Thread by @FirstLadyRwanda

Uyu munsi, Nyakubahwa Madamu Jeannette Kagame yitabiriye ihuriro ry'urubyiruko #IgihangocyUrungano, ryateguwe na @YouthCultureRW, @Imbuto n'abandi bafatanyabikorwa, mu rwego rwo #Kwibuka27 Jenoside yakorewe Abatutsi mu 1994, mu gikorwa kibera kuri Intare Conference Arena.

Madamu Jeannette Kagame: Iri huriro, #IgihangocyUrungano” ryateguwe mu gihe twibuka ku nshuro ya 27 Jenoside yakorewe Abatutsi, by’umwihariko ku munsi w’ejo, tukaba tuzibuka imiryango yazimye nka kimwe mu bigaragaza umugambi wo kurimbura abantu.
#Kwibuka27

Madamu Jeannette Kagame: Kwibuka, ni inshingano yo guha icyubahiro abazize Jenoside yakorewe Abatutsi, ndetse n’uburenganzira bwacu. N’ubwo rimwe na rimwe habaho kuremererwa mu mutima, ibiganiro nk’ibi, bikomeza kudufasha kubaka umuntu udaheranwa.
#Kwibuka27

Madamu Jeannette Kagame: Uyu mwaka, @Imbuto irizihiza imyaka 20. Dutekereza ko tumaze kuba #ImbutoItoshye izadufasha guharanira #EjoHaganje, mu cyerekezo cy’u Rwanda kigeza mu bihumbi bibiri na mirongo itanu. (2050)!
#ImbutoTurns20
#IgihangocyUrungano

Madamu Jeannette Kagame: Muri Fondasiyo @Imbuto, tugira igitekerezo-ngenga, kivuga ko “Imbuto itewe neza, mu gitaka cyiza, kandi giteguwe neza, ikuhirirwa, igahabwa iby’ingenzi byose, irakura ikavamo igiti cy’inganzamarumbo, kitanyeganyezwa n’icyo ari cyo cyose.”
#ImbutoTurns20

Madamu Jeannette Kagame: Ihuriro #IgihangocyUrungano rero, ni kimwe mu bidufasha gutegura neza umutima, ubwenge n’intekerezo z’ urubyiruko, mwebwe mbuto z’u Rwanda.
#Kwibuka27
#ThePromiseofaGeneration