அவசரத்துக்கு ஆனதல்ல.

வைகோ மீது எனக்குள்ள தார்மீகக் கோபத்தை நான் மறைத்ததில்லை. ஆனாலும், ஸ்டெர்லைட் எதிர்ப்பில் 25 ஆண்டுகள் போராடிய வைகோவை விட வேறு யாருக்கும் தூத்துக்குடி மக்கள் மீது அதிக உரிமையும், அக்கறையும் இருக்கமுடியாது என்பது எனது நிலைப்பாடு. இந்தச் சூழலில் வைகோவே ஆக்ஸிஜன் தயாரிப்புக்காக

ஆலை திறக்கப்படுவதை ஆதரிக்கும்போது வேறு யாருக்கும் அதை மறுக்கும் தார்மீக உரிமை இருப்பதாக நான் கருதவில்லை.
இதன் விளைவுகள் என்ன?
1. ஆலையை திறந்தது அதிமுகதான் எனினும் அந்தப் பழி திமுகவின் மீதே சுமத்தப்படும். காலங்காலமாக நடக்கும் தமிழ்நாட்டு அரசியலின் விதி.
2. ஆக்ஸிஜன் பற்றாக்குறை

அதிகபட்சம் 4 மாதங்களுக்கு மட்டுமே இருக்கும். அதற்குள் ஸ்டெர்லைட் ஆக்ஸிஜன் உற்பத்தி செய்யுமென நான் கருதவில்லை. ஒரு போட்டோ வேண்டுமானால் வரும். உற்பத்தி நடந்தாலும் பெரிய பயன் இருக்க வாய்ப்பில்லை. அதற்குள் இரண்டாம் அலை அடங்கி விடும்.
3.இன்று காலை வரை திமுகவுடன் நட்பாக இருந்தவர்கள்

இப்போது அதிமுகவை விடுத்து திமுக மீதேறி தாண்டவம் ஆடுவார்கள். இந்த வாய்ப்பைப் பயன்படுத்தி சங்கிகள், பாமக போன்றோர்கள் (இவர்களும் இணைந்து எடுத்த முடிவுகளை) திமுகவின் மீது இதை சுமையாக ஏற்றுவார்கள். தூத்துக்குடி மக்களின் திடீர் நண்பர்களாக மாறுவார்கள்
ஆனால், இதெல்லாம் வெறும் அரசியல்.

இதைத் தாண்டி காலம் தலைவர் தளபதிக்கு பெரும் வாய்ப்பை வழங்கவுள்ளது. அடுத்த தமிழக முதல்வராக அவர் பொறுப்பேற்றவுடன்
1. எடப்பாடி பழனிச்சாமி அரசால் சுட்டுக் கொல்லப்பட்ட 13 உயிர்களுக்கான நீதிவிசாரணையை விரைவாக நடத்தி குற்றவாளிகளை கொடுஞ்சிறையில் அடைப்பதும்
2. இந்த ஆக்ஸிஜன் உற்பத்தி நாடகம்

முடிந்தவுடன் ஸ்டெர்லைட் ஆலையை நிரந்தமாக இழுத்துப் பூட்டுவது (அல்லது)0 தமிழக அரசே கையகப்படுத்தி அதை மக்கள் சொத்தாக்குவதுதான்.
இந்த வரலாற்றுச் சிறப்பான முடிவுகளை தலைவர் @mkstalin ஆல் மட்டுமே எடுக்க முடியும். அவர்தான் எடுக்கப் போகிறார். சரித்திரத்தில் அதை யாராலும் மாற்ற இயலாது.