Thread by @Motabhaigujratw

मराठी मुलांची तुलना योग्य आहे का ?

नीरज चोप्रा (२३) रवी दहिया (२३)
दीपक पुनिया (२२) लव्हलीना बोर्गोहेन (२३)

ऑलिम्पिकमधील या पदक विजेत्या आणि चांगला खेळ करणाऱ्या एथलिट्सची तुलना आपल्या मराठी मुलांसोबत केली जात आहे.याशिवाय ते या वयात नेत्यांसाठी घाम गाळतात, त्यांच्या प्रचारासाठी

गावभर फिरतात, जर कोणी चांगला खेळ केला असता तर आपल्याला मराठी चेहरा पदक विजेता म्हणून पाहायला मिळाला असता, अशा आशयाचा मेसेज सध्या फिरत आहे.

बरं मग प्रवीण जाधव, राही सरनोबत, राहुल आवारे (कॉमनवेल्थ चॅम्पियन), दत्तू भोकनळ, अविनाश साबळे हे सर्व चीनवरून मागवलेले खेळाडू आहेत का ?

महाराष्ट्राच्या मातीत जन्मलेले खेळाडूच आहेत ना ? आता यांच्यापैकी जर कोणी पदक जिंकलं असतं तर "मराठी माणूस, मराठी माणूस" म्हणून तुम्हीच डोक्यावर मिरवलं असतं.

साताऱ्याची ललिता बाबर माहीत आहे का ? २०१५ ची IAAF वर्ल्ड चॅम्पियनशिप आणि २०१६ ची रिओ ऑलिम्पिकमध्ये धावणीच्या ३ हजार मी.

स्टीपलचेस प्रकारात फायनल गाठणारी ती एकमेव भारतीय खेळाडू आहे ! पण कोण ओळखतं तिला ?
वर्ल्ड चॅम्पियनशिपमध्ये सहाव्या मिनिटापर्यंत ती २०-२५ मीटरची लीड घेऊन पळत होती आणि ही फार मोठी गोष्ट आहे. ललिता बाबर माहीत नाही तर कविता राऊत निश्चितच माहीत नसेल !

अजून एक सांगतो, ज्याप्रमाणे

भारतीय सिनेमा विश्व एका मराठी माणसाने उभारलं त्याचप्रमाणे ऑलिम्पिक आणि पॅरालिम्पिक या दोन्ही स्पर्धांमध्ये पहिला पदक पटकावणारा एक मराठी माणूसच होता, हे विसरून कसं चालेल? १९५२च्या हेलसिंकी ऑलिम्पिकमध्ये खाशाबा जाधव भारतासाठी पहिले वैयक्तिक पदक जिंकणारे खेळाडू ठरले आणि १९७२ च्या

हिडेलबर्ग ऑलिम्पिकमध्ये स्वीमर मुरलीकांत पेटकर यांनी सुवर्ण पदक जिंकून ते पॅरालिम्पिकमध्ये पदक पटकावणारे पहिले भारतीय ठरले.मराठी माणूस हा तेव्हाही क्रीडा प्रकारात सर्वोत्कृष्ठ होता आणि आजही आहे. उगाच कसलीही शहानिशा न करता मराठी मुलांचे खच्चीकरण करण्यासाठी असे चुकीचे मेसेज फॉरवर्ड

करू नका. हरियाणा हे खेळाला प्राधान्य देणारे राज्य आहे, पण त्याचं मुळ निर्माण झालं ते आपल्या महाराष्ट्राच्या भूमीत ! आज भारताचे कुस्तीपटू ऑलिम्पिक गाजवत आहेत हे खाशाबा यांना आदर्श मानून आणि वरून भाटी, देवेंद्र झंझरिया या पॅरालिम्पिक चॅम्पियन्ससमोर मुरलीकांत यांची प्रेरणा आहे !

वयाची तुलना मुळात तुच्छ वाटते कारण ऑलिम्पिकमध्ये सर्वात कमी वयाची गोल्ड मेडलिस्ट मार्जोरी गेस्टरिंग ही १३ वर्षांची होती आणि सर्वात वयोवृद्ध ऑस्कर स्वान हे ७२ व्या वर्षी सिल्व्हर जिंकणारे होते. राजकारणात सगळेच राज्य आणि सगळ्या राज्याचे युवा सक्रिय आहेत. त्यामुळे कोणा एका ठराविक

राज्याच्या युवांची तुलना मराठी मुलांशी करून ते खचतील असे चाळे करू नका. प्रोत्साहन द्या, समर्थन द्या. मराठी माणूस सगळ्याच क्षेत्रात मोठा होता आणि नेहमी राहील.

सर्व महाराष्ट्रीय खेळाडूंना शुभेच्छा !