Thread by @_1point5

جبرائیل و میکائیل کیا ہے ؟
قرآن کیا کہتا ہے ؟

ہمارے یہاں عام طور پر کتب روایات والوں و ملاں و مفتیان حتی کہ کثرت سے لوگ کہتے پھرتے ہیں جبرائیل و میکائیل فرشتے ہیں جبکہ قرآن میں ہے "اگر تم کثیر کے کہنے پر چلو گے تو گمراہ ہوجاؤ گے (6/116) " ان میں وہ لوگ بھی شامل ہیں جو

صرف قرآن ھی کو مانتے ہیں اور اس کی تعلیم بھی دیتے ہیں جبکہ قرآن جبرائیل و میکائیل کے متعلق کیا کہتا ھے اس پہ کوئی غور نہیں کرتا۔ آئیے دیکھتے ہیں کہ قرآن کیا کہتا ہے

قُلۡ مَنۡ كَانَ عَدُوًّا لِّجِبۡرِيۡلَ فَاِنَّهٗ نَزَّلَهٗ عَلٰى قَلۡبِكَ بِاِذۡنِ اللّٰهِ مُصَدِّقًا

لِّمَا بَيۡنَ يَدَيۡهِ وَهُدًى وَّبُشۡرٰى لِلۡمُؤۡمِنِيۡنَ (2/97)
انہیں بتا دو کہ جو بھی قرآنی ضابطے [جِبْرِيلَ ] کے ساتھ دشمنی رکھتا ہے وہ یہ جان لے کہ یہ ضابطہ درحقیقت [فَإِنَّهُ ] تمہارے قلب پر اللہ ہی کے قوانین [بِإِذْنِ اللَّـهِ ] کو لے کر نازل ہوا ہے [نَزَّلَهُ ] اور

جو ہاتھوں کے درمیان ہے اس کی تصدیق [مُصَدِّقًا لِّمَا بَيۡنَ يَدَيۡهِ] بھی کرتا ہے اور ایک مستقل ہدایت اور ایمان والوں کے لیے خوشخبری کی حیثیت رکھتا ہے۔

قُلۡ ۔۔۔۔ حاضر یعنی موجودہ گھڑی میں قُلۡ کون کہے گا ؟
مثلاً ایک مجمع قرآن سننے کے لئے آیا ہوا ھے تو اسکو "قل" کون کہے گا جبکہ

محمد ع تو حاضر میں بشری طور پر موجود ھی نہیں تو جناب سیدھی سی بات ہے اگر آپ نے انکو قرآن پر لیکچر دینا ہے تو آپ ہی "قل" کہیں گے۔ محمد علیہ السلام تو بشری طور پر آکر نہیں کہیں گے کیونکہ انکا تو انتقال ہوچکا ھے۔

"عَدُوًّا لِّجِبۡرِيۡلَ" جبرائیل سے دشمنی /جبرائیل کا دشمن
سوال یہ پیدا ہوتا ہے جبرائیل کیا ہے ؟
"ِّجِبۡرِيۡلَ" دو الفاظ کا مجموعہ ھے "جبر اور ائیل"
جبر کہتے ہیں قوت کو جیسے ہمارے ہاں کہا جاتا ہے "جبری مشقت" یعنی قوت یا طاقت کی بنیاد پر جو محنت کروائی جائے اور

اللہ کو عبرانی زبان میں "ائیل" کہتے ہیں تو جبرائیل کا مطلب ہوا اللہ کی قوت۔ اللہ کی قوت اسکی آیات ہیں۔ لوگ اللہ کی آیات یعنی قرآن سے ہی دشمنی کرتے ہیں۔
قبل از نبوت محمد رسول اللہ جب تک لوگوں میں رہے تو لوگوں کا رویہ ٹھیک رہا۔ جیسے ہی انھوں نے اللہ کی آیات پپش کرنا شروع کیں

تو انکے جاننے والوں سمیت سب انکے دشمن ہوگئے۔ آج بھی اگر آپ مشاہدہ کرنا چاہیں تو آیات قرآنی پپش کریں جیسے ہی آپ انکو قرآنی آیات پیش کریں گے یہ دشمن ہوجائیں گے اور آپ پر لپک پڑیں گے۔ گالیاں دیں گے، دھمکیاں دیں گے دھمکی آمیز لہجے میں بات کریں گے۔

یہ دشمنی قرآنی آیات سنانے کی وجہ سے پیدا ہوتی ھے۔ آپ جتنی چاہیں "کتب روایات" سنائیں لوگ واہ واہ کریں گے اور جیسے ہی قرآن پر بیان شروع کرو گے یا صرف قرآن کا بتاؤ گے تو آپکےدشمن ہوجائیں گے۔ اس سے ثابت ہوا کہ "عَدُوًّا لِّجِبۡرِيۡلَ" کسی مافوق الفطرت فرضی فرشتے سے نہیں بلکہ

