Thread by @FirstLadyRwanda

Madamu Jeannette Kagame: Ndifuza kubasangiza igitekerezo kivuga ku bwenge/ubushishozi bw’inyoni yitwa colibri–iyi nyoni yenda gusa n’iyo twita umununi mu Kinyarwanda. Igihe kimwe ishyamba ryarahiye, umununi wari kumwe n’izindi nyoni n’inyamaswa bigira ubwoba.
#IgihangocyUrungano

Madamu Jeannette Kagame: Umununi ntiwaheranywe n’ubwoba ahubwo watangiye kujya gushaka aho wakura amazi, uko ugiye ukagarukana igitonyanga kimwe, ugasuka kuri wa muriro, ukongera ugasubirayo, bikomeza bityo.
#IgihangocyUrungano
#Kwibuka27

Madamu Jeannette Kagame: Imwe mu nyoni zari aho, iza kurakazwa n’uko uwo mununi utaguma hamwe, ni uko yifatanya n’izindi nyamaswa bitangira guseka wa mununi ziti: “Urabona ako gatonyanga kamwe uzana kazimya uyu muriro?”
#IgihangocyUrungano
#Kwibuka27

Madamu Jeannette Kagame: Umununi urasubiza uti: “Ni byo, ntabwo nazimya uyu muriro jyenyine, ariko ndagira ngo nibura ntange umusanzu wanjye.”
#IgihangocyUrungano
#Kwibuka27

Madamu Jeannette Kagame: Abakurikira cyane iby’imibereho y’inyamaswa cyane inyoni, umununi ni inyoni n’ubusanzwe itangaje ifite umwihariko wo guhozaho, no kudacika intege. Ukurikije uko yubaka, uko ibaho byose biratangaje.
#IgihangocyUrungano
#Kwibuka27

Madamu Jeannette Kagame: Kugira ngo mbihuze n’ibyo mukunda,ubanza umununi ari ka kanyoni k’ubururu ka twitter katwibutsa guhozaho,gutanga amakuru kandi katarambirwa.Uruhare rwa buri wese muri mwe uko mungana,rwazana impinduka zarenga umuntu ku giti cye, kandi bigakebura n’abandi.

Madamu Jeannette Kagame abwira urubyiruko: Munyemerere rero mbasigire umukoro muza no gufatira ibyemezo-ngiro. Gukomera no kurwana ku Bunyarwanda bwacu, bisaba ko mumenya imikorere y’uwububa, wihisha iteka inyuma y’ibisenya Ubunyarwanda.

#Kwibuka27
#IgihangocyRungano

Madamu Jeannette Kagame: Mwumvise inkuru y’umununi, murakoresha mute ikoranabuhanga mu guhangana n’abahakana n’abapfobya Jenoside ndetse no gusenya ubunyarwanda?
#IgihangocyUrungano
#Kwibuka27

Madamu Jeannette Kagame: Mushake uburyo bwiza bwo komorana ibikomere, no kubwira abana mubyara, ukuri kwa Jenoside n’amahitamo yacu, kugira ngo nabo bazakomerezeho.
#IgihangocyUrungano
#Kwibuka27

Madamu Jeannette Kagame abwira urubyiruko rwitabiriye ihuriro #IgihangocyUrungano: Nk’ababyeyi, dushimishwa n’uko muri benshi bafite ibitekerezo bizima.
#Kwibuka27 #ThePromiseofaGeneration

Nyakubahwa Madamu Jeannette Kagame asoje asaba abitabiriye ibiganiro by'ihuriro ry'urubyiruko, gukomeza guharanira “Kwibuka Biyubaka” kandi bakomeze guhamya #IgihangocyUrungano.
#Kwibuka27