Thread by @Arshe530

"دجال اور سفید محل"

صحیح احادیث میں وارد ہے کہ دجال مدینہ منورہ میں داخل نہیں ہوسکےگا بلکہ مدینہ منورہ سےباہر جبل احد اور جُرف نامی وادی کے درمیان ہی گردش کرتا رہےگا اور مدینہ منورہ میں داخل ہونےکی کوشش پر اسےفرشتےمدینہ سے دھکیل دیں گےمتعدد روایات میں ہے کہ وہ مدینہ منورہ میں
⬇️

حضرت جبریل امین علیہ السلام کو دیکھےگاجو تلوار سونتےکھڑے ہوئے دِکھائی دیں گےجبکہ بعض روایات میں حضرت میکائیل علیہ السلام کا ذکر ہے
جبل احد تک دجال کی آمد کا پتا چلتا ہےجہاں سےوہ واپس مدینہ کی شور زدہ زمین یعنی جُرف کے مقام پرچلا جائےگا اور وہیں اپنا خیمہ گاڑےگا اکثر روایات میں
⬇️

اس شور زدہ زمین کو سرخ ٹیلہ بھی کہاگیاہے۔اگر روایات میں تطبیق کی جائےتو اندازاً یہ کہاجاسکتا ہے کہ وہ مدینہ منورہ میں داخلےکی بار بار کوشش کرےگاکیونکہ خیمہ گاڑنےسے مراد یہی ہےکہ اگروہ پہلی بار ناکام ہوجائےتو شہر مدینہ کو چھوڑجائے البتہ خیمہ گاڑنےکی روایت سےمعلوم ہوتا ہےکہ اسکی
⬇️

حتیٰ الامکان کوشش ہوگی کہ وہ مدینہ میں داخل ضرور ہوجائے
فرمانِ رسول ﷺ کےمطابق اُس وقت مدینہ منورہ کے 7دروازے ہوں گے جن پر فرشتے پہرہ دے رہے ہوں گے اور مستدرک امام حاکم کی روایت کے مطابق فرشتے اسےداخل ہونےسے روک رہے ہوں گے۔دجال مدینہ منورہ میں مشرقی جانب سے داخل ہونا چاہے گا
⬇️

مگر بارہا کوشش کے اسے داخل ہونے کی اجازت نہیں ملےگی اور وہ مدینہ کےشمال میں واقع جبل احد کےعقب میں چلاجائے گا۔صحیح مسلم کی روایت کےمطابق دجال جبل احد کے پیچھے ٹھہرے گا
حضرت مِحجَن بن الاَدرَع رضی اللہ عنہ سےروایت ہے کہ رسول اللہ ﷺ نے ایک دن لوگوں سے خطاب کیا چنانچہ تین مرتبہ
⬇️

(یہ) فرمایا یوم الخلاص و ما یوم الخلاص یوم الخلاص و ما یوم الخلاص۔ کسی نے پوچھا یہ یوم الخلاص کیا ہے؟ آپ صلی اللہ علیہ و آلہ وسلم نے فرمایا دجال آئے گا اور احد پہاڑ پر چڑھے گا پھر اپنے دوستوں سے کہے گا کیا اس قصرِ ابیض (سفید محل) کو دیکھ رہے ہو؟ یہ احمد (صلی اللہ علیہ وسلم) کی
⬇️

مسجد ہے۔ پھر مدینہ منورہ کی جانب آئے گا تو اس کے ہر راستے پر ہاتھ میں ننگی تلوار لیے ایک فرشتہ کو مقرر پائے گا۔ چنانچہ سبخۃ الجرف (جُرف نامی پہاڑ کے کنارے) کی جانب آئے گا اور اپنے خیمے پر ضرب لگائے گا پھر مدینہ منورہ کو تین جھٹکےگیں گے جس کے نتیجے میں ہر منافق مرد و عورت اور
⬇️

فاسق مرد وعورت مدینہ سے نکل کر اسکےساتھ چلےجائیں گے۔ اسطرح مدینہ (گنہگاروں سے)پاک ہوجائےگا۔ اور یہی یوم الخلاص (چھٹکارے یا نجات کا دن) ہے

نادر پیشنگوئی کا پایۂِ تکمیل کو پہنچنا:جبل احد مدینہ منورہ کے شمال میں واقع ہے جسکی بلندی 3533فٹ ہے مزکورہ حدیث میں الفاظ آئے ہیں کہ وہ
⬇️

"جبلِ اُحد پر چڑھے گا" گویا کہ وہ مدینہ منورہ کو جبلِ اُحد پر چڑھ کر ہی دیکھ سکے گا اور وہاں سے مسجد نبوی (صلی اللہ علیہ وسلم) کو دیکھ کر اپنے پیروکاروں سے کہے گا "کیا اس قصر ابیض (سفید محل) کو دیکھ رہے ہو؟ یہ احمد ( ﷺ ) کی مسجد ہے"
جبل احد کا مدینہ منورہ سے فاصلہ5 کلومیٹر ہے
⬇️

