నేను ఎంబీబీస్ చదివే రోజుల్లో ఉస్మానియా వైద్య కళాశాలలో ఎంబీబీస్ చదివిన డా అనంత రామ్ రాష్ట్ర పీజీ ప్రవేశ పరీక్షలో ఒకటో ర్యాంక్ సాధించారు . ఈయన స్వయానా మన వీ వీ ఎస్ లక్ష్మణ్ గారికి బావమరిది . ఆయనకు రేడియాలజీ పీజీ చెయ్యాలని ఉండేది. అయితే ఆ సీట్లు చాలా తక్కువ,ఉమ్మడి ఆంధ్ర ప్రదేశ్ లో +
మొత్తం మూడో నాలుగో సీట్లు ఉండేవి. అయన లోకల్ ఏరియా ఒస్మానియా కాబట్టి అక్కడే సీట్ తీసుకోవాలి ,అయితే రోస్టర్ సిస్టం మూలానా ఉన్న ఒక్క సీటు కూడా ఒక రిసర్వుడు వర్గానికి కేటాయించారు . ఎలా చూసినా ఆయనకి ఆ సీట్ రాదు. దాంతో ఆయన చాలా బాధ పడి హై కోర్టుకి వెళ్లారు .+
అక్కడ ఆయన "నేను రేడియాలజీ చదవాలంటే ఒకటో ర్యాంక్ ని మించి ఇంకేదైనా ర్యాంక్ ఉంటే చెప్పండి అది సాధిస్తాను "అని వాదించారు , చేసేది లేక కోర్టు ఒకటో ర్యాంక్ వచ్చిన వ్యక్తి ఏ సీటు కోరుకుంటే అదివ్వాలని ,రోస్టర్ వ్యవస్థ రెండో ర్యాంక్ నుంచి అమలు పరచాలని తీర్పు ఇచ్చింది .
అదేవిధంగా విశ్వవిద్యాలయం వారు ఆ తీర్పు ప్రకారం మళ్ళీ కౌన్సెలింగ్ నిర్వహించి ఆయనకి ఆ సీట్ ఇచ్చారు . ఆయనక్కడ చదివారు. అప్పట్లో అదొక సంచలనం. ఆ తర్వాత నేను ఎంబీబీస్ పూర్తి చేసి పీజీ కోసం చేసిన సవాలక్ష ప్రయత్నాల్లో ఒక రెండిటి గురించి చెప్తాను .
వెల్లూరు లోని క్రిస్టియన్ వైద్య కళాశాల నిర్వహించిన పీజీ ప్రవేశ పరీక్షలో నేను ప్రతిభ కనబరిచానని వాళ్ళు ముఖపరీక్ష కి పిలిచారు ,తీరా అక్కడికి వెళ్లి చుస్తే రెండు సీట్లకు గాను పద్దెనిమిది మందిని పిలిచారు అందులో ఒక సీటు అక్కడే చదివిన వారికి రిసర్వుడు , మిగిలిన సీటు కూడా వాళ్ళ వారికే+
ఇచ్చుకున్నారు, ( ఆ సీటు పొందినతను నాకంటే అర్హుడు అయ్యుండొచ్చు -ఇది కాదనలేని విషయం ). ఆ తరువాత మరో రెండు నెలలకి నిమ్స్ హైదరాబాద్ వారు న్యూరోసర్జరి విభాగానికి పెట్టిన ప్రవేశ పరీక్షలో నాకు మూడో ర్యాంక్ వచ్చింది . ఉన్నవి మూడు సీట్లు అందులో ఒకటి రిసర్వుడు . రెండో ర్యాంక్ వచ్చినతను
వైద్య కళాశాలలో నాకు సీనియర్ . ఆయనకి అప్పటికే నిమ్స్ లోనే జనరల్ మెడిసిన్ సీట్ వచ్చింది ,చేరాడు కూడా . అయితే అప్పటి రాష్ట్ర ప్రభుత్వం కొత్తగా మరో ఐదు శాతం రిజర్వేషన్ ఒక వర్గానికి ఇవ్వటం వలన ఈయనకి ఇచ్చిన సీటు లాగేసుకుని వేరొకరికి ఇచ్చారు , దాంతో అతను నాతో పాటు మళ్ళీ పరీక్ష రాసి +
ఈ రెండో ర్యాంక్ సాధించి నా ముందు ఉండి ఆయన రెండో సీట్ తీసుకున్నాడు . దాంతో మూడు సీట్లు ఉండి మూడో ర్యాంక్ వచ్చినా నాకు సీట్ రాలేదు . అప్పట్లో పెద్ద విద్యా సంస్థలు అయిన ఎయిమ్స్ , జిప్మెర్ , పిజిఐ లాంటి పేరొందిన వాటిలో జనరల్ మెడిసిన్ చదవాలని ఒక వైపు ఉండేది . వాటిలో ఆ సీట్లు దాదాపు
