Thread by @mohandastg

ഇന്നലെ രാത്രി (16.06.2021) എട്ടു മണിക്കായിരുന്നു സേതുവേട്ടൻ എന്ന് എല്ലാവരും വിളിക്കുന്ന എസ് സേതുമാധവൻ എന്ന സംഘ പ്രചാരകൻ ക്ലബ് ഹൗസിലൂടെ അടിയന്തരാവസ്ഥാ ദിനങ്ങളിലെ ആർഎസ്എസിന്റെ സമര പരിപാടികൾ ഓർമ്മിച്ചെടുത്തത്.
1/13

വലിയ വാക്കുകൾ, സംസ്കൃത ശ്ലോകങ്ങൾ, വാചാടോപം - ഇതൊന്നും സേതുവേട്ടൻ ഉപയോഗിക്കുന്ന പ്രശ്നമില്ല. നെഞ്ചിലെ നേരിന്റെ നാവാണ് എന്നും സേതുവേട്ടൻ്റെ ആയുധം. ഹരിയേട്ടൻ ഏറ്റവുമധികം ഉപയോഗിക്കുന്ന വാക്ക് "നല്ല ജോറായി" എന്നതാണെങ്കിൽ സേതുവേട്ടൻ കൂടെക്കൂടെ ഉപയോഗിക്കുന്നത് "ഉഷാറായി" എന്നതാണ് 😀
2/13

അടിയന്തരാവസ്ഥക്കാലത്തെ ആർഎസ്എസിൻ്റെ നിലപാട് കാഴ്ചപ്പാട് കടപ്പാട് പുറപ്പാട് - ഇതെല്ലാം തന്നെ ലളിതമായ ഭാഷയിൽ സേതുവേട്ടൻ അവതരിപ്പിച്ചു. സ്വയം ദു:ഖിതനാവാതെ മറ്റുള്ളവരുടെ ദു:ഖം നിരാശ നിസ്സഹായത വേദന സന്ത്രാസം.. ഇതെല്ലാം ശ്രോതാക്കളിലേക്ക് പകരാൻ സേതുവേട്ടന് ഒരു പ്രത്യേക കഴിവാണ്
3/13

സേതുവേട്ടൻ്റെ കണ്ണുകൾ നനയുകയില്ല. പക്ഷേ ആ നരേഷൻ കേൾക്കുന്നവർ കരച്ചിലടക്കാൻ പാടുപെടും.. സംഘാടകർ സദസ്സിലുള്ളവരുടെ മൈക്കുകൾ ഓഫ് ചെയ്തു വെച്ചില്ലായിരുന്നെങ്കിൽ ഇന്നലെ സേതുവേട്ടൻ അടിയന്തരാവസ്ഥയിലെ പോലീസ് മർദ്ദനങ്ങൾ വിവരിച്ചപ്പോൾ കുറച്ചേറെ തേങ്ങലുകൾ പുറത്ത് വരുമായിരുന്നു!
4/13

പോലീസുമായി കശപിശ ഉണ്ടായതിന്റെ പേരിൽ അവരുടെ തല്ല് വാങ്ങുകയും ജയിലിൽ പോവുകയും ചെയ്ത ആളാണ് പിണറായി. അതിന് അടിയന്തരാവസ്ഥയുമായി ബന്ധമൊന്നുമില്ല എന്ന് വളരെ നിസ്സാരമായാണ് സേതുവേട്ടൻ പറഞ്ഞുവെച്ചത്. അതൊരു വലിയ വെളിപ്പെടുത്തലാണ് പുതു തലമുറയ്ക്ക്!!
5/13

അടിയന്തരാവസ്ഥയുടെ victims ന് compensation/pension ഒക്കെ കൊടുക്കേണ്ടതല്ലേ എന്ന ചോദ്യത്തിനായിരുന്നു മാസ്സ് മറുപടി..