اس زمینی مسافت سے معلوم ہوتا ہے کہ دجال محض مسجد نبوی ﷺ اور شہر مدینہ سے 5 کلومیٹر باہر تک رہ جائے گا، اِسی لئے وہ جبل احد پر چڑھ کر مدینہ اور مسجد نبوی کو دیکھے گا یاد رہے مدینہ منورہ میں سمتِ قبلہ جنوب کی جانب ہے اور اس اعتبار سے جبل احد شمال میں یعنی مسجد نبوی کےعقب میں ہے
⬇️

اس جغرافیائی حیثیت سےمعلوم ہوتا ہے کہ دجال جب جبلِ اُحد پر چڑھ کر مسجد نبوی ﷺ کو دیکھےگا تو اس کا منہ عین کعبہ کی جانب ہوگا یعنی سمتِ جنوب کیطرف۔1414ھ مطابق 1994تک مسجد نبوی کی آخری توسیع کے بعد رسول اللہ ﷺ کی قصر ابیض یعنی سفیدمحل کی پیشنگوئی بھی مکمل ہوچکی ہے اب مسجد نبوی
⬇️

کو اگر جبل احد کیجانب سےدیکھا جائےتو گویا سفید محل معلوم ہوتی ہے۔ گزشتہ صدی میں سائنس کی ترقی کےبعد فضاء اور خلاء سے بارہا ایسی تصاویر لی گئی ہیں جن سے مسجد نبوی سفیدمحل دکھائی دیتی ہے یہ ذہن نشین رہنا چاہیےکہ یہ حدیث مسندامام احمد بن حنبل میں موجودہے اور امام احمد بن حنبل نے
⬇️

بروز جمعہ 12 ربیع الاول 241ھ مطابق 2 اگست 855ء کو بغداد میں وفات پائی ہے۔ گویا کہ یہ حدیثِ مبارکہ 1173 قمری سالوں (مطابق ہجری) کے بعد پایۂ تکمیل کو پہنچی ہے۔

سفید محل کی تصویر:
25 جون 2017ء کو امریکی خلائی اِدارے ناسا کے تحقیقی مشن Expedition 52 crew نےخلاء سے 48 درجہ زاویہ
⬇️

پر Nikon D4 Electronic Still Camera کے 1150 ملی میٹر لینز کی مدد سے عالمی وقت کے مطابق دوپہر 13:12:45 پر ایک نادر تصویر لی جس میں مسجد نبوی ﷺ ایک سفید محل دکھائی دیتی ہے جس کے شمال میں جبل اُحد سرخ رنگ میں دکھائی دے رہا ہے۔
______________________________
⬇️

حضرت ِمحجَن بن الاَدرَع رضی اللہ عنہ کی مروی حدیث کے حوالہ جات:
'مسند احمد بن حنبل: حدیث نمبر 19184 ( حضرت محجن بن الادرع سے مروی)
امام حاکم نیشاپوری: المستدرک للحاکم،کتاب الملاحم جلد 6، ص 721، حدیث نمبر 8631۔مطبوعہ لاہور، دسمبر 2013ء۔
*بلوغ الامانی من اسرار الفتح الربانی
⬇️

لترتیب مسند احمد بن حنبل الشیبانی:
جلد 4 ص 4676 حدیث نمبر 12986 مطبوعہ بیت الافکار الدولہ ریاض۔

*امام نور الدین علی بن احمد سمہودی: وفاء الوفاء بِاَخبارِ دار المصطفیٰ، اُردو ترجمہ، جلد 1، ص 105، فصل ذِکر الطاعون من المدینۃ المنورۃ۔
*الدکتور عبداللہ بن احمد الطائفی المکی:
⬇️

الفتنتہ العظمیٰ، اردو ترجمہ ص 189-190 مطبوعہ لاہور 2010.

*علامہ محمد بن عبدالرسول برزنجی: الإشاعۃ لاشراط الساعۃ، اُردو ترجمہ، ص 529۔ مطبوعہ لاہور، 2010ء
*امام الحافظ نور الدین علی بن ابی بکر الہیثمی: مجمع الزوائد و منبع الفوائد،جلد 7،ص350۔
حافظ بن ابن کثیر الدمشقی نے النہایہ
⬇️

والبدایہ مشہور بہ تاریخ ابن کثیر میں اس کو امام احمد بن حنبل کی روایت سےہی نقل کیا ہے۔علامہ نورالدین علی بن احمد سمہودی نےوفاء الوفاء بِاَخبارِ دار المصطفیٰ میں نقل کیا ہے اور کہا ہے کہ اِس روایت کے تمام رِجال صحیح ہیں۔۔
تحریر و تحقیق:
محمد عمیر مرزا
(محقق، ماہر فلکیات، مؤرخ)