పది దాకా ఉన్నప్పటికీ రిజర్వేషన్స్ వలన రెండో ర్యాంకు లేదా మూడో ర్యాంక్ వస్తే గానీ చేరలేని పరిస్థితి . నాకప్పుడు అర్ధం అయింది ఏంటంటే అనంత రామ్ లా కొడితే కుంభస్థలమే కొట్టాలి అని . మళ్ళీ మరో మూడు నెలలకి మానసిక వైద్యంలో ప్రపంచ ప్రఖ్యాతి గాంచిన నిమ్హాన్స్ వారు నిర్వహించిన పరీక్షలో
దేశవ్యాప్తంగా పోస్ట్ ఎంబీబీస్ లో ఒకటో రాంక్ సాధించాను . ఈ వార్త నా స్నేహితుడు నాకు ఫోన్ చేసి చెప్పగానే బెంగళూరు ఎలక్ట్రానిక్ సిటీ కాలనీ రోడ్డు మీద గెంతాను ,అప్పుడు సెల్ల్ఫోన్ కూడా బురదలో పడింది . ఆ తర్వాత నేను నిమ్హాన్స్ లో పిజి చేరిన తరువాత డా అనంత రామ్ ని అక్కడ కలిసాను .+
అప్పటికే ఆయన పిజి రేడియాలజీ ఉస్మానియా లో పూర్తి చేసి సూపర్ స్పెషాలిటీ న్యూరో రేడియాలజీ చదవటం కోసం నాతో పాటే చేరారు . అప్పుడు కూడా ఆయన దేశ వ్యాప్తంగా రేడియాలజీ విభాగంలో ఒకటో రాంక్ సాధించారు . అప్పుడు న్యూరో రేడియాలజీ లో ఉన్నవి రెండే సీట్లు అందులో ఒకటి రిసర్వుడు . అంతా యాదృచ్చికం +
ఎండీ చదివిన తరువాత ఆంధ్రప్రదేశ్ ప్రభుత్వానికి రెండు సార్లు ఉద్యోగానికి దరఖాస్తు చేసుకున్నాను , ఈసారి ప్రవేశ పరీక్ష లేదు. అయితే రిసర్వేషన్ల వలన ఉన్న తక్కువ ఉద్యోగాల్లో నాకు ఒకటి రావటం గగనం అయింది. నాకంటే పీజీ పరీక్షల్లో ఎక్కువ ర్యాంక్ వచ్చిన వారు , తక్కువ స్థాయి విద్యా సంస్థల్లో
చదివిన వారికి అసిస్టెంట్ ప్రొఫెసర్ ఉద్యోగాలు వచ్చాయి. ఆ తరువాత ఆస్ట్రేలియా కి దరఖాస్తు చేసుకుంటే వారు ముఖపరీక్ష చేసి నాకు రిజిస్ట్రార్ ఉద్యోగం ఇచ్చారు. ఇక్కడ ఆ ఉద్యోగం చేస్తూ చదువుకుని పరీక్షలు రాసి ఇక్కడి మానసిక వైద్యంలో ఫెలోషిప్ సాధించాను.
ఆ తర్వాత మా ఆసుపత్రి వారు నిర్వహించిన ముఖపరీక్షకు హాజరు అయిన తరువాత వారు నాకు మా ఆసుపత్రిలోనే కన్సల్టెంట్ ఉద్యోగం ఇచ్చారు . ముఖపరీక్ష నిర్వహించిన మా క్లినికల్ సర్వీసెస్ డైరెక్టర్ నాకు తర్వాత ఫోన్ చేసి ముఖపరీక్షకు హాజరు అయిన వైద్యుల్లో నేను ముందున్నానని అందుకని నేను కోరిన చోట
ఉద్యోగం ఇస్తాను అన్నారు. నాకు ఇదొక గొప్ప గుర్తింపు. ఈ సోమవారం నేను ఆ ఉద్యోగంలో చేరుతున్నాను. కొసమెరుపు నేను, నా సీనియర్ ఇద్దరం రిసర్వుడు క్యాటగిరీకి చెందినవాళ్ళం కానీ అవే రిసర్వేషన్ల వలన సీట్లు, ఉద్యోగాలు పొందలేకపోయాం. ఇది విమర్శ కాదు కేవలం నా అనుభవం మాత్రమే.
• • •
Missing some Tweet in this thread? You can try to
force a refresh
Dr Ananthram was an MBBS graduate who secured state 1st rank in AP PG entrance test and he wanted to join Radiology in Osmania medical college, however he was denied that seat because the so called seat was reserved for some category in rostered system.