اللہ کے نازل کردہ قرآن سے دشمنی ہے ۔

فَاِنَّهٗ نَزَّلَهٗ عَلٰى قَلۡبِكَ بِاِذۡنِ اللّٰهِ
ہمارے یہاں عام طور پر یہی کہا جاتا ہے کہ جبرائیل نے قرآن کو قلب نبوی پہ نازل کیا جبکہ جبرائیل نے نہیں بلکہ جبرائیل یعنی قرآن کو ہی قلب پر نازل کیا گیا " یہ ضابطہ درحقیقت [فَإِنَّهُ ]

تمہارے قلب پر اللہ ہی کے قوانین [بِإِذْنِ اللَّـهِ] کو لے کر نازل ہوا ہے [نَزَّلَهُ] "

آگے سوال یہ پیدا ہوتا ہے کہ جبرائیل یعنی قرآن کو اللہ کے حکم کے ساتھ قلب نبوی پر کیوں نازل کیا گیا۔

مُصَدِّقًا لِّمَا بَيۡنَ يَدَيۡه۔۔۔۔۔۔۔تصدیق کرنے والا ہے اسکی جو اسکے دونوں ہاتھوں

کے درمیان ہے
یعنی جبرائیل اسکی تصدیق کرے گا جو بھی دونوں ہاتھوں کے درمیان ہے۔ وہ کیا ہے ؟
ہمیں گھر سے، دوستوں سے، مزہبی پیشواؤں سے، معاشرے سے اسلام یا احکامات الہیٰ کے نام پر جو چیزیں ملیں جیسے مختلف تفاسیر، تاریخ، سنی فرقے کی احادیث/روایات صحاح ستہ یا شیعہ فرقے کی صحاح اربعہ

سمیت سب کی سب، ان سب کی تصدیق جبرائیل یعنی قرآن کرے گا کہ ان میں کیا ٹھیک ہے اور کیا غلط ہے

وَهُدًى وَّبُشۡرٰى لِلۡمُؤۡمِنِيۡنَ
اور ہدایت اور خوشخبری ہے مومنین کے لئے

یعنی جبرائیل جو کہ کلام اللہ ہے صرف اسی میں ہدایت و خوشخبری موجود ہے بشرطیکہ اسکو لاگو کیا جائے

آگے دیکھتے ہیں کہ میکائیل کیا ھے ؟

مَنۡ كَانَ عَدُوًّا لِّلّٰهِ وَمَلٰٓئِکَتِهٖ وَ رُسُلِهٖ وَجِبۡرِيۡلَ وَمِيْكَالَ فَاِنَّ اللّٰهَ عَدُوٌّ لِّلۡكٰفِرِيۡنَ (2/98)
جو ہو دشمن اللہ اور اسکے ملائکة اور اسکے پیغام دینے والوں اور جبریل اور مِيۡكٰالَ کا تو

پس اللہ دشمن ہے انکار کرنے والوں کے لئے

آیت میں " وَ " تمیزی ہے یعنی فرق کرتی ہے یہ کس میں فرق کر رھی ہے نوٹ کریں

(1) لِّلّٰهِ وَمَلٰٓئِکَتِهٖ "اللہ اور مَلٰٓئِکَتِهٖ کو الگ الگ کر رہی ہے"
(2) مَلٰٓئِکَتِهٖ کو رُسُلِهٖ سےالگ کررہی ہے یعنی ملائکة اور رسول الگ الگ ہیں

(3) رُسُلِهٖ کو َجِبۡرِيۡلَ سے الگ کر رہی ہے
(4) جِبۡرِيۡلَ سے مِيْكَالَ کو الگ کر رہی ہے

یعنی اللہ الگ ہے، ملائکة الگ ہے اور رسول الگ اور جبرئیل الگ ہے اسی طرح مِيْكَالَ الگ ہے یعنی یہ پانچوں الگ الگ ہیں

"مِيْكَالَ" و ک ل سے ھے اوراسکا ظرف میکال ہے، اسکے معنی

وہ نمائندہ ھوتا ھے جو خصوصی طور پر دوسروں کے لئے کام کرتا ہو یا کر رہا ہو اور اسکے معنی معاملات کو نمٹانا، دفاع کرنے والا، منتظم/مینجر جو کسی کو کنٹرول کرے اور انتظامیہ کا ذمہ دار ہو
لہذا جبرائیل اللہ کا کلام یعنی قرآن ہے اور میکال اسکا نمائندہ۔

آپ میکال بن کر اللہ کی نمائندگی کر سکتے ہیں جبرائیل یعنی اللہ کا کلام عوام کو پیش کرکے اسکے وکیل بن سکتے ہیں یہی رسول کی اطاعت ہے لیکن میکال کو بھی فرشتہ بنا دیا گیا۔ حیرت ہے ان فارسی اماموں اور ملاؤں و مفتیوں پر جبکہ میکال یعنی اللہ کا نمائندہ ھم نے خود بننا ہے اسکی وکالت کرکے

اور وکالت الکتاب یعنی قرآن سے ھوگی۔ آج آپ اللہ کے وکیل بن کر دیکھ لیں اس کے جبرائیل یعنی قرآن کو پیش کرکے دیکھ لیں تو یہ آیت بلکل واضح ہوجائے گی جب لوگوں کا ردعمل دشمنی کی صورت میں سامنے آئے گا۔