Thread by @RoymukhtarRoy

"علم و تحقیق"
تحقیق اور غور و فکر کا سب سے زیادہ حکم قرآن نے دیا
نبی کریم ﷺ نے مسلمانوں کو تحقیق کرنا سکھایا اور مسلمان ہر لحاظ سے دنیا سے آگے نکل گئے
تمام تر سائنسی علوم کی بنیاد مسلمانوں نے رکھی
دنیا کو وہ سب کچھ دیا جو دنیا کے پاس نہیں تھا
آل یہود مسلمانوں کی علمی ترقی سے🔻

خوفزدہ تھے
وہ جان گئے تھے کہ جب تک مسلمان علم و تحقیق سے جڑے رہیں گے
تب تک ہم دنیا پہ غالب نہیں آ سکتے
پھر انہوں نے کچھ اپنے بندے تیار کر کے مسلمانوں میں گھسا دئیے
جنہوں نے قرآن سے مزید سائنسی و سماجی علوم سیکھنے کی بجائے فرقہ ورانہ موضوعات نکالے
اور انہیں مختلف فرقوں کا حصہ🔻

بنا دیا
اور پھر اپنے تیار کردہ عقائد کے مطابق احادیث بھی گھڑ لیں
اور مسلمان ان چیزوں پہ مباحث کرنے لگے جو نہ ان کیلئے ضروری تھے
نہ ان کا سماج، معیشت اور سائنس سے کوئی تعلق تھا اور نہ ہی ان سے کچھ حاصل ہونے والا تھا
مگر حیرت انگیز طور پر یہ مباحث مسلمانوں میں تفریق کی بڑی وجہ 🔻

بن گئے۔ آل یہود آہستہ آہستہ غالب آتے گئے اور مسلمان کمزور ہوتے گئے
سات سو سالوں کا مسلمانوں کا عظیم الشان دور ختم ہو گیا
علمی ترقی کے دروازے بند ہو گئے
تحقیق و سائنس کے میدان میں جو کام ہوا تھا وہ سب مغرب میں منتقل ہو گیا
اور ہمارے ہاں چوکوں چوراہوں پر شیعہ سنی مناظرے ہوتے رہے🔻

جب ہلاکو خان بغداد پہنچا تو یہی ہو رہا تھا۔ اس نے مگر مسلک پوچھے بغیر بلا تفریق سب کی ایسی تیسی پھیر دی
اگر آپ محض مسلمان علما کی علم و تحقیق پر لکھی کتابوں کے نام لکھنے بیٹھ جائیں تو آپ کو ایک سال سے بھی زیادہ کا عرصہ لگے گا
آپ اگر کبھی جابر بن حیان، ابن الہیثم ،عمر خیام 🔻

الرازی، ابن سینا، فارابی ، یعقوب الکندی، اور خوارزمی کی اس دور کی لیبارٹریوں اور رصد گاہوں کا حال پڑھ لیں تو حیران رہ جائیں
اور مسلمانوں نے یہ سارے علوم قرآن اور مولا علی علیہ السلام سے سیکھے تھے
اور مولا علی علیہ السلام کو نبی کریم ﷺ نے سکھائے تھے
یہ ایک بڑا سوال کے کہ 🔻

مسلمانوں کو ایک گہری سازش کے تحت علم و حکمت سے دور کیا گیا
تو وہ اس سازش کو سمجھ کر اس کا تدارک کیوں نہیں کر پائے ؟
برصغیر پاک و ہند میں انگریزی سے نفرت کی بنا پر مسلمان ہی پورے برصغیر میں سب سے پیچھے تھے
جبکہ دیگر اقوام کہیں آگے نکل گئیں
بھلا ہو سر سید کا جو کچھ عزت رکھ لی
🔻

قدرت اللہ شہاب لکھتے ہیں کہ جب وہ سول سروس میں آئے تو ان سے پہلے محض دو تین مسلمان آفیسر تھے
باقی سب ہندو اور انگریز تھے
چلو وہاں تک تو ہم کہہ سکتے ہیں کہ ہم غلامی کی حالت میں تھے
اب کیا بیماری ہے ؟
اب تو ہم آزاد ہیں
کیا شرم کا مقام ہے کہ پورے عالم اسلام میں ایک ڈھنگ کی 🔻