Distraught Dr Ananthram had filed a case against Dr NTR University of health sciences and voiced his demand -“Is there anything else other than first rank to secure radiology seat in Osmania medical college? If so I am ready to achieve that!”,the court has ruled in favour of him.
The University cancelled the counselling and allocated the seat to Dr Ananthram. This incident happened while I was still studying MBBS. In this background I would like to tell few of my experiences during my PG preparation. I was shortlisted for interview for admission into +
ఈరోజు మనం వ్యక్తిత్వ లోపాల గురించి తెలుసుకుందాం , వీటినే పర్సనాలిటీ డిసార్డర్స్ అంటారు . అంటే ఒక వ్యక్తి స్వాభావిక ప్రవర్తన అక్కడి కాల మాన పరిస్థితుల కు అనుకూలంగా కాకుండా దీర్ఘకాలం పాటు వారు ఇతరులతో మసలుకునే తీరులో తీవ్రమైన ఇబ్బందులు ఉండటం. ఈ ఇబ్బంది వారికి కానీ లేదా వారి +
చుట్టూ ఉన్నవారికి కానీ. వీటిలో చాలా రకాలు ఉన్నాయి. ఉదాహరణకి అబ్సెసివ్ పర్సనాలిటీ దీనినే చాదస్తం అనొచ్చు. అలాగే పారనాయిడ్ - అనుమానం జాస్తి , ఎమోషనల్లీ అన్ స్టేబుల్ - భావోద్వేగాలను నియంత్రించ లేకపోవటం ఇలా చెప్తూ పోతే ఒక పది పన్నెండు ఉన్నాయి. వీటిలో ఒకరిలోనే రెండు మూడు రకాలు
కలిసి ఉండొచ్చు . అందుకనే ఈ మధ్య ఈ పేర్లన్నీ తీసేసి కేవలం వ్యక్తిత్వ లోపం అని ఒక్కటే ఉంచారు. ఇవి ఇంతవరకు చేసిన అధ్యయనాల ప్రకారం ప్రతి ఐదుగురిలో ఒకరికి ఉంటుంది అని తేలింది అయితే వీటి తీవ్రతతో తేడా ఉండటం వలన అందరూ మనకు కనిపించరు. ఈ లోపాలు అనేవి స్వల్ప స్థాయి నుంచి తీవ్ర స్థాయి వరకు
మీకు తెలుసా దిగులు ( depression) వ్యాధి, మధుమేహం (diabetes) కంటే సాధారణ మైన వ్యాధి అని? అలాగే ఇది నూటికి ఎనభై మందిలో నయం అవుతుందని తెలుసా? కొన్ని విషయాలు గమనిద్దాం.
గ్లోబల్ బర్డెన్ ఆఫ్ డిసీజ్ ర్యాంకింగ్స్లో గుండెజబ్బులకు తలదన్ని డిప్రెషన్ మొదటి స్థానంలో ఉంది, అంటే ఒక వ్యాధి ప్రపంచ ప్రజల్ని ఎంత పీడిస్తోంది అన్నదానికి ఒక సూచిక ఇది. అలాగే ఉత్పాదక వయసులో ఉన్నవాళ్ళలో (20-60) రోడ్డుప్రమాదాల తర్వాత అత్యధిక మరణాలు ఆత్మహత్యల వలన జరుగుతున్నాయి.
డిప్రెషన్ లో స్వల్ప స్థాయి/తీవ్ర స్థాయి అని రెండు రకాలు ఉంటాయి. ప్రతీ రోగికి ఉండే లక్షణాల తీవ్రతని బట్టి ఇది ఉంటుంది.దీనికి వైద్యం మూడు రకాలు. 1. కౌన్సిలింగ్ 2. మందులు 3. జీవనవిధానంలో మార్పులు 4. ECT- ఎలక్ట్రో కన్స్వుల్సివ్ థెరపీ ( షాక్ ట్రీట్మెంట్)-ప్రాణాపాయ స్థితిలో ఉన్నప్పుడు.
స్కిజోఫ్రీనియా అవగాహన వారం.
ఇదొక మానసిక వ్యాధి. వెయ్యి మందిలో ఒకరిద్దరి కి వస్తుంది. కాబట్టి చాలా సాధారణమైన వ్యాధి. చికిత్సతో దాదాపు డెబ్భై శాతం మంది కోలుకుని బాగవుతారు. వ్యాధిని ఎంత ముందుగా కనిపెట్టి వైద్యం చేస్తే అంత బాగయ్యే అవకాశం ఉంది. దీనికి ఇదే కారణం అంటూ ఏమీ లేదు.
