உத்தரப் பிரதேசத்தில் பாந்தா, ஜலோன், ஜான்சி, ஹமீர்பூர், சித்ரகுட், மஹோபா, மற்றும் லலித்பூர் ஆகிய ஏழு மாவட்டங்களை உள்ளடக்கிய பகுதி புண்தில்கண்ட். இங்கு ரோஸ் நிறச் சேலைகளுடன், கம்புகளை ஏந்தி கும்பலாக செல்லும் பெண்கள் குழுவை 'குலாபி கேங்' என அழைக்கிறார்கள். 
இவர்கள், காசுக்காக மனைவியை தொல்லை கொடுக்கும் குடிகாரக் கணவன், வரதட்சணை கொடுமை செய்பவர்கள், மணமுடிக்காமல் காதலுடன் கைகழுவ முயலும் காதலர்கள் என உட்பட பல குடும்பப் பிரச்சினைகளில் தலையிட்டு முடித்து வைக்கிறார்கள். இத்துடன், அரசு சான்றிதழ்களுக்கு லஞ்சம் கேட்கும் அதிகாரிகள்,
அறிவிக்கப்பட்ட அரசு நிவாரண உதவி கிடைப்பதற்கு உள்ள தடைகள், புகார் செய்தும் வழக்கு பதிவு செய்யாத போலீஸ் மீதான புகார்கள் உட்பட அனைத்தையும் குலாபி கேங் பெண்களிடம் புகார்கள் வந்தால் அவர்களுக்கு நியாயம் கிடைக்க வேண்டி போராட்டங்களில் இறங்கி விடுகிறார்கள்.
இதற்காக, பிரச்சினைகளுக்கு ஏற்றபடி சுமார் ஐந்து முதல் ஐந்நூறு எண்ணிக்கையிலான பெண்கள் ரோஸ் நிறச் சேலைகள் அணிந்து நீண்ட கம்புகளுடன் ஆஜராகி விடுகிறார்கள். இவர்கள் போடும் கோஷங்களை தாங்காமல் முன்னே இருப்பவர் அரசு அதிகாரியானாலும் தலைவணங்க வேண்டியதாகி விடுகிறது.
சுமார் 15 வருடங்களாக உலகம் முழுவதும் பிரபலம் அடைந்துவிட்ட இந்த குலாபி கேங்கின் நிறுவனர் மற்றும் தலைவி சம்பத் பால். 52 வயதான இவர்தான் குலாபி கேங்கின் தலைமை கமாண்டர் அவரை உபியின் பாந்தாவிலிருந்து சுமார் 35 கி.மீ தூரமுள்ள அத்ரா எனும் சிறிய ஊரில் உள்ளது குலாபி கேங்கின் தலைமை அலுவலகம்
'12 வயதில் மணமுடித்த நான், துவக்கத்தில் ஒரு சராசரி கிராமத்து பெண்ணாக குடும்ப உறுப்பினர்கள் அனைவருக்கு அடங்கி நடந்து வந்தேன். இது ஒரு கட்டத்திற்கு பின் மாறி எனது போராட்டக் குணம் வெளிப்படத் துவங்கியது. எனது கிராமத்து பெண்களுக்கானப் பிரச்சனைகளை கையில் எடுத்து தட்டிக் கேட்டேன்.
அப்போது ஒரு தலித் விட்டில் நான் விருந்து உண்ண வேண்டியதாயிற்று. இதை கேள்விப்பட்ட என் மாமியார் வீட்டார், என்னை வீட்டை விட்டு தனியாக ஒதுக்கி வைத்தனர். ஆனால், எனது கணவர் ராம்பிரசாத் பால் எனக்கு பெரும் ஆதரவாக இருந்து தைரியம் கொடுத்தார்.
இதற்கு பெண்கள் சுயமாக சம்பாதிப்பதே விடிவாக இருக்கும் என்ற முடிவுக்கு வந்தேன்.
இதற்காக, அரசு உதவிகளின் மூலம் பெண்களுக்கு சுயதொழில் வேலை வாய்ப்பு பெற்றுத் தருவதில் முனைந்தேன். அங்கும் லஞ்ச, வாவண்யம் தலை விரித்தாடியது. அதற்கும் ஒரு முடிவு கட்டுவது எப்படி என வந்த யோசனையால் பெண்களை
இதற்காக, அரசு உதவிகளின் மூலம் பெண்களுக்கு சுயதொழில் வேலை வாய்ப்பு பெற்றுத் தருவதில் முனைந்தேன். அங்கும் லஞ்ச, வாவண்யம் தலை விரித்தாடியது. அதற்கும் ஒரு முடிவு கட்டுவது எப்படி என வந்த யோசனையால் பெண்களை
ஒன்றுபடுத்தி போராடுவது என முடிவு எடுத்தேன். இதற்கு ஒரு அடையாளம் தேவை என்பதற்காக ஒரே நிறமாக ரோஸ் நிறச் சேலை அணிந்து போராடுவது என முடிவு செய்தேன்' என வரலாற்று சுருக்கம் தருகிறார் சம்பத் பால்.
சம்பத் பால், பல முற்போக்கான கருத்துக்களையும் புண்தில்கண்ட் கிராமத்தினரிடம் பரப்பி வருகிறார். பெண்கள் முகத்தை மறைக்கும் அளவுக்கு முக்காடு போடத் தேவையில்லை. பள்ளிக்கு செல்லாத பெண்களின் வாழ்வில் விடியல் வராது. இதற்கு முக்கிய ஆயுதமாக இருப்பது அவர் பெண்களிடையே சென்று பாடும் பாடல்கள்.
இந்த குலாபி கேங்கை பற்றி பிரான்சிலிருந்து வந்த ஒரு எழுத்தாளர் சம்பத் பாலின் சேவைகளை நூலாக எழுதி பிரெஞ்சு மொழியில் வெளியிட்டுள்ளார். லண்டனில் இந்த கேங்கை பற்றி ஒரு டாக்குமெண்ட்ரி எடுத்து வெளியிடப்பட்டு பல விருதுகளையும் வென்றுள்ளது.
• • •
Missing some Tweet in this thread? You can try to
force a refresh
