Thread by @bharath_kiddo

நீட் தேர்வு குறித்த ஏ.கே. ராஜன் குழுவின் அறிக்கையை பற்றி விரிவாக குறிப்பிட வேண்டிய நேரம் இது. சோ ஜூஸ் ட்வீட் போடுறவங்க சனி ஞாயிறா பாத்து போடுங்க. அதை விட முக்கியமாக பேச வேண்டிய அறிக்கை இது. முடிஞ்சா இதையும் அதே டேக்ல ஓட்டுங்க.நல்லது மக்களுக்கு சேர்ந்தா சரி அம்புட்டு தான்

பொத்தாம் பொதுவா அறிக்கை நீட் தேர்வை இரத்து செய்ய சொல்கிறது என்பதை மட்டும் வெளியே சொல்லாமல் அதன் பாதகங்களாக குறிப்பிடப்பட்ட விஷயங்களையும் இங்கு தெரிவிக்க வேண்டும்.இந்த குழுவின் முக்கிய பணியாக கூறப்பட்டவை
1. சமூக பொருளாதார, கூட்டாட்சி தத்துவம் இவற்றில் ஏற்பட்ட பாதிப்புகள்

2.அரசு பள்ளிகளில் படிக்கும் மாணவர்கள், பொருளாதாரத்தில் பின்தங்கிய மாணவர்கள் , கிராமப்புற மாணவர்கள் இவர்களுக்கு ஏற்பட்ட பாதிப்புகள்
3.அந்த பாதிப்புகளை தீர்ப்பதற்காக செயல்படுத்த வேண்டிய நடை முறைகள்.
4.நீட் தேர்வு சமத்துவமான முறையில் நடை பெறுகிறதா?
5. நீட் பயிற்சி மையங்கள் அவற்றின்

தாக்கங்கள், கல்வி முறையில் ஏற்படுத்திய பாதிப்புகள் குறித்து அறிதல்.
இவைதான் அந்த குழுவின் முக்கிய பணிகள்.
இதை ஆய்வு செய்து குழு தந்த டீட்டெய்டு ரிப்போர்ட் வருமாறு.
1.ஒரு மாணவரின் உருவாகும் படிப்படியான முன்னேற்றத்தை (growth , development, maturity என்று B.Ed ல் படித்தோம்)

கருத்தில் கொள்வதில்லை இந்த நீட் தேர்வு.
2.நீட் தேர்வின் தேர்ச்சி முறை அல்லது தேர்ச்சி அன்பிரிடிக்டபிலாக உள்ளது.
3.இந்த தேர்வில் கற்றுக்கொள்ள ஒன்றுமே இல்லாமல் குறிப்பிட்ட தேர்வு முறையை மையப்படுத்தி அமைந்ததாக வே உள்ளது.
4. இந்த தேர்வு cultural, lingual, socioeconomic முறையில்

பாரபட்சம் மிகுந்த தேர்வாக உள்ளது.
அதாவது தமிழ்வழியில் படித்து தேர்ச்சி பெற்றவருக்கும் ஆங்கில வழியில் படித்து தேர்ச்சி பெற்றவருக்கும் மருத்துவ கல்லூரி படிப்பில் கிடைத்த இடங்கள் பாரபட்சம் மிக்கதாக உள்ளது.
இணைக்கப்பட்ட படத்தை காண்க

இந்த குழுவிற்கு வந்த மொத்த கருதத்துக்கள் 86342(பாவிகளா ஒரு லட்சம் பேருக்கு கூடவா பொறுப்பு இல்லை. அதானே நமக்கு வெட்டி பேச்சுக்கு தான் நேரமிருக்கும்). அதில் 65007 பேர் நீட் தேர்வு தேவையில்லை என்ற கருத்தை பதிவு செய்திருந்தனர்.அதாவது கிட்டத்தட்ட 75.29% பேர். பிறகு

18966 பேர் நீட் தேர்வுக்கு ஆதரவு தந்திருந்தனர். அதாவது 21.9% பேர். 1453 பேர் நடுநிலையாக கருத்து தெரிவித்துள்ளனர்.916 பேர் அனுப்பிய கருத்தே மறுபடி அனுப்பினார். அந்த 21.9% பேர் வைத்த நீட் வேண்டும் என்பதற்கான கருத்துக்கள் பின்வருமாறு