వంశపారంపర్యం,తల్లికి గర్భంతో ఉన్నప్పుడు పౌష్టికాహార లోపం, వైరల్ ఇన్ఫక్షన్లు, నెలలు నిండక ముందే పుట్టడం, కాన్పు కష్టమయి బిడ్డకి ఆక్సిజన్ అందకపోవడం, జన్యు లోపాలు, తలకి గాయం అవటం, హార్మోన్లు హెచ్చు తగ్గులు, చిన్నవయసులో లైంగిక పరమైన , శారీరక పరమైన దాడికి గురవటం ఇలా చాలా మటుకు విషయాలు
స్కిజో ఫ్రీనియా రావటానికి దారి తీస్తాయి. అలాగే మూర్ఛ రోగం, గంజాయి, కొకైన్, మద్యం మొదలైనవి కూడా. ఈ వ్యాధి సాధారణంగా 15-25 ఏళ్ల మధ్య మొదలవుతుంది. ముఖ్య లక్షణాలు భయం, అనుమానం, ఒంటరిగా ఉన్నప్పుడు మాటలు వినిపించడం, శుభ్రంగా ఉండకపోవటం, మతిమరుపు, అసందర్భంగా మాట్లాడటం, నిరాసక్తి, దిగులు
శ్రేయస్సు కోసం ఐదు మార్గాలు. 1. చురుకుగా ఉండండి 2. కొత్తవి నేర్చుకోండి 3. సాయం చేయండి 4. కలుపుగోరుగా ఉండండి 5. పరిసరాలను గమనించండి
బ్రిటిష్ జర్నల్ ఆఫ్ సైకియాట్రీ లో ప్రచురితమైన ఒక వ్యాసంలో వీటి గురించి వివరంగా చర్చించారు. ఆస్ట్రేలియా లో వీటిని జనబాహుళ్యంలో కి తీసుకురావటానికి
ప్రత్యేక బడ్జెట్ కేటాయించారు. ఇవి చాలా సులభంగా అందరూ పాటించదగినవి. వీటివలన మానసిక, శారీరక ఆరోగ్యం మెరుగుపడుతుంది అని నిరూపితం అయింది. వీటిని ఆంగ్లంలో ఫైవ్ వేస్ ఆఫ్ వెల్ బీయింగ్ అంటారు.
1. చురుకుగా ఉండటం - అంటే శారీరక శ్రమ కలిగిన, ఏదైనా ఉల్లాసవంతమైన పని చెయ్యటం. ఉదాహరణకు స్నేహితులతో ఆడటం, వ్యాహ్యాళికి వెళ్ళటం. పిల్లలతో బయట ఆడటం. వ్యాయామం చెయ్యటం. వీటివలన విటమిన్ డి స్థాయి పెరగటం, ఎముకలు దృఢం అవ్వటం, మనసు తేలిక పడటం మొదలైన లాభాలు ఉన్నాయి.
డేల్యుజనల్ డిజార్డర్ - ఒక వ్యక్తి బలీయమైన,దుర్భేద్యమైన ఒక అపనమ్మకం పెంపొందించుకుని,ఆ నమ్మకం దృష్ట్యా ప్రవర్తించటం.ఇదొక మానసిక వ్యాధి. దీనికి వైద్యం ఉంది.ఉదాహరణకి,సాధారణంగా అనుమానం జబ్బు కొంతమందికి ఉంటుంది.భార్య ఏతప్పూ చేయనప్పుడుకూడా ఎటువంటి ఆధారం లేకుండా అనుమానించే భర్తలు ఉంటారు.
వీళ్ళు భార్య సెల్ ఫోన్లో నంబర్లను, సందేశాలను అనుమతి లేకుండా చూడడం, వెంబడించటం, నిఘా పెట్టించటం, నిజం చెప్పమని నిలదీయటం, మరీ మితి మీరితే హింసించడం, చివరకు హతమార్చడం జరుగుతుంది. ఆల్కహాల్ కి అలవాటు పడ్డవారిలో ఇది కొంచెం ఎక్కువ. దీనినే ఒథెల్లో సిండ్రోమ్ అని కూడా అంటారు.
వీరికి ఎన్ని రకాలుగా నచ్చజెప్పినా వారి అపనమ్మకం గానీ, అనుమానం గానీ మార్చుకోరు. ఈ మానసిక వ్యాధి రావటానికి చదువు, స్థాయి, డబ్బు, ఉద్యోగం ఏవీ అడ్డంకి కావు. ఎవరికైనా రావచ్చు. ఒంటరి జీవితం, అభద్రతా భావం, ఆత్మన్యూనత మొదలైనవి కారణాలు కాకపోయినా అవి ఈ జబ్బు కి దోహద పడొచ్చు.