നാം victims ആണ് എന്ന കാഴ്ചപ്പാട് ശരിയല്ല. നമ്മൾ പോരാളികളാണ്. ജയിലിൽ പോയവർ, മർദ്ദനമേറ്റവർ, ഏൽക്കാത്തവർ, ഒളിവിൽ കഴിഞ്ഞവർ, അവരെ സഹായിച്ചവർ,..
6/13

പണം മാത്രം നൽകാൻ കഴിഞ്ഞവർ, ലഘുലേഖാ വിതരണം മാത്രം ചെയ്യാൻ കഴിഞ്ഞവർ, പോലീസിനുള്ളിൽ നിന്ന് സഹായിച്ചവർ, IB RAW തുടങ്ങിയ ഉദ്യോഗസ്ഥർ.. ഇവരെല്ലാം പോരാളികളല്ലേ? ആർക്കൊക്കെ കൊടുക്കണം പെൻഷൻ? ആർഎസ്എസ് ആണെന്നറിഞ്ഞാൽ വെറുതെ സ്റ്റേഷനിൽ കൊണ്ടുപോയി ദിവസവും ഇടിക്കുന്ന ഏർപ്പാടുണ്ടായിരുന്നു!
7/13

അവരുടെ പേരുകൾ ഒരു രേഖയിലുമുണ്ടാവില്ല. അവർക്ക് പെൻഷൻ വേണ്ടേ? പോരാളികളാണ് പക്ഷേ പലവിധ കാരണങ്ങളാൽ സമരത്തിൽ പങ്കെടുക്കാൻ കഴിഞ്ഞില്ല - അങ്ങനെയുള്ളവരെ മാറ്റി നിർത്തുന്നത് ശരിയാണോ? ഭയന്നു പോയി ചിലർ - അതൊരു കുറ്റമായി കാണാമോ?
8/13

ത്യാഗത്തിന് കണക്കു പറഞ്ഞാൽ അതിനെ പിന്നെ ത്യാഗമെന്നു പറയാൻ കഴിയില്ല. അതിനാൽ സംഘം പെൻഷൻ എന്ന ആശയത്തെ അനുകൂലിക്കുന്നില്ല. മാത്രമല്ല ഇതിന്റെ പേരിൽ ആരോടും വിദ്വേഷം പാടില്ല എന്നും സംഘം തീരുമാനിച്ചു.
9/13

അതിനാൽ അടിയന്തരാവസ്ഥ കഴിഞ്ഞപ്പോൾ എല്ലാം മറക്കാനും പൊറുക്കാനും സർസംഘചാലക് ദേവറസ്ജി ആവശ്യപ്പെട്ടു. അല്ലെങ്കിൽ രാജ്യത്താകമാനം കോൺഗ്രസ് - ആർഎസ്എസ് സംഘട്ടനങ്ങൾ നടക്കുമായിരുന്നു! ഇത്ര ദീർഘവീക്ഷണവും സമാജത്തോട് അനുതാപവുമുള്ള സംഘടനയാണ് ആർഎസ്എസ് എന്ന് പലരും അന്നാണ് അറിഞ്ഞത്!
10/13

സേതുവേട്ടൻ അളന്നു തൂക്കി സംസാരിക്കാറില്ല. പക്ഷേ അനാവശ്യമായ ഒരു വാക്കും തമാശയായി പോലും ആ മുഖത്തു നിന്ന് വരില്ല. ഏത് സ്വയംസേവകനെക്കണ്ടാലും നിറചിരിയോടെ യെസ്സ്... എന്ന് പറഞ്ഞ് തോളത്ത് ഒരു അടി ഉറപ്പ്! ആ അടി കിട്ടാത്ത ഒരു സ്വയംസേവകനും കേരളത്തിൽ ഇല്ല..
11/13

ആ അടി കിട്ടിയില്ലെങ്കിൽ ശ്വാസം മുട്ടാത്തവരുമില്ല! കണ്ണിലേക്ക് നോക്കിയാണ് സേതുവേട്ടൻ സംസാരിക്കുക. പറയുന്ന ആളിന്റെ കണ്ണിൽ നോക്കിയാണ് കേൾക്കുന്നതും.. ഒരു ചെറിയ കള്ളമെങ്കിലും പറയാൻ വെച്ചിട്ടുണ്ടെങ്കിൽ അത് തൊണ്ടയിൽ കുരുങ്ങിപ്പോകും..🤭
12/13

പണ്ട് എനിക്കൊരു നക്സൽ സുഹൃത്ത് ഉണ്ടായിരുന്നു. അയാൾ സേതുവേട്ടനോട് ആർഎസ്എസിനെപ്പറ്റി കുറച്ചു നേരം സംസാരിക്കാനിടയായി. പിന്നെ എന്നെക്കണ്ടപ്പോൾ പറഞ്ഞു - എടാ അദ്ദേഹം എന്തൊരു മാന്യൻ! ആർഎസ്എസ് എന്താണെന്ന് വ്യക്തമായി പറഞ്ഞു തന്നു. നീയൊക്കെ ചുമ്മാ ബഹളക്കാരൻ!😃

സേതുവേട്ടൻ ഇസ്തം ❤️
13/13