1.நீட் இருந்தால் எய்ம்ஸ் ஜிப்மர் போன்ற தேசிய கல்வி நிறுவனங்களில் சேரலாம்(த்து)
2.நீட் 3 முறை எழுதலாம் ஆனால் +2 தேர்வு ஒருமுறைதான் எழுதலாம்.
3.ஸ்டேட் ஃபோர்டு சிபிஎஸ்இ மாணவர்கள் ஒரே மாதிரி மதிப்பிடப்பட்டு நேர்மையாக அட்மிஷன் கிடைக்கும்.(இந்த பொய்க்கு கீழ் உள்ள தரவு சாட்சி)

4.மனப்பாடம் செய்வதை ஊக்குவிக்காமல் சிந்தித்து எழுத நீட் உதவுகிறது(த்தா மூனு வருஷமா சிந்தீப்பீங்க)
5. தமிழ்நாட்டின் கல்வி முறை மாற வேண்டும். நீட் தேர்வு இருந்தால் கொஞ்சநாளில் அதுவே மாறிவிடும்.
6.நீட் தேர்வு சமூக நீதிக்கு எதிரானது அல்ல இட ஒதுக்கீடுகள் பின்பற்றப்படுகின்றன(ola cab)

7.ஊச்ச நீதி மன்றமே சொல்லிவிட்டது(இதை சொன்னவனைதான் தேடி பொளக்கனும்)
நீட் தேர்வுக்கு எதிரான வாதங்கள்
1.ஸ்டேட் போர்டு மாணவர் மருத்துவ கல்லூரி சேர்க்கைவிகிதம் குறைந்துவிட்டது
2.சிபிஎஸ்இ பாடத்திட்ட அடிப்படையில் தேர்வு நடைபெறுகிறது
3. அதீத மன அழுத்தம் மானவர்களுக்கு ஏற்படுகிறது.

4.லட்சக்கணக்கில் பணம் கட்டி கோச்சிங் செல்ல ஊக்குவிக்கிறது.
5.தனியார் பள்ளிகள் 11 ம் வகுப்பில் நீட் தேர்வு பாடத்தை நடதாதுகின்றனர். எனவே வசதி இல்லாதவர்கள் படிக்க முடிவதில்லை.
6. நீட் தேர்வு முடித்து வரும் மருத்துவர்கள் கிராமப்புற சேவையை விரும்புவதில்லை.
7.பழங்குடியின மக்களின்

மருத்துவ கனவை பறிக்கிறது.
8.மாநில அரசுகளின் உரிமைகளில் தலையிடுகிறது.
9.வெளிமாநில மாணவர்களே தமிழக மருத்துவ கல்லூரிகளில் சேருகின்றனர். இதனால் தமிழக மாணவர் பிரதிநிதித்துவம் பாதிக்கப்படுகிறது.
10.3 மணிநேரம் 180 கேள்விகள் எழுத பயிற்சி தேவை ஏழை மாணவர்களுக்கு அது கிடைப்பதில்லை

குழுவின் அறிக்கை.
1. மாநில பாடதிட்டத்தில் சேரும் மாணவர் எண்ணிக்கை குறைகிறது. கிட்டத்தட்ட 1,13,322மாணவர்கள் மாநில பாடதிட்டத்தில் இருந்து வெளியேறி cbse ல் சேர்ந்துள்ளனர்.
2.நீட் அறிவுக்கு பின் அறிவியல் பாடப்பிரிவு மேல்நிலைப் பள்ளியில் தேர்வு செய்யும் விகிதம் குறைந்துவிட்டது

3.மருத்துவ கல்வியில் மாநில பாடதிட்டத்தில் படித்த மாணவர் எண்ணிக்கை குறைந்து விட்டது.
4.தமிழ் வழியில் படித்த மாணவர்கள் பெரிதளவும் பாதிக்கப்பட்டுள்ளனர். கிட்டத்தட்ட 19.79% ல் இருந்து 1.99% சதவீதமாக குறைந்துள்ளது(அலார்ட்).
5.முதல் தலைமுறை மருத்துவர்கள் எண்ணிக்கை 25 ல் இருந்து 14.46

ஆக குறைந்துள்ளது.
6.2010 - 11ல் மருத்துவக் கல்லூரியில் இடம் பிடித்தவர்களில் 92.85 % பேர் முதல் முறையாக தேர்வு எழுதியவர்கள். ஆனால், 2020-21ல் இது 28.58 %ஆக குறைந்துள்ளது. மீண்டும் மீண்டும் தேர்வெழுதியவர்களே 71.42 % இடங்களைப் பிடித்துள்ளனர்.(ரிப்பீட்டர்ஸ் பேட்ச்)

