Thread by @jagatmindri

1/nಸತಿ ಸಹಗಮನ ಪದ್ಧತಿ ಮತ್ತು ಪುರೋಹಿತಶಾಹಿ ಇಂಡೊಲೊಜಿ ಪ್ರಾಪಗಾಂಡ.

ಸತಿ ಪದ್ಧತಿ ಅನ್ನುವುದು ಈ ಮಣ್ಣಿನ ಅತಿಕ್ರೂರ ಪದ್ಧತಿಗಳಲ್ಲಿ ಒಂದು. ಹಿಂದೆ ಇತ್ತು ಈಗ ಇಲ್ಲ ಅನ್ನುವ ಮಾತು ಇತ್ತೀಚಿನ ವರ್ಷಗಳವರೆಗೆ ಕೇಳಿಬರ್ತಾ ಇತ್ತು. ಆಮೇಲೆ ಶುರು ಆಗಿದ್ದು ಹೊಸ ವಾದ.

2/n“ಹೌದು ಈ ದುಷ್ಟ ಪದ್ಧತಿ ಇಲ್ಲಿ ಇತ್ತು ಆದರೆ ಇದು ನಮ್ಮ ಸನಾತನ ಧರ್ಮದ ಭಾಗ ಅಲ್ಲ, ಇದು ಬಂದಿದ್ದು ಸಾಬರಿಂದ. ಸಾಬ್ರ ಅತ್ಯಾಚಾರಗಳಿಂದ ನಮ್ಮ ಮಾನ ಉಳಿಸಿಕೊಳ್ಳಲು ಬೇರೆ ವಿಧಿ ಇಲ್ಲದೆ ಇದನ್ನು ಮಾಡ್ಬೇಕಾಗಿ ಬಂತು. ಇಲ್ಲ ಅಂದ್ರೆ ಸಾಬ್ರು ಗಂಡ ಸತ್ತ ವಿಧವೆಯರನ್ನು ರೇಪ್ ಮಾಡಿ ಬಲವಂತವಾಗಿ ತಮ್ಮ ಜನಾನ ಗೆ ಸೇರಿಸಿಕೊಳ್ತಾ ಇದ್ರು.

3/nಹಾಗಾಗಿ ಸತಿ ಕೂಡ ಮುಸ್ಲಿಮರ ಕೊಡುಗೆ, ಈ ಮಣ್ಣಿನದ್ದು ಅಲ್ಲ ಅಂತ ಹೊಸ ಇಂಡೊಲೊಜಿ ಲಾಯರ್ ಗಳ ವಾದ.
ಹೌದು ಮುಸ್ಲಿಂ ದಾಳಿಕೋರರು ಲೂಟಿ ಅತ್ಯಾಚಾರ ಎಲ್ಲ ಮಾಡಿದ್ದು ಹೌದು. ಅಫ್ಘಾನ್ ದಂಡುಕೋರರೇ ಹಾಗೆ. ಮಂಗೋಲ್ ಜೇಂಗಿಸ್ ಖಾನ್ ಕೂಡ ಹೀಗೆಯೇ ಇದ್ದಿದ್ದು, ಹೂಣರು ಅದೇ ಮಾಡಿದ್ದು, ಕ್ರುಸೇಡರು ಕೂಡ. ನಮ್ಮಲ್ಲಿ ಏನೂ ಕಮ್ಮಿ ಇಲ್ಲ.

4/nಮರಾಠರ ಶೃಂಗೇರಿ ಮಠದ ದಾಳಿಯಲ್ಲಿ ಅದೆಷ್ಟು ಹೆಣ್ಣು ಮಕ್ಕಳ ಮಾನ ಪ್ರಾಣ ಸೂರೆ ಆಗಿತ್ತು ಅನ್ನುವುದು ಲೆಕ್ಕಕ್ಕೆ ಸಿಕ್ಕಿಲ್ಲ.
ಇದಕ್ಕೆ ಕಾರಣ ಇದೆ. ಯುದ್ಧ ಅನ್ನುವುದು ಅತ್ಯಂತ ದುಭಾರಿ. ಅದೆಷ್ಟೇ ದೇಶ ಭಕ್ತಿ ಇದ್ದರೂ ಯುದ್ಧ ಮಾಡಲು ಸೈನಿಕನಿಗೆ ಭಕ್ತಿ ಮಾತ್ರ ಸಾಲದು. ಅವನಿಗೆ “ಪೇಮೆಂಟ್” ಕೊಡಲೇ ಬೇಕು.

