Thread by @anbezhil12

Stanley Rajan post. தமிழக நிதியமைச்சராக பொறுப்பேற்றிருக்கும் தியாகராஜனாரின் பேட்டி காண நேர்ந்தது. அந்த பேட்டியின் விவாதம் இந்துகோவில்களை அரசின் கட்டுபாட்டில் இருந்துவிடுவிப்பது பற்றியது, அதற்கு என்னவெல்லாமோ சொல்லி விஷயத்தை திசை மாற்றுகின்றார். மதுரை முதல் தென்காசிவரை கோவில்

கும்பாபிஷேகம் செய்த குடும்பம் எங்களுடையது என்கின்றார், அதே நேரம் எல்லா மக்களுக்குமான மதுரை ஆலய நுழைவினை பசும்பொன் தேவரும் வைத்தியநாத அய்யரும் செய்தார்கள் என்பதை மறைக்கின்றார். அது போக மருதுபாண்டியர் கட்டிய மண்டபங்களெல்லாம் தங்கள் மேலாண்மையில் அடையாளம் மாற்றபட்டது என்பதையும்,

சமீபத்தில் மீனாட்சி அம்மன் கோவில் நிலம் கழிவறை ஆக்கபட்ட சர்ச்சையில் #திமுக பிரமுகர் சிக்கியதையும் மௌவுனமாக ஒப்புகொள்கின்றார். மதுரை ஆலயத்தில் நாங்கள் என்பதிலே இந்த ஒப்புதல் பெறபடுகின்றது. மதுரையில் மீனாட்சி அடையாளத்தை அழித்து, சொக்கன் அடையாளத்தை அழித்து பெரியார் பேருந்து

நிலையமெல்லாம் எங்களால் என்பதும் அந்த ஒப்புதலில் வருகிறது. தென்காசி கோவில் பற்றி சொல்கின்றார் ஆனால் பழுதுபட்ட அந்த ஆலய கோபுரத்தை #எம்ஜிஆரும் #சிவந்திஆதித்தனும் செம்மைபடுத்தி குடமுழுக்கு நடத்தினார்கள் என்பதை நம்மைத்தான் சொல்ல வைக்கின்றார். பிராமணன் எந்த கோவிலை கட்டினான் என்கிறார்,

நல்லது. அதாவது அரசன் கோவில் கட்டினான் பிராமணன் எவனும் அரசன் அல்ல என்பதை ஒத்துக் கொள்கின்றார், இதனால் பிராமண
ஆதிக்கம் பிராமண ஆட்சி என ஒன்றும் இருந்ததில்லை என்பதையும் ஒப்புகொள்கின்றார். அன்னாரின் மிக காமெடியான பேச்சு, இந்து ஆலயமெல்லாம் மன்னர் கட்டியது அப்படியானால் இந்து மன்னர்கள்

வாரிசுகள் வந்தால் கொடுத்துவிடலாம் என்கின்றார். அப்படியே மொகலாய வாரிசு கேட்டால் தாஜ்மஹலாலையும் ஆற்காடு நவாபுக்கு தமிழ்நாட்டு மசூதிகள் பலவும் கொடுக்க முடியுமா என்றால் பதிலே வராது. பென்னிகுயிக் பேரனுக்கு முல்லை பெரியாறு அணையினை கொடுக்க முடியுமா? இப்படி ஒரு மாதிரி பிதற்றும் அன்னார்

திடீரென ஜக்கியினை பிடித்து அவன் இவன் காடுகளை ஆக்கிரமித்தான் என ஏக பிதற்றல்? அப்படி ஜக்கி ஆக்கிரமித்தது உண்மை எனில் அரசு வழக்கு தொடரலாம் அதை ஏன் செய்யவில்லை? ஜக்கி சொன்ன கூற்றை அப்படியே திரிக்கின்றார், ஜக்கி சொன்னது இந்து ஆலயங்கள் அறநிலைய துறையிடம் இருந்து விடுவிக்க படவேண்டும்

என்பதே, மற்றபடி தன்னிடம் கொடுங்கள் என அவர் கேட்டதில்லை. இவராக எதையோ சொல்லி அவரை திட்டிக் கொண்டிருக்கின்றார், எல்லா இந்துக்களின் குரலாக ஜக்கி சொன்னார் என்பதன்றி வேறல்ல விஷயம். அறநிலையதுறையில் என்ன குறை என கேட்கின்றார் அமைச்சர், இதற்கு சில கேள்விகளை நாம் கேட்கலாம். இந்து ஆலயங்களில்

