Thread by @jagatmindri

1/nಸನಾತನ ಧರ್ಮದಲ್ಲಿ ಸ್ಲೇವರಿ ಅಥವಾ ದಾಸ್ಯ ಪದ್ಧತಿ.
ಹೀಗೆ ಹೇಳಿದ ಕೂಡಲೇ ಬರ್ತಾರೆ ಇಂಡೊಲೊಜಿ ಲಾಯರ್ಸ್, ಇಲ್ಲ ಇದೆಲ್ಲ ಸುಳ್ಳು ನಮ್ಮ ಭವ್ಯ ಸಂಸ್ಕೃತಿ ದಾಸ್ಯ ಎಂಬುದು ಇಲ್ಲವೇ ಇಲ್ಲ. ಇದೆಲ್ಲ ಇದ್ದಿದ್ದು ಪಶ್ಚಿಮದಲ್ಲಿ ಮಾತ್ರ. ಹಾಗೂ ಸಾಬರು ಇದನ್ನು ನಮ್ಮ ದೇಶಕ್ಕೆ ತಂದಿದ್ದು. ಅವರಿಗಿಂತ ಮುಂಚೆ ಇವೆಲ್ಲ ಇಲ್ಲಿ ಇರಲಿಲ್ಲ.

2/nಸನ್ನಿಧಾನಂಗಳ ಇವತ್ತಿನ ಪ್ರವಚನದಲ್ಲಿ ಈ ಇಂಡೊಲೊಜಿ ಮಂದಿಯ ಭಂಡ ಬಾಳನ್ನು ಬಯಲು ಮಾಡುವ.
ಒಂದು ದಂತ ಕಥೆ ಇಂದ ಶುರು ಮಾಡುವ. ಇಲ್ಲಿ ಒಂದು ಕಾಮಿಡಿ ಇದೆ. ಇದನ್ನು ನಾವು ದಂತ ಕಥೆ ಅಂದ್ರೆ ಸನಾತನಿಗಳಿಗೆ ಉರಿಯುತ್ತದೆ ಕಾರಣ ಸನಾತನ ನಂಬಿಕೆಗಳ ಮೂಲ ಇರುವುದೇ ಇಲ್ಲಿ. ಸೃಷ್ಟಿಯ ಕಥೆ ಇಲ್ಲಿ ಬರುತ್ತದೆ.

3/nಸತ್ಯ ಅಂದ್ರೆ ಇಲ್ಲಿನ ಅಸಂಬದ್ಧ ಕಾಮಿಡಿಗಳನ್ನು ನಿಜ ಅಂತ ಅವ್ರೇ ಒಪ್ಪಬೇಕಾಗುತ್ತದೆ. ಇರಲಿ
ಮನುವಿನ (ಸನಾತನಿಗಳ ಪ್ರಕಾರ ಮನುಷ್ಯರ ಮೂಲ ಪುರುಷ ಮನು, ಅಬ್ರಾಮಿಕ್ ಧರ್ಮಿಯರ ಆಡಮ್ ಸಮಾನ ) ಅಪ್ಪ ಕಶ್ಯಪನಿಗೆ ಹಲವು ಪತ್ನಿಯರು. ಅವರಲ್ಲಿ ಇಬ್ಬರು ವಿನಿತೆ ಮತ್ತು ಕದ್ರು. ಒಮ್ಮೆ ಇವರ ಮದ್ಯೆ ಒಂದು ಬೆಟ್ಟಿಂಗ್ ಆಗುತ್ತೆ.

4/nಅದು ಅಮರಾವತಿಯ ಕುದುರೆ ಉಚ್ಚೈಶ್ರವದ ಬಣ್ಣದ ಬಗ್ಗೆ. ವಿನಿತೆಯ ಪ್ರಕಾರ ಅದು ಪೂರ್ಣ ಬಿಳಿ. ಕದ್ರು ಪ್ರಕಾರ ಅದು ಪೂರ್ಣ ಬಿಳಿ ಅಲ್ಲ. ಬೆಟ್ ಪ್ರಕಾರ ಸೋತವಳು ಗೆದ್ದವಳ “ದಾಸಿ” ಆಗಬೇಕು. ದಾಸ್ಯದ ಬಗ್ಗೆ ಮೊದಲ ಉಲ್ಲೇಖ ನಮಗೆ ಇಲ್ಲಿ ಕಾಣುತ್ತದೆ. ಕದ್ರು ಮೋಸದಿಂದ ಬೆಟ್ ಅನ್ನು ಗೆಲ್ಲುತ್ತಾಳೆ. (ಆ ಮೋಸದ ಬಗ್ಗೆ ಇನ್ನೊಮ್ಮೆ ಹೇಳುತ್ತೇವೆ)