5/nಸಂಬಳ ಇಲ್ಲದೆ ಯಾವನೂ ಬಿಟ್ಟಿಯಾಗಿ ಪ್ರಾಣ ಕೊಡುವುದಿಲ್ಲ.
ಉದಾಹರಣೆಗೆ ಕಾನ್ಸ್ಟ್ಯಾಂಟಿನೋಪಲ್ ಅನ್ನು ಮೆಹಮದ್ ವಶಪಡಿಸಿಕೊಳ್ಳುವ ಯುದ್ಧದಲ್ಲಿ ಅವತ್ತಿನ ರೋಮನ್ ಸೀಸರ್ ಕಾನ್ಸ್ಟಂಟೈನ್ ಸೋಲಲು ಕಾರಣ ಅವನ ಬೊಕ್ಕಸ ಬರಿದಾಗಿದ್ದು. ಅವತ್ತು ಸೀಸರ್ ಪರ ಹೋರಾಡುತ್ತಿದ್ದ ಯುರೋಪ್ ನ ವೀರಾಧಿವೀರ ಜಿವಾನಿ ಜೆಸ್ಟಿನ್ಯಾನಿ ಕೂಡ

6/nಒಬ್ಬ ಮರ್ಸಿನರಿ ಆಗಿದ್ದ ಅಂದ್ರೆ ಅವನು ಒಬ್ಬ ಬಾಡಿಗೆ ಯೋಧ. ಸೀಸರ್ ನ ಹಣ ಖಾಲಿಯಾದಾಗ ಜಿವಾನಿ ಕಡೆಯ ಯೋಧರು ಯುದ್ಧರಂಗವನ್ನು ಬಿಡುತ್ತಾರೆ. ಮೆಹಮದ್ ಇನ್ನೊಂದು ಕಡೆ ತನ್ನ ಬೊಕ್ಕಸವನ್ನು ಚೆನ್ನಾಗಿ ತುಂಬಿಸಿಟ್ಟುಕೊಂಡಿರುತ್ತಾನೆ. ಕೊನೆಗೆ ಕಾನ್ಸ್ಟಂಟೈನ್ ಒಟ್ಟೋಮನ್ ಪಾಲಾಗುತ್ತೆ.
ಇದು ಹಣ ಇರುವ ಕಥೆ ಆಯಿತು.
ಹಣ ಇಲ್ಲ ಅಂದ್ರೆ?

7/nಆಗ ದಾಳಿಕೋರರು ಉಪಯೋಗಿಸುವುದು ಇನ್ನೊಂದು ತಂತ್ರ. ಇಲ್ಲಿ ಯೋಧರಿಗೆ ಅವರೊಂದು ಪ್ರಮಾಣ ಮಾಡುತ್ತಾರೆ “ಗೆದ್ದ ಜಾಗದ ಹೆಣ್ಣು, ಹೊನ್ನು, ಮಣ್ಣು ನಿಮಗೆ” ಇದನ್ನೇ ಮರಾಠರ ಪುರುಷೋತ್ತಮ ರಾವ್ ಪಿಂಡಾರಿಗಳಿಗೆ ಪ್ರಮಾಣ ಮಾಡಿರುತ್ತಾನೆ. ಶ್ರೀರಂಗಪಟ್ಟಣದ ದಾಳಿಯ ಮುಂಚೆ. ಅದರ ಪರಿಣಾಮವೇ ಶೃಂಗೇರಿಯ ಅತ್ಯಾಚಾರ.

8/nಎರಡನೇ ಮಹಾಯುದ್ಧದಲ್ಲಿ ಸ್ಟಾಲಿನ್ ಕೈಲಿ ಸೈನಿಕರಿಗೆ ಕೊಡಲು ಕಾಸಿರಲಿಲ್ಲ, ಹಾಗಾಗಿ ಇದೆ “ಹೆಣ್ಣು ಹೊನ್ನು ಮಣ್ಣಿನ “ ಪ್ರಾಮಿಸ್ ಮಾಡ್ತಾನೆ. ಅದರ ಪರಿಣಾಮವೇ ೪೫ರ ರೇಪ್ ಆಫ್ ಬರ್ಲಿನ್. ಘಜನಿ ಘೋರಿ ಯು ಇದನ್ನೇ ಉಪಯೋಗಿಸುತ್ತಾರೆ.

