Thread by @skpkaruna

#பரிவு
முதல் அலையின் போது நண்பர் ஒருவர் ஸ்டான்லி #COVID பிரிவில் அனுமதிக்கப் பட்டிருந்தார். தனிமை, மவேற்று மனிதர்கள், கவச உடை அணிந்த பணியாளர்கள் என புதியச் சூழலைக் கண்டு கடுமையாக பதட்டமாகி ரத்த அழுத்தம் அதிகமாகி விட்டது. தலைமை டாக்டர், நண்பரின் உறவினர் யாரையாவது உள்ளே சென்று

உடன் இருந்து தைரியம் சொல்லச் சொன்னார். PPE kit கூட தருவதாக சொல்லி இருக்கிறார். தாய், தந்தை வயதானவர்கள் என்பதால் அவர்களுக்கு அனுமதி இல்லை. சகோதரன் ஏதோ காரணம் சொல்லி விட்டான். மனைவியை உள்ளே செல்ல அவரது பெற்றோர்கள் அனுமதிக்கவில்லை. நண்பர்கள் சிலர் துணிந்தபோதும் முயற்சி கைகூடவில்லை.

இறுதியில் யாருமே நேரில் சென்று பாராமலேயே, தனிமையில் அவன் இறந்து விட்டான்.
இன்று தொலைக்காட்சியில் முதல்வர் @mkstalin PPE Kit அணிந்து கொண்டு #COVID வார்டுக்கு செல்லும் காட்சியைப் பார்த்த நண்பன் இந்த நிகழ்வை நினைவுபடுத்தி குறுஞ்செய்தி அனுப்பி இருந்தான்.
முதல்வர் ஸ்டாலினுக்கு 69

வயது. அவருக்கும் மனைவி, மகன், மகள், பேரன்,பேத்திகள் என அன்பான குடும்பம் உண்டு. அதுபோக ரத்த உறவில்லாத எங்களைப் போன்ற பல லட்சம் சொந்தங்கள் உண்டு. நீண்ட நெடுங்காலம் உழைத்துப் பெற்ற முதலமைச்சர் எனும் பொறுப்பு கிடைத்து 23 நாட்கள்தான் ஆகிறது. ஆனாலும், இன்று மருத்துவமனையில் அவர் காட்டிய

அக்கறை, எடுத்த ரிஸ்க்கை நண்பன் 'தீரம்' என்றான். நான் அதை பரிவு என்பேன்.
மேயர் ஆன காலத்தில் இருந்தே, யார் உயிருக்காக போராடினாலும் அவர் பதறிப் போய் உதவிகள் செய்வார். யார் மரணம் அடைந்தாலும் தவறாமல் நேரில் சென்று ஆறுதல் சொல்வார். அவரது அரசியல் எதிரிகள் கூட பாராட்டும் சிறப்பான பண்பு

அது. இன்று முதலமைச்சர் ஆனபிறகும் அந்தப் பண்புநலன் மாறாமல் கூடுதல் அக்கறையோடு, மேலும் பரிவோடு நடந்து கொண்டதைக் கண்டு நெகிழ்ந்தேன்.
வாழ்க்கைப் பாதை என்பது நமது முன்னோடிகள் நடந்து சென்ற கால்தடமே! இன்று அந்தப் பாதையில் நான் ஓர் அற்புதமான நிழல்மரத்தைக் கண்டேன். பெருமிதமாக உள்ளது. 🙏