Thread by @truejournalizm

حکومت کے3 سال اور ٹروجرنلزم

جس دن 22سال تک جدوجہد کرنیوالا پاکستان کا بائیسواں وزیراعظم حلف اٹھارہا تھا میں ملکہ کوہسار مری کے مال روڈ پر بیٹھا ٹھنڈے موسم میں گرم کافی کے مزئے لے رہا تھا۔جرنلزم میں ماسٹر ز پروگرام کا پہلا سمسٹر چل رہاتھا۔ہمراہ دوستوں میں سے 1 نےسوال پوچھا تھا👇

کہ مستقبل کے جرنلسٹ صاحب بتایے تبدیلی کا نعرہ کامیاب ہوگا کہ ناکام؟ میں نے عرض کی تھی کہ نعرہ تو کامیاب ہوچکا۔ عوام روائتی سیاست سے تنگ آچکی تھی اس لئے سیٹ خالی تھی۔عمران خان صاحب نے کچھ خامیوں کی فہرست مرتب کی اور عوام کو باور کروا لیا کہ وہ ہی اب ملک کے نجات دہندہ ہیں۔👇

لیکن اصل امتحان اب شروع ہوگا کیونکہ وہ بے لوث سوچ کے حامل آدمی ہیں لیکن مفاد پرست ٹولے کے حصار میں ہیں۔اور یہ ٹولہ انکو کہیں کا نہیں چھوڑئے گا۔ بہتر ہوتا وہ اپنی پارٹی میں شمولیت کی کم از کم قابلیت ماسٹر ڈگر ی رکھتے۔امیدواروں میں سے قابل ترین لوگوں کو ٹکٹ دیتے۔ جو جیت کرانقلابی👇

سوچ کے ساتھ ہر ناممکن کو ممکن کردکھانے کی کوشش کرتے۔بات ابھی جاری تھی کہ دوست میرئے فلسفے سے تنگ آگئے اور میں خاموش ہوگیا۔آج 3سال بعد بھی میں اسی سوچ پر چل رہا ہوں کہ عمران خان بذات خود ٹھیک ہیں لیکن انکی ٹیم انتہائی نالائق ہے۔ وہ بین الاقوامی ساکھ تو بناچکےلیکن قومی ساکھ بری👇

طرح فلاپ ہے۔کیونکہ جسکی جیب میں شام کی روٹی کے پیسے نہیں اسکو کیا لگے کہ ملک میں سیمنٹ کی کھپت تاریخ کی بلند ترین سطح پر ہے؟جسکو 10 تک گنتی نہیں آتی اسکو کیا مطلبکہ ملک میں 2 کروڑ موبائل بن چکے ہیں۔جو انٹرنیٹ کا معنی نہیں جانتا وہ کیسے مان لے کہ پاکستان اگلے چند سال میں آئی ٹی 👇

انڈسٹری کا مرکز بننے جارہا ہے؟جس نے ٹوئٹر والی نیلی چڑیا کو کبھی دیکھاہی نہیں؟اسکو کیا پتہ؟ کہ حکومتی نمائندئے ہر وقت اپنی کامیابیوں کے اعلانات کررہے ہیں۔جو اللہ اکبر کی صدا پر مسجد کی طرف جاتا ہی نہیں اسکو کیا لگے کہ اسکا وزیراعظم دنیا کو باور کروا چکا ہے کہ رحمت اللاعالمین کی👇

حرمت کیا ہے؟کسی مکینک کی مار کھاتا غریب بچہ کیسے سوچے گا؟ کہ ملک میں پہلی مرتبہ امیر اور غریب کا درسی نصاب ایک ہوچکا ہے۔تپتی دھوپ میں بھٹے بیچنے ولا کیا جانے کہ بڑھتی گرمی کی وجہ گلوبل وارمنگ ہے۔اور اسکا وزیراعظم درخت لگانےکی کامیاب مہم کی وجہ سےپوری دنیاکی توجہ کامرکز بن چکاہے👇