5/nಮುಂದೆ ಸಹಸ್ರಾರು ವರ್ಷಗಳ ಕಾಲ ದಾಸ್ಯದ ಸಂಕೋಲೆಯಲ್ಲಿ ವಿನಿತೆ ಕಳೆಯುತ್ತಾಳೆ. ಘನಘೋರ ಅವಸ್ಥೆ ಅಂತ ಕಥೆ ಹೇಳುತ್ತೆ. ಮುಂದೆ ಅವಳ ಎರಡನೇ ಮಗ ಗರುಡನು ದಾಸ್ಯದಿಂದ ಮುಕ್ತಿ ಕೊಡಿಸುತ್ತಾನೆ.
ಈ ಕಥೆ ಇಲ್ಲಿ ಹೀಗೆ ಬಂದಿದೆ ಅಂದ್ರೆ ಆ ಕಥೆ ಕಟ್ಟಿದವರ ಸಮಾಜದಲ್ಲಿ ಸ್ಲೇವರಿ ಇರಲೇ ಬೇಕು

6/nಹಾಗೂ ಇಲ್ಲಿ ಹೇಳಿರುವ ಎಲ್ಲಾ ವರ್ಣನೆಗಳು ಸ್ಲೇವರಿಗೆ ಹೊಂದುತ್ತದೆ.
ಹೇಗಿದ್ದರೂ ಮನುವಿನ ಪ್ರಸ್ತಾಪ ಮಾಡಿ ಆಗಿದೆ, ಸೋ ಮನುಸ್ಮೃತಿ ಗೇ ಹೋಗುವ
ध्वजाहृतो भक्तदासो गृहजः क्रीतदत्त्रिमौ ।
पैत्रिको दण्डदासश्च सप्तैते दासयोनयः ॥ ४१५ ॥

ಗುಲಾಮರಲ್ಲಿ ಏಳು ವಿಧಗಳು
೧. ಯುದ್ಧದಲ್ಲಿ ವಶ ಆಗಿದ್ದು
೨. ಆಹಾರಕ್ಕೆ ಅಂತ

7/n ೩. ಗುಲಾಮನ ಮನೆಯಲ್ಲಿ/ ಕುಟುಂಬದಲ್ಲಿ ಜನ್ಮ ಪಡೆದಿದ್ದು
೪. ಇನ್ನೊಬ್ಬ ಯಜಮಾನನಿಂದ ಖರೀದಿಸಿದ ಗುಲಾಮ
೫. ಉಡುಗೊರೆಯಾಗಿ ಸಿಕ್ಕಿದ್ದು
೬. ವಂಶಪಾರಂಪರ್ಯವಾಗಿ ಗುಲಾಮ
೭. ಶಿಕ್ಷೆಯಾಗಿ ಗುಲಾಮನಾಗಿದ್ದು.
ಇಲ್ಲಿ ೬ನೆಯ ಅಂಶ ಎಲ್ಲದಕ್ಕಿಂತ ಘೋರವಾಗಿದ್ದು. ಅಂದ್ರೆ ಗುಲಾಮನಿಗೆ ಮುಕ್ತಿಯೇ ಇಲ್ಲ.

8/nಅದು ಅವನ ಜಾತಿ ಬರುತ್ತದೆ. ವಂಶ ಪಾರಂಪರ್ಯವಾಗಿ.
೪೧೨ ನೇ ಶ್ಲೋಕದಲ್ಲಿ ಹೇಳುತ್ತೆ, ಬ್ರಾಹ್ಮಣನು ಯಾವತ್ತಿಗೂ ಗುಲಾಮನು ಆಗುವುದಿಲ್ಲ. ಅಕಸ್ಮಾತ್ ಯಾವನೇ ಬ್ರಾಹ್ಮಣನ ಕೈಲಿ ಗುಲಾಮರು ಮಾಡುವ ಕೆಲಸವನ್ನು ಮಾಡಿಸಿದರೆ ಅಂತಹವರಿಗೆ ೬೦೦ ವರಹ ದಂಡ ವಿಧಿಸಬೇಕು ಅಂತ ಹೇಳುತ್ತದೆ.