பணியாற்ற ஆகம விதிகளும், இந்து சம்பிரதாயங்களும், வேதங்களும் தெரிந்தவர்கள்தான் வேண்டும், அந்த துறைக்கு ஏதோ அலுவலகத்துக்கு ஆட்கள் எடுப்பது போல ஏன் TNPSC தேர்வு எழுதியவர்கள் வரவேண்டும்? இந்து அறநிலையதுறையினை சீர்படுத்தி இந்து ஆகமம் உள்ளிட்ட தனி பாடப் பிரிவில் தேர்ந்த இந்துக்கள்

மட்டுமே அங்கு பணியாற்ற முடியும் என்ற நிலை வைத்தால் என்ன? இந்து அறநிலையதுறை இருந்தும் சிலை கடத்தலும், ஆலய சொத்துக்களும் கொள்ளை போனது எப்படி? என்ன செய்து கொண்டிருந்தது அறநிலைய துறை? தமிழகத்தில் ஒரு கிறிஸ்தவ ஆலயம் பாழ்பட்டு நிற்குமா? ஒரு மசூதி இடிந்து கிடக்குமா? ஆனால் எத்தனை ஆயிரம்

இந்து ஆலயங்கள் ஏன் பழுதடைந்து கிடக்கின்றது, அறநிலைய துறை அவற்றை ஏன் அழியவிட்டது? அர்ச்சகர் சம்பளம் ₹1000 க்குகீழுள்ள கோவில்களை பற்றியோ அந்த ஏழை அர்ச்சகர் பற்றியோ அறநிலையதுறை சிந்திக்காதது ஏன்? தன் கட்டுபாட்டில் உள்ள கோவிலுக்கு கும்பாபிஷேகமும் இதர பணிகளும் அறநிலையதுறை செய்யாமல்

அக்கோவில் பக்தர்கள் தனியார் கம்பெனிகளிடம் கையேந்துவது ஏன்? இதற்கெல்லாம் அமைச்சர் பதில் சொல்வாரா என்றால் இல்லை. அறநிலையதுறை என்பது இந்து ஆலயங்களை ஏதோ கடை போல் நிர்வகிக்கின்றன, அதைத்தான் முதலில் சாடுகிறார்கள் இந்துகள். அதை கோவிலாக கோவிலுக்குரிய புனிதத்துடன் நடத்துங்கள் என்றால் அது

எப்படி தவறாகும்? இந்து கோவில்களை மீட்டு யாரிடம் கொடுப்பீர்கள், அது பிராமண ஆதிக்கத்துக்கு வழிவகுக்கும் என அர்த்தமில்லாமல் பேசுகின்றார் அமைச்சர். அவர் மதுரைக்காரரா என்பதிலே சந்தேகம் மேலோங்குகின்றது, காரணம் மீனாட்சி அம்மன் ஆலய வரலாறே அவருக்கு தெரியவில்லை. மதுரை ஆலயத்தை அந்த ஆதீனமே

நிர்வகித்தது, திருஞான சம்பந்தரின் மதுரை வருகையும் ஆதீனத்தை செம்மைபடுத்தி அவர் அதை நிர்வாகிக்க வழிசெய்த வகையும் வரலாறு. பாண்டிய மன்னன் என்பவன் மேலான்மை மட்டும் செய்தான், யாகம் செய்தான், கோவில் கோபுரம் கட்டினான், மேற்கொண்டு கோவிலுக்கு தேவை என்றால் நிதி ஒதுக்கினான். நிர்வாகமெல்லாம்

ஆதீனங்களே செய்தன‌. இப்பொழுது நிதி அமைச்சரிடம் அழுத்தமாக இந்துக்கள் கேட்பது அதுதான், இங்கு ஆதீனங்களும் மடங்களுமே ஆலயங்களை நிர்வகித்தன, அதன் மேல் ஜமீன்கள் இருந்தார்கள் அரசர்கள் இருந்தார்கள். வெள்ளையன் ஆட்சியில் அரசரெல்லாம் அதன் பின் ஏற்பட்ட குழப்பத்திலேதான் அரசு ஆலயங்களை எடுத்தது

தமிழகத்தில் 3000 மடங்கள் இருந்தன அவற்றுக்கு ஏகபட்ட நிலபுலன்கள் இருந்தன, அவைகளே அவற்றை கொண்டு கோவில்களை நிர்வகித்தது. இப்பொழுது அந்த மடங்கள், ஆதீனங்களிடம் கோவில்களை கொடுத்து அவற்றின் சொத்துக்களையும் கொடுத்தால் அவர்கள் பக்தரோடு இணைந்து அழகாக பரிபாலனம் செய்வார்கள். இங்கு ஒரு சில

ஆலயங்களை தவிர ஏராளமான ஆலயங்கள் பக்தர்களாலே பராமரிக்கபடுகின்றது என்பது ரகசியமல்ல, ஆலயம் விடுவிக்கபட்டால் அதன் பராமரிப்பை நிர்வாகத்த ஆதீனங்களுடன் சேர்ந்து மக்கள் செய்வார்கள். இவ்வளவுக்கும் ஆதீனங்கள், மடங்களில் சுமார் 80% பிராமணர் இருக்கும் மடங்களே அல்ல, அவர்கள் வசம் இருக்கும்

