Thread by @Arshe530

مسیحا:

ہنری ٹینڈی Henry Tandy جنگِ عظیم اول میں ایک برطانوی فوجی تھا جس نے اپنی دلیری اور جنگی مہارت کی وجہ سے برطانیہ کے سب سے بڑی عسکری ایوارڈ "وکٹوریا کراس" سمیت کئی اعزازات اپنے نام کئے۔ لیکن اس کی زندگی اور ملٹری سروس کا ایک واقعہ ناقابلِ فراموش ہے۔ 1918 میں وہ شمالی
⬇️

فرانس میں تعینات تھا جہاں اس کی ڈیوٹی رات کے وقت تھی۔
28 ستمبر 1918 کی تاریک دھند آلود اور سرد رات میں ہنری شمالی فرانس کے ایک گاؤں Marcoing کے نزدیک اپنی خندق میں ڈیوٹی پر تھا کہ اس نے مخالف سمت سے کسی وجود کو خندق کی جانب حرکت کرتے دیکھا۔
ہنری نے فوراً اپنی تفنگ سیدھی کی
⬇️

اور شست باندھ کر اس کا نشانہ لینے لگا۔ لیکن اس نے گولی نہ چلائی کیونکہ آخری وقت میں اسے یہ احساس ہوا کہ ممکن ہے یہ کوئی جرمن دشمن نہ ہو بلکہ کوئی زخمی فرانسیسی سپاہی ہو جو واپس اپنی پوزیشن کی تلاش میں بھٹک رہا ہو۔
چنانچہ اس نے تفنگ کا رخ اس کی جانب کئے رکھا لیکن فائر نہ کیا۔
⬇️

یہاں تک کہ لنگڑاتا ہوا وہ زخمی شخص اتنا نزدیک پہنچ گیا کہ چاند کی مدہم روشنی میں ہنری صاف دیکھ سکتا تھا کہ وہ ایک جرمن سپاہی ہے (یونیفارم کی وجہ سے)
اس کی چال سے صاف ظاہر تھا کہ وہ نہ صرف زخمی ہے بلکہ بری طرح سے ایگزاسچن کا شکار ہے۔
ہنری تفنگ کے گھوڑے پر انگلی کا دباؤ بڑھانے
⬇️

ہی لگا تھا کہ اس کے دل میں انسانیت چنگاری جل اٹھی جس نے اس کے دل کو ترحم کے نور سے روشن کر دیا۔
تب تک زخمی جرمن سپاہی بھی اس خندق اور ہنری کی تھی بندوق کو دیکھ چکا تھا اور وہیں رک گیا تھا۔
ہنری نے اپنی خندق میں اِدھر اُدھر دیکھا کہ اس کا کوئی اور سپاہی اسے دیکھ تو نہیں رہا۔
⬇️

لیکن کوئی بھی نزدیک موجود نہ تھا۔
ہنری نے ہاتھ کے اشارے سے موت کے لیے خود کو ذہنی طور پے تیار کرچکے دشمن سپاہی کو واپسی کا اشارہ کرتے ہوئے وہ سمت دکھائی کہ جس طرف جرمن خندقیں موجود تھیں۔
زخمی جرمن سپاہی نے ہاتھ کے اشارے سے اس فرشتہ صفت مسیحا کا شکریہ ادا کیا اور واپس اپنی
⬇️

صفوں کی طرف مڑ گیا۔
...
اس واقعے کو ہم عسکری تاریخ میں رحم و ترحم کا ایک یادگار واقعہ قرار دے سکتے ہیں۔
لیکن ۔۔!! ایک چھوٹا سا مسئلہ ہے۔
ہنری نے جس جرمن سپاہی کو زندہ چھوڑا تھا اس کا نام ایڈولف ہٹلر Adolph Hitler تھا۔۔
منقول