நவீன மனநல மருத்துவத்தின் தந்தை என்று போற்றப்படும் ஆஸ்திரிய மருத்துவர் சிக்மண்ட் பிராய்ட், மனிதரின் மனம் பற்றிய ஆய்வுகளில் பல புரட்சிகரமான கோட்பாடுகளைக் கண்டு பிடித்து இருக்கிறார். இருபதாம் நூற்றாண்டின் மிகவும் செல்வாக்குமிக்க மற்றும் சர்ச்சைக்குரிய சிந்தனையாளர்களில் ஒருவர். 
சிக்மண்ட் பிராய்ட் வியன்னா பல்கலைக்கழகத்தில் 1881-ல் மருத்துவத்தில் பட்டம் பெற்றார். செரிப்ரல் பால்ஸி, அபேஸியா போன்ற மூளை பாதிப்புகள் தொடர்பாக வியன்னா பொது மருத்துவமனையில் 1895-ல் ஆராய்ச்சிகளை மேற்கொண்டார். அங்கு பேராசிரியராகவும் பணிபுரிந்தார்.
தனியாக மருத்துவமனை தொடங்கி, மனநலம் பாதிக்கப்பட்டவர்களுக்கு சிகிச்சை அளித்தார்.மனநோய்கள் குறித்த விளக்கங்கள், நோயாளி - மருத்துவர் உரையாடல் சிகிச்சை முறை ஆகியவை மூலம் மிகவும் பிரபலமடைந்தார். ஹிஸ்டீரியா குறித்து ஆராய்ந்தார்.
கனவுகள் குறித்து ஆராய்ச்சி மேற்கொண்டார். ‘உள்மன ஆசைகளின் வெளிப்பாடே கனவு’ என்றார். தன் ஆராய்ச்சிகளின் அடிப்படையிலும் தனது சிகிச்சைகள் முறைகள் குறித்தும் ஏராளமான கட்டுரைகளை வெளியிட்டார். பல புத்தகங்களை எழுதியுள்ளார்.உளவியல் என்பது மனம் குறித்த திட்டவட்டமான வரையறை அல்ல.
அது தொடர்ந்து மாறுவது என்றார். அதை உயிரோட்டமுள்ள உளவியல் (Dynamic Psychology) என்றார். இது அவரது முக்கிய கண்டுபிடிப்பாகக் கருதப்படுகிறது. இயக்கவியல் விதிகளை மனிதனின் ஆளுமைக்கும் அவனது சிகிச்சைக்கு கூட பயன்படுத்த முடியும் என்பதை கண்டுபிடித்தது இவரது மிகப் பெரிய சாதனை.
மனநல மருத்துவத்துறையில் இது ஒரு மைல்கல் கண்டுபிடிப்பாகும். பாலியல் விருப்பு என்பது மனித வாழ்வின் முதன்மையான உந்து சக்தி என்றார். கவிஞர்கள், சிந்தனையாளர்களுக்கு ஆழ்மனதின் தாக்கம் அதிகம் என்பதையும் கண்டறிந்து கூறினார். இவரது பெயர் இல்லாத உளவியல் புத்தகத்தை பார்க்க முடியாது.
Oedipus complex இவரது சர்ச்சைக்குரிய மற்றும் பிரபலமான தியரி. இதைப்பற்றி தனது Interpretation of Dreams (1899) என்னும் புத்தகத்தில் குறிப்பிட்டு இருக்கிறார். இடிபஸ் காம்ப்பிளக்ஸ் (Oedipus complex) என்பது குழந்தைகளுக்கு எதிர் பாலின பெற்றோரிடம் ஏற்படும் அளவுக்கு அதிகமான அன்பாகும்.
இதனால் சிறுவர்கள் தந்தையிடம் வெறுப்பும் தாயுடன் கண்மூடித்தனமான அன்பும் காட்டுவர். சிறுமிகள் தாயிடம் வெறுப்பும் தந்தையிடம் கண்மூடித்தனமான அன்பும் காட்டுவர். காமத்தை அடிப்படையாகக் கொண்ட உளவியல் சிக்கல் இது.
2 வயதுக்கும் 5 வயதுக்கும் இடையேயான பருவத்தில் இது ஏற்படுகிறது. பின்னாட்களில் வரும் பலவிதமான உளவியல் சிக்கல்களுக்கு இது அடிப்படையாக அமைகிறது. இந்த Oedipus complex இன் பெயர் காரணம் ஒரு கிரேக்க கதை அதை கொஞ்ச நேரத்துல சொல்றேன்... 🤪
• • •
Missing some Tweet in this thread? You can try to
force a refresh
