Thread by @watunistory

"Tangu naanza Shule Ya Msingi, O level na A level Mungu alinijalia Uwezo Mkubwa Darasani. Nikafanikiwa kumaliza kidato cha Sita Vizuri na kuweza kuchaguliwa kujiunga na Chuo kikuu Cha Afya Muhimbili.

Ndipo nilipo anza kuonja joto la kufeli masomo semester ya kwanza nikakamatwa kwenye moja ya somo gumu (Anatomy), second semester Nikapita vizuri, nikarudi October kuja kusapua.

Kutoka na maandalizi duni nikafeli tena nika carry.

Nikaingia mwaka wa pili semester ya Kwanza nikanasa tena kwenye somo moja konk (Micro 1 and 2).
Presha ikanianza kwamba semester inayofuata nikishikwa tena ndo disco.

Semester ya pili nikanasa tena kwenye somo konk (Pharmacology 1 and 2) Ila siku Disco.

Nikaja October kusapua kumbuka hapo nina mtihani mi 5 ya kufanya. Kutokana na ratiba kuingiliana nikamua kuahirisha kufanya lile Somo nililo Carry ili nifanye mwaka unao fuata.

Baada ya kufanya nikatoa module moja tu ya Pharmacology 2 nikaingia mwaka Wa tatu nikiwa na carry ya masomo 3 yenye mitihani minne.

Hapo sijawahi kumwambia mtu yéyote yule zaidi ya wale tunao fanya nao hiyo mitihani hata Wazazi hawakuwa wanajua wakati mgumu ninaopitia.

Nikafikilia hadi kujiua. Kifupi nilichoka. Wakati naanza mwaka wa tatu mama akanipigia simu akaniambia mwanangu nimeota umefanya vibaya kwenye masomo, ikabidi nikatae maana ada nalipiwa na wazazi wote hivyo nikaogopa kuwaumiza.

Mwaka wa tatu nikapita salama. Ukafika mda wa kufanya carry zangu, nikatumia siku tatu kufanya masomo matatu yenye mitihani sita, sikuweza kulala siku zote hizo tatu. Kumbuka nikifeli hapo ndo mwisho wa chuo.

Nikawa nafikiri wale wa nyumbani wanaoniamini nitawaambia nini nikifeli chuo?.

Kwakweli nilikuwa na wakati mgumu sana.

Ila Mungu ni mkuu sana, matokeo yalivyotoka nilikuwa nimechomoa carry zote. Nikajifunza kwa kila njia ngumu unayopitia, usiache kumtegemea Mungu". @KamongaElisha, Dar es salaam.
#WatuNiStory