#ஶ்ரீஆஞ்சநேயர்கோயில் #நாமக்கல் #ஸ்ரீலக்ஷ்மிநரசிம்மர்திருக்கோவில்
கொடிய அரக்கன் இரணியன் தன் மகனை யானையின் காலடியில் கிடத்தியும், மலை மீதிலிருந்து உருட்டியும் கொல்ல முயன்றும், ஒவ்வொரு முறையும் பிரகலாதனை ஶ்ரீஹரி காப்பாற்றினார். ஶ்ரீஹரியை நம்பியவர்கள் என்றும் கைவிடப்பட மாட்டார்கள்
கொடிய அரக்கன் இரணியன் தன் மகனை யானையின் காலடியில் கிடத்தியும், மலை மீதிலிருந்து உருட்டியும் கொல்ல முயன்றும், ஒவ்வொரு முறையும் பிரகலாதனை ஶ்ரீஹரி காப்பாற்றினார். ஶ்ரீஹரியை நம்பியவர்கள் என்றும் கைவிடப்பட மாட்டார்கள்
என்பதை வெளிப்படுத்தும் திருவவதாரம் ஶ்ரீநரஸிம்மர் என்னும் உக்ர ரூப அவதாரம். மற்ற அவதாரங்கள் யோசித்து, திட்டமிட்டு எடுக்கப்பட்ட அவதாரங்கள். ஆனால் நரஸிம்மாவதாரம் ஒரு நொடியில் எடுக்கப்பட்டது. ஶ்ரீமஹாலக்ஷ்மிக்கு கூட தெரிவிக்கும் முன் எடுக்கப்பட்ட அவதாரம். ஶ்ரீநரஸிம்மரின் உக்ரத்தை
கண்டோர் நடுங்கினர். அவரை சாந்தபடுத்த வேண்டும் இல்லையேல் உலகுக்கு என்ன நஷ்டம் வரும் என்று சொல்ல முடியாது என்பதால் எல்லோரும் குழந்தை பிரகலாதனை வேண்டினர். அவனும் ஶ்ரீஹரியிடம் உலக நலனுக்காக சாந்தமடைய பிராத்தனை செய்தான். அதே சமயம் ஶ்ரீஹரியின் இந்த ரூபத்தை பார்த்த தேவர்கள் ஶ்ரீஹரியை
சாந்தபடுத்த ஶ்ரீமஹாலக்ஷ்மியிடம் சென்று வேண்டினர்கள். ஶ்ரீமஹாலக்ஷ்மி ஹரியின் உக்ரத்தை தணிக்க பூமிக்கு வந்தார். ஆனால் அவர் வரும் முன்பே குழந்தை பிரகலாதனின் பிரார்த்தனைக்கு இசைந்து தனது உக்ரத்தை தணித்துக்கொண்டு விட்டார். ஶ்ரீஹரியின் உக்ர ரூபத்தை காண வந்த ஶ்ரீமஹாலக்ஷ்மிக்கு ஹரியின்
இக்கோலம் ஏமாற்றத்தை கொடுத்தது. அக்காட்சியை காண வேண்டும் என்பதால் அருகிலிருந்த தாமரை தடாகத்தில் இறங்கி தவமிருக்க ஆரம்பித்தாள். அப்படி தாயார் தவமிருந்த ’கமலாலயம்’ என்ற தாமரைகுளம் நாமக்கல்லில் உள்ளது. பிரகலாதன் எப்படி ஶ்ரீஹரியிடம் அசைக்க முடியாத நம்பிக்கை வைத்திருந்தானோ அதே போல்
ஶ்ரீஹரியின் அவதாரமான ஶ்ரீராமரிடம் அசைக்க முடியாத பக்தி வைத்திருந்தவர் ஶ்ரீஆஞ்சநேயர். ஆஞ்சநேயர் நேபாளத்திலுள்ள கண்டகி நதியில் நீராடும்போது அவரிடம் ஒரு சாளக்கிராமம் கிடைத்தது. அதை அவர் எடுத்துக்கொண்டு ராமேஸ்வரம் புறப்பட்டார். (விஷ்ணுவின் ஏதாவது ஒரு ரூபமாக சாளக்கிராமம் இருக்கும்.