ملک کے ہر شہر میں ہر چوراہے پر بھیک مانگنے والا کیا جانے؟ صحت کارڈ، انصاف کارڈکس بلاکے دو نام ہیں۔یہ تووہ طبقہ ہے جو لاعلم ہے اور اپنی ہی دھن میں ایک ہی دائرے میں زندگی گزار رہا ہے۔لیکن کیا پڑھا لکھا مطمن ہے؟ کیا اسکی امیدیں پوری ہوئی ہیں؟ کیونکہ وہ پرامیدتھا کہ الیکشن ریفارمز👇

سے بدمعاشیہ سے جان چھوٹ جائے گی اور ایک پڑھا لکھا اور قابل پاکستانی الیکشن میں حصہ لے سکے گا۔مگر نتیجہ صفر بٹے صفر ہے۔پولیس کلچر کو تبدیل کرنیکی آس پر لاکھوں پاکستانی محسوس کرنے لگے تھےکہ اب وہ 1 فوجی کیطرح ایک کانسٹیبل کوبھی سیلوٹ کرینگے لیکن انکی حسرت ابھی تک امیدمیں ہی قیدہے👇

اور نظام عدل کے تو کیاہی کہنے؟ایک سے بڑھ کر 1 مثال دی جاسکتی ہے کہ ہمارا عدالتی طریقہ کار محض ایک دلدل کےسواکچھ نہیں۔وزیر قانون صاحب کی بس آنیاں جانیاں لگی ہیں۔پرفارمنس ہے کہ کھوکھاتے۔وزارت خزانہ، داخلہ، اطلاعات،پانی وبجلی اور ریلوئے میں بار بار تبدیلی شائد انٹرنیشنل سٹینڈرڈ 👇

9001کے کسی خفیہ کوڈ کے تحت کی جارہی ہے تاکہ کوئی چمتکار ہوجائے لیکن دلی ہنوز در است۔بحرحال تمام وزرائے کرام میں ایک قدر مشترک ہے ہرکوئی ایک ہی بات کہتا ہے کہ یہ بھی وزیراعظم کے وژن کے تحت کیا گیا اور وہ بھی۔جو ایک واضح اشارہ ہے کہ حکومت میں سوائےوزیراعظم کے یا توکوئی قابل موجود👇

ہی نہیں یا پھر جمہوریت کی آڑ میں آمرانہ سوچ نافذالعمل ہے۔اور سب سے بڑا نعرہ کرپشنختم کرنے کے کھیل کے وارئے ہی نیارئے ہیں؟اخبارات، ٹی وی چینلز اور سوشل میڈیا بھرا پڑا ہے۔لیکن ملک پھر بھی عالمی درجہ بندی میں نیچے کی جانب گامزن ہے۔ قصہ مختصر وہ تمام خامیاں اور برائیاں جو ن لیگ اور👇

پیپلز پارٹی میں تھیں،ہیں اور ہمیشہ رہیں گی وہی تمام تحریک انصاف کی حکومت میں ہیں اور ہمیشہ رہیں گی۔ وجہ صاف ظاہر ہے۔اسمبلی میں بیٹھے تمام چہرئے اپنے اپنے علاقے کے بااثر اور قبضہ مافیہ ہیں۔ جب تک یہ پارلیمنٹ میں کسی بھی پارٹی میں کسی بھی روپ میں موجودہیں۔ یہ ملک نہ ترقی کرسکتاہے👇

نہ بدل سکتا ہے۔ تبدیلی کاکوئی بھی نعرہ حقیقت نہیں بن سکتا۔ بلکہ یہ ایک چورن ہی رہیگا جسیبچے شوق سے کھاتے ہیں اور پھر وہی بچے بڑئے ہوکر اپنے بچوں کو کھانے سے منع کرتے ہیں مگر دکاندار یہ چورن پھر بھی لیکر آتے ہیں کیونکہ وہ جانتے ہیں چورن بکتا ہے اور بکتا رہے گا۔اورجب تک چورن 👇

بکتا رہے گا عوام بیچاری مہنگائی، بیروزگاری،غربت اور ناانصافی کی چکی میں پستی ہی رہے گی۔۔۔!!!

#ٹروبلاگ