Thread by @FirstLadyRwanda

Madamu Jeannette Kagame abwira urubyiruko: Uko mubwira #Ubunyarwanda abana babakomokaho cyangwa abo muzabyara, nibyo bizatuma babasha gukomeza iyi sano- muzi ikarinda u Rwanda.
#Kwibuka27 #IgihangocyUrungano

Madamu Jeannette Kagame: Iyo urebye igihe Abakoroni bazaga mu Rwanda, ari nacyo gihe twatangiriye kubura Ubunyarwanda, usanga abari abana icyo gihe, bamwe baragize uruhare mu bwicanyi bwo mu 1959, 60, 61, 62 na 63.
#IgihangocyUrungano
#Kwibuka27
#ThePromiseofaGeneration

Madamu Jeannette Kagame: Abari abana muri za 60, bamwe bagize uruhare rukomeye mu itotezwa n’iyirukanwa ry’Abatutsi mu 1973.
Ukomeje kubitekerezaho, usanga abari bakiri bato muri 73,nibo muri 90-94 bari bamaze kuba bakuru, bagize uruhare rukomeye muri Jenoside yakorewe Abatutsi.

Madamu Jeannette Kagame abwira urubyiruko: Uyu munsi, mufite ingero z’abakiri bato bapfobya, bakanahakana Jenoside yakorewe Abatutsi, kandi batarayikoze, bataranayibonye.
Nka ‘Génération’ ya nyuma ya Jenoside rero, muvanamo irihe somo?
#IgihangocyUrungano
#Kwibuka27

Madamu Jeannette Kagame abwira urubyiruko: Mufite umukoro wo kwandika amateka mashya! Maze urwo ruhererekane rw’abasenya, rusimburwe namwe mwubaka, mushyize imbere ubunyarwanda, iterambere no guharanira agaciro kacu. #IgihangocyUrungano

Madame Jeannette Kagame: Iyo usesenguye usanga tugenda duhura n’ibibazo bitandukanye, bikadutwara umwanya tubishakira umuti, nyamara bisa nk’ibidakomeye.
#IgihangocyUrungano
#Kwibuka27

Madame Jeannette Kagame: Impamvu y’ibyo ni cyo twakwita ‘the invisible hand’ ,cyangwa se imbaraga zububa, za zindi zigamije zananiwe kutwica ,zikaba zisigaranye umwanya wo kuducyerereza.
#IgihangocyUrungano
#Kwibuka27

Madamu Jeannette Kagame: Muri iki gihe tugezemo, twifashisha ikoranabuhanga muri byinshi. Ariko, hari aho bikoreshwa nk’urubuga runyuzwamo ibitekerezo by’ushaka gusenya. Si mu Rwanda gusa rero no mu bindi bihugu, imbuga nkoranyambaga n’ikoranabuhanga bidufasha gutera imbere.

Madamu Jeannette Kagame: Ariko amategeko n’amabwiriza agenga izi mbuga agenda azamo imbogamizi rimwe na rimwe zitirirwa uburenganzira bwa muntu, ubwisanzure na demokarasi. Hakubura n'amategeko ayangenga kubera ko adafatwa nkitangaza amakuru.

Madamu Jeannette Kagame: Mu gihugu cyiyubaka, cyabayemo Jenoside ifite umwihariko nk’uwacu, gutsinda uru rugamba bisaba urubyiruko rwinshi nkamwe, rufite imyumvire isobanutse kandi yagutse. (critical mass & critical thinking) tugaharanira ikiduhuza kuruta ikidutandukanya.

Madamu Jeannette Kagame abwira urubyiruko abwira abitabiriye ihuriro #IgihangocyUrungano: Ubunyarwanda, bwadufashije kubakira hamwe. Abantu bemera kugendana ibikomere kugira ngo tugere k’u Rwanda twifuza.
#Kwibuka27