மடங்கள் வெகு வெகு சில மட்டுமே. மடங்கள் ஆதீனங்களுக்கு கோவில்களை கொடுத்துவிட்டு அரசு மேற்பார்வை செய்யட்டும் அதில் என்ன தயக்கம்? இதில் இவருக்கு என்ன சிக்கல்? ஒரு நிதியமைச்சராக தமிழக இந்து ஆலயங்கள் அரசின் வருமானத்தில் எவ்வளவு பெரும் பங்கை கொடுக்கின்றன என்பது அவருக்கு தெரியாதா? அதே

நேரம் இந்து ஆலயங்களின் அவலநிலை தெரியாதா?
அதை மறைத்து வஞ்சகமாக பதிலளித்தால் அவருக்கு மனசாட்சியே இல்லை என்பதை தவிர என்ன சொல்ல முடியும்? அவரின் பேட்டியெல்லாம் விதண்டாவாதம், வலிய திரித்த பொய்கள், மாற்றபட்ட மறைக்கபட்ட வரலாறுகள், ஜக்கி கேட்ட நியாயமான கேள்வியினை திசை திருப்பி என்னென்னமோ

சொன்ன வன்மங்கள்.
பேட்டியில் அவர் சொன்ன இந்துவிரோத கருத்துக்களை விட கடுமையானது அவரின் உடல்மொழி, ஏதோ பாண்டிய மன்னனின் வாரிசு போல் ஒரு தோற்றம். தான் ஒரு அமைச்சர் என்பதோ, மகா முக்கியமான துறையின் பொறுப்பாளர் என்பதோ, அதற்குரிய கண்ணியம் காக்கபட வேண்டும் என்பதெல்லாம் அவருக்கு தெரியவில்லை

ஜக்கி மேல் ஆயிரம் சர்ச்சைகளை யார் சொன்னாலும் எது வழக்கானது எது நிரூபிக்கபட்டது? அவரை அவன் இவன் என குதிப்பதெல்லாம் சரியல்ல.‌ ஜக்கியின் வயதுக்காவது மரியாதை கொடுக்க வேண்டும். ஒரு மரியாதை தெரியாத தமிழர், அறம் தெரியாத, மதுரை குலபெருமையின் மாண்பு தெரியாத ஒருவர் நிதி அமைச்சர் என்பது

நிச்சயம் திமுக அரசின் கருப்பு புள்ளி. இந்த அரசு உதயநிதியின் வருங்கால திமுக அரசு எப்படி இருக்கும் என்பதை காட்டுகிறது, #அன்பில்மகேஷ் #தியாகராஜன் போன்றோரின் பதவிகள் அதை சொல்கின்றன‌. அறம் தவறிய, நாகரீகம் அற்ற ஒரு ஏதேச்சதிகார கும்பலிடம் தமிழகம் அடுத்த ஐந்து ஆண்டுக்கு சிக்கிவிட்டதோ என

அச்சம் ஏற்படுகின்றது. திருச்சி திருவரங்க ஆலயத்து ஜீயர் பதவி விற்பனைக்கு என்பது போல் வந்த அறிவிப்பின் அதிர்ச்சிக்கு பதிலளிக்கும் முன்னே, இந்து ஆலயங்களுக்கு விடுதலையே இல்லை என நிதியமைச்சர் சொல்வது பெரும் அதிர்ச்சி. உதயநிதி ஆட்சியே இப்படி என்றால் அடுத்து இன்பநிதி ஆட்சியில் என்னென்ன

பேசுவார்களோ என்பதை நினைக்கும்பொழுதே பகீரென்கின்றது
இந்துக்கள் திருந்தாமல் இந்துக்கள் சிந்தியாமல் இந்துக்கள் தங்கள் மத நிலையினையும் ஆலயங்கள் நிலையினயும் உணராதவரை இதெல்லாம் நடந்து கொண்டே இருக்கும் என்பது தமிழக தலைவிதி.
#ஸ்டாலின் ஆட்சியின் தொடக்கத்திலே இந்து வெறுப்பு தலைவிரித்தாட

தொடங்கியிருப்பது நல்ல அறிகுறி அல்ல, இதை அடக்கி வைக்கும் பொறுப்பு அவருக்கு உண்டு
இல்லை காலம் அவருக்கு பல விஷயங்களை காட்டும். இந்து அறநிலைய துறை அமைச்சரே கடவுள் இல்லை என சொல்லி பதவி ஏற்றபொழுது நிதி அமைச்சர் இப்படித்தான் பேசுவார், இதெல்லாம் யாருடைய தவறு?

R Narayanan
Cho Fans Club