9/n೪೧೩ ರಲ್ಲಿ, ಶೂದ್ರ ಇರ್ತಾನಲ್ಲ ಅವನನ್ನು ಹಣ ಕೊಟ್ಟು ಕೊಳ್ಳಲಿ ಬಿಡಲಿ ಅವನು ಯಾವತ್ತಿದ್ದರೂ ಬ್ರಾಹ್ಮಣನ ಗುಲಾಮನೇ. ಅದೇ ಅವನ ಜನ್ಮಸಿದ್ಧ ಹಕ್ಕು.
೪೧೭ ರಲ್ಲಿ ಹೇಳುತ್ತೆ, ಬ್ರಾಹ್ಮಣನು ತನ್ನ ಶೂದ್ರ ಗುಲಾಮನ ಆಸ್ತಿಯನ್ನು ಯಾವಾಗ ಬೇಕಾದರೂ ಮುಟ್ಟುಗೋಲು ಹಾಕಿಕೊಳ್ಳಬಹುದು. ಯಾಕಂದ್ರೆ ಶೂದ್ರ ದಾಸನಿಗೆ ಯಾವುದೇ ಆಸ್ತಿಯ ಹಕ್ಕು ಇಲ್ಲ.

10/nಅಪಸ್ಥ೦ಬ ಧರ್ಮ ಸೂಕ್ತದಲ್ಲಿ ದಾಸನನ್ನು ಹೇಗೆ ನಡೆಸಿಕೊಳ್ಳಬೇಕೆಂಬ ವಿವರಣೆ ಇದೆ. ಅಂದ್ರೆ ದಾಸ್ಯ ಪದ್ಧತಿ ಇತ್ತು ಅಂತ ಅರ್ಥ.
ಇಲ್ಲಿ ಇನ್ನೊಂದು ಅಚ್ಚರಿ ಇದೆ. ಇನ್ನೊಂದು ತರಹದ ಗುಲಾಮರು ಇದ್ದಾರೆ ಅದು ಸ್ತ್ರೀಯರು. ಮನುಸ್ಮೃತಿಯ ಪ್ರಕಾರ ಪತ್ನಿಗೂ ಗುಲಾಮಳಿಗೂ ಯಾವುದೇ ವ್ಯತ್ಯಾಸ ಇಲ್ಲ. ಹಾಗೆ ನೋಡಿದರೆ ಗುಲಾಮಳ ಬದುಕು ಬೆಟರ್ ಅನ್ಸುತ್ತೆ.

11/nयस्मै दद्यात् पिता त्वेनां भ्राता वाऽनुमते पितुः ।
तं शुश्रूषेत जीवन्तं संस्थितं च न लङ्घयेत् ॥१४९॥

ಯಾರಿಗೆ ತಂದೆಯು ಅವಳನ್ನು ಅಥವ ಅಣ್ಣನು ಅವಳನ್ನು ಗಂಡನಿಗೆ ಕೊಟ್ಟಾದ ಮೇಲೆ ಅವನು ಬದುಕಿರುವವ ವರೆಗೂ ಅವನ ಸೇವೆ ಮಾಡಿಕೊಂಡೇ ಇರಬೇಕು. ಅಕಸ್ಮಾತ್ ಅವ ಹೊಗೆ ಆದ್ರೆ ಕೂಡ ಆಕೆಗೆ ದಾಸ್ಯದಿಂದ ಮುಕ್ತಿ ಇಲ್ಲ.

12/nಇಲ್ಲಿ ಹೆಂಡತಿ ಅನ್ನುವವಳು ನಿರಂತರ ದಾಸಿ.