ಆದ್ರೆ ಇದಕ್ಕೂ ಸತಿಗೂ ಯಾವುದೇ ಸಂಬಂಧ ಇಲ್ಲ. ನಮ್ಮಲ್ಲಿ ಸತಿ ಪದ್ಧತಿಯ ಉಲ್ಲೇಖ

9/nಇಸ್ಲಾಂ ಧರ್ಮ ಹುಟ್ಟುವುದಕ್ಕಿಂತ ಮುಂಚೆಯೇ ಇದೆ ಅಂದ್ರೆ ನಿಮಗೆ ಆಶ್ಚರ್ಯ ಆಗಬಹುದು.
ಗರುಡ ಪುರಾಣ, ಸನಾತನ ಧರ್ಮದಲ್ಲಿ ಬರುವ ಪ್ರಮುಖ ಗ್ರಂಥ. ಇಲ್ಲಿ ಮನುಷ್ಯನ ಬದುಕು ಮತ್ತು ಅವನು ಸತ್ತ ಮೇಲೆ ಏನಾಗುತ್ತೆ ಅನ್ನುವ ವಿವರಣೆ ಇದೆ. ಪಾಪ ಪುಣ್ಯಗಳ ವ್ಯಖ್ಯಾನ ಇದೆ. ಇಲ್ಲಿ ಬರುವ ಒಂದು ಅಂಶ ಅಂದ್ರೆ ಸ್ತ್ರೀಯರ ಬಗ್ಗೆ ಹೇಳಿರುವುದು.

10/nಗರುಡ ಪುರಾಣದ ಪ್ರಕಾರ ಸ್ತ್ರಿಯಾಗಿ ಜನ್ಮ ಪಡೆಯುವುದೇ ಪೂರ್ವ ಜನ್ಮದ ಪಾಪದ ಫಲ. ಅರ್ತಾತ್ ನೀವು ಹಿಂದಿನ ಜನ್ಮದಲ್ಲಿ ಎಸಗಿದ ಪಾಪಕ್ಕೆ ನಿಮಗೆ ಸ್ತ್ರೀ ಜನ್ಮ ಸಿಕ್ಕಿರುವುದು. ಅಂದ್ರೆ ಸ್ತ್ರಿಯಾಗಿ ಹುಟ್ಟುವುದೇ ಪಾಪ.
ಅಂತೆಯೇ ಗರುಡ ಪುರಾಣದಲ್ಲಿ ಮೋಕ್ಷದ ಉಲ್ಲೇಖ ಇದೆ. ಮೋಕ್ಶ ಅಂದ್ರೆ ಜನ್ಮ ಸಾವು ಪುನರ್ಜನ್ಮ ಎನ್ನುವ ಚಕ್ರದಿಂದ ಮುಕ್ತಿ.

11/n ಈ ಮೋಕ್ಷಕ್ಕೆ ಅನೇಕ ದಾರಿಗಳನ್ನು ಗರುಡ ಪುರಾಣ ಸೂಚಿಸುತ್ತದೆ. ಅದರಲ್ಲಿ ಒಂದು “ಯಾವ ಸ್ತ್ರೀಯು ತನ್ನ ಮೃತ ಗಂಡನ ತಲೆಯನ್ನು ತನ್ನ ತೊಡೆಯ ಮೇಲಿಟ್ಟು ಅಗ್ನಿಗೆ ತನ್ನನ್ನು ಸಮರ್ಪಿಸಿಕೊಳ್ಳುತ್ತಾಳೋ ಆಕೆ ಯಾವುದೇ ಪಾಪ ಮಾಡಿದ್ದರೂ ಕೂಡ ಆಕೆಗೆ ನೇರ ಮೋಕ್ಷ ಪ್ರಾಪ್ತಿಯಾಗುತ್ತದೆ”
ಗರುಡ ಪುರಾಣವನ್ನು ಪೂರ್ತಿ ಅವಲೋಕಿಸಿದರೆ ಸ್ತ್ರೀಯರಿಗೆ