இது நேபாளத்திலுள்ள கண்டகி நதியில் கிடைக்கும் மிக அபூர்வமான கல். சங்கும் சக்ரமும் இயற்கையாகவே இருக்கும். அதனை பூஜிப்பார்கள். இதனை பூமியில் வைக்க மாட்டார்கள்.) சந்தியாகாலம் வந்த உடன் ஆஞ்சநேயர் தனது நித்யகர்மவான சந்தியாவந்தனத்திற்கு ஆறு, குளம் தேடினார். நாமக்கல் கமலாலயம் கண்ணில்
பட்டதும், இறங்கி அங்கு இருந்த தேவியிடம் சாளக்கிராமத்தை பத்திரமாக வைத்துக் கொள்ள வேண்டினார். ஸந்தியாவந்தனம் செய்யத் தொடங்கினார். முடிந்த உடன் தேவியிடம் சாளக்கிராமம் பெறுவதற்கு சென்றார். தியானத்திலிருந்த தேவி தன்னிடம் உள்ளது சாளக்கிராமம் என்பதை உணரும் முன் அதனை பூமியில் வைத்து
ஆஞ்சநேயரை எடுத்துக்கொள்ள செய்கையால் காண்பித்தார். பூமியை தொட்ட உடன் சாளக்கிராமம் பெரிதாக வளர ஆரம்பித்தது. யாருக்கும் ஒன்றும் புரியாத நிலையில் ஆஞ்சநேயர் தனது வாலால் சாலிகிராமத்தை கட்டி எடுக்கப் பார்த்தார். அப்பொழுது வெடித்து சிதறிய சாளக்கிராமத்திலிருந்து உக்ர ரூபத்தில் நரசிம்மர்
வெளிப்பட்டார். அதை கண்டு ஶ்ரீமஹாலக்ஷ்மி தேவி அச்சத்துடன் கூடிய ஆனந்தத்தில் ஆழ்ந்தாள். ஆஞ்சநேயர் வைத்த கண்ணெடுக்காமல் தரிசித்தார். பகவான், “ஆஞ்சநேயா! நீ கொண்டுவந்த சாளக்கிராமம் உக்ர நரசிம்மருக்கு உரியது. அதை இங்கு நீ எடுத்து வந்ததால் என்னை உக்ர ரூபத்தில் தர்சித்ததால் ஶ்ரீதேவியின்
தவம் பூர்த்தியடைந்தது. சாளக்கிராமம் மலையாக மாறியதால் இவ்விடம் ’நாமகிரி’ நாமக்கல் என்று நிலைக்கட்டும்” என்றார். நாமக்கல் டவுனின் மையத்தில் அமைந்திருக்கும் பெரிய மலை உச்சியில் உள்ள குடைவறை கோயிலில் ஶ்ரீநரசிம்மரை தரிசிக்கலாம். இந்த மலையே சாளக்கிராம மலை. ஶ்ரீநரசிம்மர் மேற்கு நோக்கி
வீராசனமாக வலது திருப்பாதம்பூமியில் அழுந்தியும் இடது கால் வலது தொடையின் மேல் வைத்து வீற்றிருக்கிறார். அவரது திருகரங்களின் ’வஜ்ரநகம்’ இன்னும் இரணியனை வதம் செய்தபோது உண்டான ரத்தத்துடன் விளங்குகிறது. ஹிரண்யனை ஸம்ஹாரம் செய்த நகங்கள் என்பதால் அச்சம் தவிர்த்து பக்தி மேலிடுகிறது. சனகன்
சனாதன் அவரின் இரு புறமும் இருந்து லோக க்ஷேமத்தை விவரிக்கிறார்கள். சூரிய சந்திரர்கள் இருபுறமும் கவரி வீசுகிறார்கள். இடதுபுறம் உள்ள சிவனும் வலதுபுறம் உள்ள பிரம்மாவும் உக்ரத்தை தணிக்கச் சொல்லும் பாவனையில் உள்ளார்கள். இங்கு வரும் பக்தர்களுக்கு திரிமூர்த்திகளையும் தரிசிக்கும் ஆனந்தம்