ಇನ್ನು ಸಂಸ್ಕೃತದಲ್ಲಿ ಕೆಲವು ಬೈಗುಳಗಳಿವೆ. ಅವುಗಳಲ್ಲಿ ಒಂದು ದಾಸ್ಯಾಪುತ್ರ. ಅಂದ್ರೆ ದಾಸಿಯ ಮಗ. ಇದು ಅತ್ಯಂತ ಅವಮಾನಕರ ಬೈಗುಳ ಅಂತೇ. ಅರ್ಥಾತ್, ದಾಸ್ಯ ಅನ್ನುವುದೇ ಅತ್ಯಂತ ಹೀನ ಸ್ಥಾನ. ಇದಕ್ಕಿಂತ ಕೀಳು ಇನ್ನೊಂದು ಇಲ್ಲ. ಇದೇ ಸ್ಲೇವರಿ ಅಂತ ಪಶ್ಚಿಮದಲ್ಲಿ ಹೇಳುವುದು.

13/nನಮ್ಮ ಬಂಗಾರು ಪೇಟೆಯ ಮರಗಲ್ಲು ಶಾಸನದಲ್ಲಿ ಹೊಳೆಯ ಗುಲಾಮರ ಕೊಂಡು ಕೊಳ್ಳುವಿಕೆ ಹಾಗೂ ಮಾರುವಿಕೆಯ ಬಗ್ಗೆ ಹೇಳಲಾಗಿದೆ. ಮಲೆನಾಡ ಜಮೀನ್ದಾರ ರ ಮನೆಗಳಲ್ಲಿ ಜೀತ ಪದ್ಧತಿ ಎನ್ನುವ ಹೆಸರಿನಲ್ಲಿ ಸ್ಲೇವರಿ ೭೦ ರ ದಶಕದ ತನಕ ಜೀವಂತ ಇತ್ತು.
ಕಾಲಿಗೆ ಕಬ್ಬಿಣದ ಸಂಕೋಲೆಗಳನ್ನು ಶಾಶ್ವತವಾಗಿ ಹಾಕಿದ್ದ ಉದಾಹರಣೆಗಳು ಇವೆ.

14/nಎಲ್ಲಾ ಜಮೀನ್ದಾರರು ಮೇಲ್ವರ್ಗದವರು ಅನ್ನುವುದು ಕೂಡ ನೆನಪಿನಲ್ಲಿ ಇಡಬೇಕಾದ ಅಂಶವೇ.

ಒಟ್ಟಿನಲ್ಲಿ ಈ ಸ್ಲೇವರಿ ಅನ್ನುವುದು ಸಾಬರು ತಂದಿದ್ದು ಅಲ್ಲ, ಬ್ರಿಟಿಷರು ತಂದಿದ್ದು ಅಲ್ಲ. ಇದು ಸನಾತನಿಗಳ ಸಂಸ್ಕೃತಿಯಲ್ಲೇ ಇತ್ತು. ಈ ಮಣ್ಣಿಗೆ ಸ್ಲೇವರಿ ಅನ್ನು ತಂದಿದ್ದೇ ಈ ಮದ್ಯ ಏಷಿಯಾದ ಸನಾತನಿಗಳು ಅಂದ್ರೆ ತಪ್ಪಾಗಲ್ಲ.

n/nಮೂಲ ನಿವಾಸಿ ಅಥವಾ ಬುಡಕಟ್ಟು ಸಂಸ್ಕೃತಿಯಲ್ಲಿ ಇಂತಹ ಯಾವುದೇ ಉಲ್ಲೇಖ ಇಲ್ಲ. ಅಲ್ಲಿ ಇವತ್ತಿಗೂ ಸಮಾಜ ಸಮಾನವಾಗಿಯೇ ಇದೆ. ಅಲ್ಲಿ ನಾಯಿ ಕೂಡ ಮನೆ ಯಜಮಾನನ ಜೊತೆ ಉಣ್ಣುತ್ತದೆ. ಅಲ್ಲಿ ನಾಯಿ ಕೀಳಲ್ಲ, ಯಜಮಾನ ಮೇಲಲ್ಲ. ಸನಾತನಿಗಳಲ್ಲಿ ನಾಯಿ “ಚೂ ಚೂ”!

ಹೀಗೆ ಸ್ಲೇವರಿ ಪುರಾಣ.