12/nಮೋಕ್ಷದ ದಾರಿಗಳು ತುಂಬಾ ಕಮ್ಮಿ ಹಾಗೂ ಕ್ಲಿಷ್ಟಕರ, “ಪತಿಯ ಶವದೊಂದಿಗೆ ಚಿತೆಯೇರುವುದೇ ದಾರಿ” ಅನ್ನುವ ರೀತಿ ಇದೆ.
ಇದು ಸನಾತನ ಧರ್ಮದಲ್ಲಿ ಬರುವ ಸತಿ!
ಇನ್ನು ಇದೇ ಮಣ್ಣಿನ ಇನ್ನೊಂದು ಧರ್ಮ ಜೈನ ಧರ್ಮ. ಇಲ್ಲಿ ಕೂಡ ಮಹಾಸತಿ ಕಲ್ಲು, ಮಾಸ್ತಿ ಕಲ್ಲು ಅಂತ ಅನೇಕ ಸ್ಮಾರಕ ಕಲ್ಲುಗಳು ಮಲೆನಾಡು ಕರಾವಳಿ ಭಾಗದಲ್ಲಿ ಕಾಣುತ್ತವೆ.

13/nಇವು ಪತಿಗಾಗಿ (ಕೆಲವೊಮ್ಮೆ ರಾಜ್ಯಕ್ಕಾಗಿ) ಪ್ರಾಣಾಹುತಿ ಮಾಡಿದ ಪತಿವ್ರತೆಯ ನೆನಪಿಗೆ ನೆಟ್ಟ ಕಲ್ಲುಗಳು. ಇವು ಕೂಡ ಇಸ್ಲಾಂ ಹುಟ್ಟುವುದಕ್ಕಿಂತ ಮುಂಚೆ ಇದ್ದವುಗಳು.
ತನ್ನ ಪತಿ ಈಶ್ವರನಿಗೆ ತನ್ನಪ್ಪ ದಕ್ಷಬ್ರಹ್ಮ ಮಾಡಿದ ಅವಮಾನಕ್ಕೆ ರೋಷಗೊಂಡು ಯಜ್ಞಕುಂಡಕ್ಕೆ ತನ್ನನ್ನೇ ಆಹುತಿ ಮಾಡಿಕೊಂಡ ಸತಿ ದೇವಿಯ ಬಗ್ಗೆ ನಿಮಗೆ ಗೊತ್ತು.

14/nಇಷ್ಟೆಲ್ಲಾ ಹೇಳುವ ಉದ್ದೇಶ ಇಷ್ಟೇ. ನಮ್ಮಲ್ಲಿನ ಹುಳುಕುಗಳನ್ನು ಒಪ್ಪದೇ ಅದನ್ನು ಬೇರೆಯವರ ತಲೆಗೆ ಹಚ್ಚಿ ನಮ್ಮದೇ ಗ್ರೇಟೆಸ್ಟ್, ನಮ್ದೇ ವಿಶ್ವಗುರು, ನಮ್ಮಲ್ಲಿ ಎಲ್ಲವೂ ಸರಿ ಅನ್ನುವ ಆಧುನಿಕ ಕೇಸರಿ ಇಂಡೊಲೊಜಿ ಅವ್ರ ಪ್ರಾಪಗಾಂಡವನ್ನು ಬಯಲು ಮಾಡುವ ಅಂತ.

n/nಒಂದು ಸಂಸ್ಕೃತಿ ವಿಕಾಸ ಆಗುವುದು ಕಾಲಕ್ಕೆ ಸರಿಯಾಗಿ ತನ್ನಲ್ಲಿ ಆಗಿದ್ದ ತಪ್ಪುಗಳನ್ನು ಒಪ್ಪಿ, ತಿದ್ದಿಕೊಂಡು ಮುಂದೆ ಹೋಗುವುದು ಮತ್ತು ಆ ತಪ್ಪು ನಮ್ಮಲ್ಲಿ ಇತ್ತು ಅನ್ನುವುದನ್ನು ಒಪ್ಪುವುದು. ಅದರ ಬದಲು ನಮ್ಮಲ್ಲಿ ಎಲ್ಲವು ಸರಿ ಇತ್ತು, ಸರಿ ಇದೆ, ಸರಿಯಾಗಿಯೇ ಇರುತ್ತೆ ಅನ್ನುವುದು ಮೂರ್ಖತನದ ಪರಮಾವಧಿ.