Thread by @NaikParveen22

#قلمکار

لالہ میلہ رام نے 1872 میں لاہور مال روڈ پر واقع اپنی قیمتی جائیداد میں سے وسیع رقبہ پرندوں (آزاد پرندوں) کی بہبود اور انہیں دانہ ڈالنے کے لئے وقف کیا جو ابتدا میں "مکان چڑیا خانہ" کہلاتا تھا بعد میں "چڑیا گھر" کے نام سے مشہور ہوا۔ "مکان چڑیا خانہ" کی اصطلاح پر ایک

سوال اٹھتا ہے کہ مکان اور خانہ ایک ہی معنی کے دو الفاظ اس میں کیوں ہیں؟ تو ممکن ہے کہ یہ علاقہ جس میں ایک پہاڑی بھی موجود ہے اس کو چڑیا خانہ کہا گیا ہو اور اس کے اندر موجود عمارت کو مکان کہا جاتا ہو اور یوں وہ عمارت مکان چڑیا خانہ کہلائی ہو۔
اس پرند گھر کو چڑیا گھر کہا گیا

جو بعد میں دیگر جانوروں کی بہبود کے لئے بھی استعمال ہونا شروع ہو گیا، لوگ ان جانوروں کی سیوا کرنے اور دیکھنے چڑیا گھر آنا شروع ہو گئے۔ یوں ZOO کے لئے چڑیا گھر کی اصطلاح نے جنم لیا۔
ایک بات یاد رہے کہ لاہور چڑیاگھر دنیا کا چوتھا قدیم ترین زو ہے جس کا رقبہ ابتدا میں کافی زیادہ تھا

مگر بعد میں اس میں پولیس، آئی ایس آئی، ریڈ کریسنٹ (ہلال احمر)، اور "جادو گھر" (دفتر وزیر اعلی پنجاب) کی عمارات بن گئیں اور چڑیا گھر کا رقبہ کم ہوتے ہوئے 24 ایکڑ رہ گیا۔
اب ذکر ہو جائے اسی پراپرٹی میں واقع وزیر اعلی پنجاب کے دفتر کی عمارت کا جسے پرانے لاہوری جادو گھر کہتے تھے۔

اس کی وجہ تسمیہ یہ ہے کہ یہ انگریز دور میں "فری میسن" تنظیم کا ہیڈ آفس تھا، یہ بنیادی طور پر یہودی تنظیم ہے جس کا اصل مقصد مسجد اقصی کی جگہ پر ہیکل سلیمانی تعمیر کرنے کے لئے رضا کار مستری(میسن) بھرتی کرنا اور ان کی ذہنی تربیت کرنا تھا۔

بہت سارے لوکل لوگ گورے حکمرانوں سے مفاد حاصل کرنے کی خاطر فری میسن تنظیم کے ممبر بن جاتے تھے۔ اس تنظیم کے لوگوں کی مصروفیات عوام سے خفیہ رکھی جاتی تھیں اور تنظیم کے ممبران کالا لباس پہنتے تھے اس لئے عوام میں مشہور تھا کہ یہ لوگ جادو سیکھنے اور کرنے کے لئے یہاں جمع ہوتے ہیں

لہذا یہ عمارت "جادو گھر" کہلاتی تھی

(یہ تحریر چونکہ مختلف اہل ذوق سے حاصل علم کی بنیاد پر لکھی گئی ہے لہذا کسی بھی غلطی کا امکان موجود ہے)

#قلمکار 💕