குழுவின் முடிவுகள்:
1.பலதரப்பட்ட சமூகங்களின் பிரதிநிதித்துவத்தை முழுவதுமாக நீட் தேர்வு சீரழித்து விட்டது. 2.5 லட்சத்துக்கும் குறைவான வருமானத்தை உடையவர், மிகவும் பிற்படுத்தப்பட்ட வகுப்பினர் (மாங்கா கேட்டுக்கோ), பட்டியலின மக்கள் மிகவும் பாதிக்கப்பட்டுள்ளனர்

2.ரிப்பீட்டர்ஸூக்கு சாதகம், முதல் முறை எழுதுபவருக்கு பாதகம்.
3. மன அழுத்தம் பதற்றம் மாணவர்களுக்கு அதிகரித்துள்ளது.
4. தரமான மாணவர்கள் மருத்துவப் படிப்புகளில் சேர்வதை நீட் தேர்வு உறுதிசெய்யவில்லை.
5.12ஆம் வகுப்பு மதிப்பெண்களின் அடிப்படையில் சேர்த்தால்தரமான மாணவர்கள் பயனடைவர்

6. மருத்துவ படிப்பில் முதுநிலை இடங்களில் 50 சதவீதத்தையும் சூப்பர் ஸ்பெஷாலிட்டி பரிவில் 100 சதவீதத்தையும் அகில இந்திய ஒதுக்கீட்டிற்கு அளிப்பதால், அரசு மருத்துவமனைகளில் பணியாற்றும் மருத்துவர்கள் கடுமையாகப் பாதிக்கப்படுகிறார்கள். இது மாநிலத்தின் மருத்துவக் கட்டமைப்பை குலைக்கிறது.

அகில இந்திய ஒதுக்கீட்டில் பிற்படுத்தப்பட்டோருக்கு இட ஒதுக்கீடு அளிக்கப்படாததால், இது சமூக நீதிக்கு எதிரானது.
7. மாநிலக் கல்வி வாரியத்தின் கீழ் படிப்பவர்கள் கல்வி முறை மீதே நம்பிக்கை இழக்கிறார்கள்
8.நீட் தேர்வுக்கு முந்தைய மருத்துவர்கள், பிந்தைய மருத்துவர்கள் என பிரித்துப்

பார்த்தால், நீட் தேர்வுக்குப் பிந்தைய மருத்துவர்கள் அனைவரும் வசதியான, நகர்ப்புறங்களைச் சேர்ந்தவர்களாக இருக்கின்றனர்.
குழுவின்பரிந்துரைகள்:
1. நீட் தேர்வை அகற்றுவதற்கான சட்டரீதியான வழிகளை மாநில அரசு மேற்கொள்ள வேண்டும்.
2.2007ஆம் ஆண்டின் 3வது சட்டத்தைப் போல, மருத்துவக் கல்வியின்

அனைத்து நிலைகளிலும் நீட் தேர்வை நீக்குவதற்கான ஒரு சட்டத்தை இயற்றி அதற்கு குடியரசுத் தலைவரின் ஒப்புதலைப் பெற வேண்டும்.
3. எம்பிபிஎஸ் படிப்பில் சேர்க்கைக்கு 12ஆம் வகுப்புத் தேர்வு மதிப்பெண்களையே அடிப்படையாகக் கொள்ள வேண்டும்.

4.Adversity Score" என்ற முறையில் பொருளாதாரத்தில் பின்தங்கிய மாணவர்கள் மதிப்பெண்கணக்கிடும்போது அவர்கள் நிலையை கருத்தில் கொண்டு மதிப்பெண் நார்மலைஸ் செய்யப்பட வேண்டும்.
5.மனப்பாடம் செய்வதை விட கற்பதை ஊக்குவிக்க வேண்டும்.
6.எல்லா நிகர்நிலை பல்கலைகழகங்களையும் தன்னுடையகட்டுப்பாட்டில்

கொண்டு வருவதற்கான சட்டத்தை தமிழக அரசு இயற்றி, குடியரசு தலைவரின் ஒப்புதலைப் பெற வேண்டும்.
இதுதான் குழுவின் அறிக்கை. தேவையற்ற விவாதங்களை தவிர்த்து இந்த குழுவின் அறிக்கை அனைவருக்கும் சேரும்படி செய்ய வேண்டும் என நண்பர்களை கேட்டுக்கொள்கிறேன்.இதற்குமேல் இடமில்லை