یونیورسٹی نہیں ہے ؟
اور پاکستان میں توخیر بیڑہ ہی غرق ہے
بس آپ یونیورسٹی کی فیسیں جمع کروا دیں
ڈگری آپ کی ہے
یونیورسٹیوں کا یہ حال ہے تو مدراس بنے ہی فرقہ ورانہ بنیادوں پر ہیں
جن کی بنیاد میں ہی گھٹن اور فرقہ پرستی ہو گی
وہاں سے علم کیسے برآمد ہو گا ؟
آپ ایک دائرے میں بند رہیں🔻

گے اور اسی دائرے میں عمر گزار کر فوت ہو جائیں گے
جبکہ علم و تحقیق و ایجادات کیلئے نئے خیالات کی آبیاری کرنا ہوتی ہے
ہمارے تو علماء کرام ایک عرصہ دراز سے شلوار کہاں باندھنی ہے ؟
نماز کیلئے ہاتھ کہاں باندھنے ہیں ؟
پورے سر کا مسح کرنا ہے کہ آدھے کا ؟
گھڑی کا چین پلاسٹک کا ہو کہ 🔻

لوہے کا ؟
تراویح آٹھ پڑھیں یا بیس ؟
کون کافر ہے کون مسلم ہے ؟
نماز پڑھتے وقت پاؤں کتنے کھلے ہوں ؟
فلاں فرقے والوں کے پیچھے نماز ہو سکتی ہے یانہیں ؟
افطار کا کون سا وقت درست ہے ؟
کون سی آیت کا کس نے ترجمہ درست کیا ہے ؟
کون سی حدیث ضعیف ہے اور کون سی مستند ؟
جیسے مسائل کو نہ 🔻

سمجھ سکے نہ حل کر سکے اور نہ ہی امت کو کسی ایک چیز پہ متفق کر سکے
ہوتے ہوتے حال یہ ہو گیا کہ ہر چیز اپنے ہاتھ سے نکل گئی
اور ہم کفار کے ذہنی و معاشی غلام بن کر رہ گئے
اس وقت مغرب ہمیں ہر طرح سے کنٹرول کر رہا ہے
اور ہم سوچ رہے ہیں
کہ مخالف فرقوں کو دین اسلام سے کیسے خارج کرنا🔻

ہے اور جنت کی چابیاں کیسے اپنے قبضے میں کرنی ہیں
نیز یہ کہ ہمارے علما حق ہیں
باقی بک بک ہیں
مسلمانوں پہ علمی زوال یک دم نہیں آیا
اس پہ بہت وقت لگا ہے
مگر افسوس یہ ہے کہ اس جدید ترین ٹیکنالوجی کے دور میں بھی ہم حلال حرام تک کے concepts سے واقف نہیں ہیں
ہمیں نہیں معلوم کہ گناہ 🔻

ثواب کیا ہوتا ہے اور اس کا فلسفہ کیا ہے ؟
ہم تیجے ،ساتویں ،چالیسویں، میلاد النبی، محرم کی مجالس ، صحابہ کے ایام پہ گھنٹوں لاحاصل بحث کرتے ہیں
اور اتنا قیمتی وقت ضائع ہونے پہ ہمارے دل کو بھی کچھ نہیں ہوتا ؟
اللہ صرف ہمارا نہیں ہے
وہ تو رب العالمین ہے
یعنی سب کا رب ہے
جو اس کے 🔻

اصولوں پر چلے گا اسے وہ نواز دے گا
اور نبی کریم ﷺ بھی رحمت اللعالمین ہیں
جو نبی کریم ﷺ کے فرامین اور فارمولوں کو اپنائے گا وہ بلاشبہ کامیاب ہو گا
مولا علی علیہ السلام بھی مولائے کائنات ہیں، جو مولا کی علمی اپروچ کو استعمال میں لائے گا
یقیناً ترقی کرے گا
کفار نے سیدنا عمر 🔻

فاروق رضی اللہ عنہ کی جامع اصلاحات سے بہت کچھ سیکھا ہے
خصوصاً آپ کے احتساب کے نظام پہ تو باقاعدہ قانون سازی کی ہے
مجھے نہیں معلوم کہ امت مسلمہ کب تک جوتے کھائے گی
مگر یہ معلوم ہے کہ جب تک فرقہ پرستی اور مفاد پرستی نہیں چھوڑتی
اور علم و تحقیق پہ نہیں آتی
یہی حال رہے گا !!
#میرا

@threadreaderapp unroll