கிடைக்கும். உக்ரமூர்த்தி போல் தெரிந்தாலும், ஶ்ரீலக்ஷ்மியின் தவத்தை பூர்த்தி செய்து ஶ்ரீலக்ஷ்மியும் இங்கு இருப்பதால் இவர் ஶ்ரீலக்ஷ்மி நரசிம்மர் ஆவார். இங்கு ஶ்ரீலக்ஷ்மி தேவி #நாமகிரிதாயார் என்று பெயர் கொண்டு பக்தர்களுக்கு அருள் பாலிக்கிறார். இக்குடவறை கோயிலை நோக்கியவாரு சுமார் 250
அடி தூரத்தில் ஶ்ரீஆஞ்சநேயர் இருக்கிறார். கூறை வெய்யா கோயிலில் கூப்பிய கரங்களுடன் ஶ்ரீநரசிம்மரை வணங்குவதாக உள்ளார். மிக ஆச்சரியமான விசேஷம் என்னவென்றால் ஶ்ரீஆஞ்சநேயரின் கண்களுக்கு நேர் எதிரே தெரிவது பகவான் ஶ்ரீநரசிம்மருடைய திருபாதங்களே. இதை இன்றும் கருடர் சன்னதியிலிருந்து பக்தர்கள்
காண்கிறார்கள். சுமார் 18 அடி நெடிந்து வளர்திருக்கும் ஶ்ரீஆஞ்சநேயரின் மூர்த்தம் கண்கொள்ளா காட்சி. அவர் அணிந்திருக்கும் ஆபரணங்கள் மிக அற்புதம். ஶ்ரீநரசிம்மரை பார்க்கும் நேர்த்தியான கண்களும், அவரின் திருபாதங்களும் என்றும் நம் கண்முன் நிற்கும். ஶ்ரீஆஞ்சநேயரின் திருபாதங்கள் படிமம்
கமலாலயம் குளக்கரையில் படித்துறையில் உள்ளது. கொல்லிமலை மலைத்தொடர் சரிவில் கிழக்கு பகுதியில் உள்ளது நாமக்கல். ஆதியில் தேவதச்சனால் உருவாக்கப்பட்டது ஸ்ரீ நரசிம்மர் கோவில். இக்கோவில் கொங்கு நாட்டை ஆண்ட அதியமான் கட்டியதாகவும் குடவறை சிற்பங்கள் அதியேந்திர குணசீலன் என்ற பல்லவ அரசனால்
ஏழாம் நூற்றாண்டு வரைய பட்டுள்ளது என்றும் கல்வெட்டுகள் தெரிவிக்கின்றன. நாமக்கல் ஶ்ரீஆஞ்சநேயர் ஶ்ரீலக்ஷ்மிதேவியின் தவத்தை பூர்த்தி செய்து ஶ்ரீநரசிம்மருடைய அவதார கோலத்தை தரிசிக்க வைத்தவர். ஶ்ரீநரசிம்மருடைய பாதாரவிந்ததை என்றும் தரிசித்துக் கொண்டிருப்பவர். இந்த ஜன்ம தவத்தை பூர்த்தி
செய்து ஶ்ரீநரசிம்மரின் பாதாரவிந்ததை தரிசனம் செய்து வைத்த ஶ்ரீஆஞ்சநேயரை இந்த க்ஷேத்திரத்தில் தரிசித்து சித்தி பெறுவோம்🙏🏾
காற்று ஈன்ற காவியமே எம்மை காத்தருள்வாய்
நம்பினோம் நாவரசை நாங்களே.
ஆஞ்சநேய ஸ்வாமி புகழ் வாழ்க!
நாமகிரி தாயார் சமேத ஸ்ரீ லக்ஷ்மிநரசிம்மர் திருவடிகளே சரணம்🙏🏾
காற்று ஈன்ற காவியமே எம்மை காத்தருள்வாய்
நம்பினோம் நாவரசை நாங்களே.
ஆஞ்சநேய ஸ்வாமி புகழ் வாழ்க!
நாமகிரி தாயார் சமேத ஸ்ரீ லக்ஷ்மிநரசிம்மர் திருவடிகளே சரணம்🙏🏾
• • •
Missing some Tweet in this thread? You can try to
force a refresh
