#சேலம்விஜய்
நீங்கள் ஜூனியர் விகடனின் அட்டைப்படப் புகைப்படத்துக்காகவே புத்தகம் வாங்கியிருந்தால் அது அநேகமாக தம்பி விஜய் எடுத்தப் படமாகத்தான் இருக்கும். எளிய மக்களின் உணர்வுகளை உறைய வைப்பதில் மன்னன். டெங்கு காய்ச்சலை வெறும் மர்மக்காய்ச்சல் என எடப்பாடி அரசு பதிவு செய்த காலத்தில்
நீங்கள் ஜூனியர் விகடனின் அட்டைப்படப் புகைப்படத்துக்காகவே புத்தகம் வாங்கியிருந்தால் அது அநேகமாக தம்பி விஜய் எடுத்தப் படமாகத்தான் இருக்கும். எளிய மக்களின் உணர்வுகளை உறைய வைப்பதில் மன்னன். டெங்கு காய்ச்சலை வெறும் மர்மக்காய்ச்சல் என எடப்பாடி அரசு பதிவு செய்த காலத்தில்
தர்மபுரியில் இறந்த குழந்தையை ஒரு தாய் கையில் வைத்துக் கொண்டு கதறி அழும் படத்தை விஜய் எடுத்ததும், அது ஜூனியர் விகடன் அட்டைப்படமாக வந்து, சட்டப்பேரவை அல்லோகலப்பட்டது வரலாறு. அதன்பிறகுதான் சிறப்புக் குழுக்கள் அமைக்கப்பட்டு டெங்கு கொசுக்கள் ஒழிக்கப்படும் நிலை உருவானது. இதுதான்
புகைப்படத்தின் மேஜிக். இந்த அற்புதத்தை நிகழ்த்தும் கலைஞர்கள் கடைசிவரை நம் கவனத்துக்கு வரவே மாட்டார்கள் என்பதுதான் பெரும் சோகம். சேலம் தாண்டி எந்த ஊருக்குப் போனாலும் அவனுக்கு நான் போன் செய்தாக வேண்டும் என்பது எழுதப்படாத சட்டம். கையில் ஏதேனும் ஒரு உணவோடு பைபாஸ் ரோடில் நிற்பான்.
பாசக்காரன் என்பது அண்டர்ஸ்டேட்மெண்ட். சில மாதங்களுக்கு முன்பு சேலம் ஸ்டீல் ப்ளாண்ட் ரோடில் நண்பன் புது ஹோட்டல் ஆரம்பிச்சிருக்கார்., பரோட்டா அட்டகாசமாக இருக்கும் என என்னை வலுக்கட்டாயமாக நகருக்கு உள்ளே அழைத்துச் சென்றான். ஹோட்டல் பெயர் "நிலாச்சோறு". நான் சாப்பிட தொடங்கிய போது
எதிரில் அமர்ந்து ஒரு ப்ளேட்லே பரோட்டாவை பிய்த்துப் போட்டு மூன்று விதமான சால்னாவில் அவைகளைத் தனி தனியாக ஊற வச்சான். ரசனைக்காரனாவும் இருக்கானே என நான் நினைத்தவேளையில் அப்படியே அந்த ப்ளேட்டை எனக்கு மாற்றி, இப்போ சாப்பிடுங்கண்ணா.. இப்படிதான் பரோட்டாவை சாப்பிடணும் என்ற விஜய்
நேற்றிரவு கரோனாவுக்கு தனது உயிரை ஒப்படைத்து விட்டான்.
நேற்றைக்கு முந்தைய நாள் மாலை, டிவிட்டரில் நண்பர் @senthazalravi சேலத்தில் ஒரு ஆக்ஸிஜன் படுக்கை உதவி கேட்டபோது அவனைதான் அழைத்தேன். சொல்லுங்கண்ணா என பலவீனமான குரலைக் கேட்டபோதுதான், அவனும் மருத்துவமனையில் இருப்பதே எனக்குத்
நேற்றைக்கு முந்தைய நாள் மாலை, டிவிட்டரில் நண்பர் @senthazalravi சேலத்தில் ஒரு ஆக்ஸிஜன் படுக்கை உதவி கேட்டபோது அவனைதான் அழைத்தேன். சொல்லுங்கண்ணா என பலவீனமான குரலைக் கேட்டபோதுதான், அவனும் மருத்துவமனையில் இருப்பதே எனக்குத்
தெரிய வந்தது. தைரியம் சொல்லி போனை வைத்தேன். அரைமணி நேரத்தில் மீண்டும் அவனே அழைத்து, நீங்க ஏதோ கேட்க வந்தீங்களே! அதை சொல்லுங்க. நான் பெட்லே இருந்தால் கூட அதைச் செய்ய முடியும் என்றவனை காலம் அழைத்துக் கொண்டது. சேலத்தை சுற்றியுள்ள மலைவாழ் மக்களின் அன்புக்குரியவனாக இருந்தான். அவர்கள்
பிரச்சனைகள் எதுவாக இருந்தாலும் உடனடியாக கலெக்டரிடம் கொண்டு போய் தீர்த்து வைப்பான். @AnandaVikatan அடையாளத்தை சமூகப் பொறுப்போடு பயன்படுத்தியது நான் அறிந்து விஜய் மட்டும்தான். அவனைப் பற்றி பேசவும், எழுதவும் எவ்வளவோ உள்ளது. இப்போதைக்கு அதையெல்லாம் மனசுக்குள் அழுதுத் தீர்க்கிறேன். 🙏
• • •
Missing some Tweet in this thread? You can try to
force a refresh
