ఈరోజు మనం వ్యక్తిత్వ లోపాల గురించి తెలుసుకుందాం , వీటినే పర్సనాలిటీ డిసార్డర్స్ అంటారు . అంటే ఒక వ్యక్తి స్వాభావిక ప్రవర్తన అక్కడి కాల మాన పరిస్థితుల కు అనుకూలంగా కాకుండా దీర్ఘకాలం పాటు వారు ఇతరులతో మసలుకునే తీరులో తీవ్రమైన ఇబ్బందులు ఉండటం. ఈ ఇబ్బంది వారికి కానీ లేదా వారి +
చుట్టూ ఉన్నవారికి కానీ. వీటిలో చాలా రకాలు ఉన్నాయి. ఉదాహరణకి అబ్సెసివ్ పర్సనాలిటీ దీనినే చాదస్తం అనొచ్చు. అలాగే పారనాయిడ్ - అనుమానం జాస్తి , ఎమోషనల్లీ అన్ స్టేబుల్ - భావోద్వేగాలను నియంత్రించ లేకపోవటం ఇలా చెప్తూ పోతే ఒక పది పన్నెండు ఉన్నాయి. వీటిలో ఒకరిలోనే రెండు మూడు రకాలు
కలిసి ఉండొచ్చు . అందుకనే ఈ మధ్య ఈ పేర్లన్నీ తీసేసి కేవలం వ్యక్తిత్వ లోపం అని ఒక్కటే ఉంచారు. ఇవి ఇంతవరకు చేసిన అధ్యయనాల ప్రకారం ప్రతి ఐదుగురిలో ఒకరికి ఉంటుంది అని తేలింది అయితే వీటి తీవ్రతతో తేడా ఉండటం వలన అందరూ మనకు కనిపించరు. ఈ లోపాలు అనేవి స్వల్ప స్థాయి నుంచి తీవ్ర స్థాయి వరకు
ఉండొచ్చు.ఇవి ఉన్నవాళ్ళు వాళ్ళ జీవితాన్ని ఇంకావాళ్ళతో ఉన్న వాళ్ళ జీవితాన్ని దుర్భరం చేస్తూ ఉంటారు. అసలు వాళ్లలో అదొక లోపం అని వాళ్ళకి తెలీదు పైగా వాళ్ళతో ఉన్నవాళ్లు కూడా ఇవి సమాజంలో చాలా సాధారణం అయి ఉండటం మూలానా ఇదొక లోపం అని గుర్తించరు.పైగా చాలా మంది మీకు పెర్సొనాలిటీ డిసార్డర్
అని ఉంది అని చెప్పినా ఒప్పుకోరు , అందువలన వీరికి వైద్యం కష్టం , ఒకవేళ చేసినా కూడా ఫలితం ఆశించినంత ఉండక పోవచ్చు. కానీ స్వచ్చందంగా ముందుకు వచ్చి వైద్యం తీసుకునే వాళ్లలో ఫలితం ఉంటుంది. అంటే ఉదాహరణకి వీరి ప్రవర్తన వలన వీరితో ఉన్న భార్య లేదా భర్త విడిచిపెట్టినపుడు వీళ్ళకి దిగులు వచ్చి
మానసిక వైద్యుడ్ని కలిసి నపుడు దిగులుతో పాటు వీరికి వ్యక్తిత్వ లోపం కూడా ఉందని వైద్యుడు చెప్పినపుడు వైద్యానికి అంగీకరిస్తారు. అయితే ఈ డిసార్డర్స్ గురించి ఎందుకు తెలుసుకోవాలి ? మనలను మనం రక్షించుకునేందుకు అలాగే ఈ విధమైన డిసార్డర్ ఉన్నవాళ్ళకి సహాయ పడేందుకు. ఈ డిసార్డర్ ఉన్నవాళ్లు
మన కుటుంబంలోనో , మన యజమాని గానో లేదా మనల్ని పరిపాలించే రాజకీయ నాయకులు గానో ఉండొచ్చు . అటువంటి వారిని గుర్తించి సహాయపడటం, వీలు కాదు అనుకున్నప్పుడు దూరంగా ఉండటం చాలా అవసరం . వీరితో ఒకసారి బంధం ఏర్పరుచుకున్నాక విడిపోవటం చాలా కష్టం అందువలన గృహహింస అనుభవిస్తున్నవాళ్ళు ఎందరో .
అయితే అన్ని పర్సనాలిటీ డిసార్డర్స్ ప్రమాదకరం కావు కానీ కొన్ని ఉదాహరణకి నార్సిస్టిక్ మరియు యాంటీ సోషల్ పేరాసనాలిటీ డిసార్డర్స్ ప్రమాదకరం . అంతర్జాతీయ అధ్యయనాల ప్రకారం జైళ్లలో శిక్ష అనుభవిస్తున్న వాళ్లలో ఈ డిసార్డర్స్ అధికం . వీటి గురించి ఇంకా వివరంగా మరో తీగలో రాస్తాను .
చెప్పటానికి ఎంతో ఉంది వీటి గురించి కానీ సమయాభావం వలన కుదరటం లేదు . సందేహాలు ఉంటే అడగండి వీలు చూసుకుని బదులిస్తాను .
• • •
Missing some Tweet in this thread? You can try to
force a refresh
