Thread by @RoymukhtarRoy

"پنجتن پاک سلام اللہ علیہم اجمعین "
"اکثر اہل اسلام اور محبان اہل بیت عظام کی زبان و قلم سے لفظ "پنجتن پاک" سنا اور پڑھا جاتا ہے تو دل کو خوشی اور ذہن کو فرحت حاصل ہوتی ہے، مگر بعض سطحی الذہن لوگوں کی طبیعت پر یہ لفظ گراں گزرتا ہے۔ ان کا کہنا ہے کہ اگر صرف پنجتن یعنی پانچ 🔻

بدن ہی پاک ہیں تو کیا باقی سب پلید ہیں. یہ استدلال ان کی پست ذہنیت کی عکاسی کرتا ہے۔ راقم الحروف بھی پہلے پہلے اس استدلال کے سامنے مرعوب تھا مگر اللہ تعالیٰ نے میری رہنمائی فرمائی اور مجھے قرآن و سنت سے لفظ "پنجتن پاک" کی دلیل حاصل ہو گئی"
(کتاب خصائص علی، امام نسائی ص 282) 🔻

درج بالا عبارت جیسا کہ آپ کو معلوم ہو گیا کہ امام عبد الرحمٰن النسائی کی کتاب خصائص علی سے لی گئی ہے
جس میں آیت تطہیر اور آیات مباہلہ اور اس کی تفصیل و تفسیر میں درجنوں احادیت کی مدد سے یہ ثابت کیا گیا ہے کہ صرف پانچ نفوسِ قدسیہ یعنی نبی کریم ﷺ، مولا علی، سیدہ فاطمتہ الزہرا، 🔻

اور حسنین کریمین سلام اللہ علیہم اجمعین ہی دنیا میں سب سے بڑھ کر طیب و طاہر ہیں
اس کا ہر گز یہ مطلب نہیں ہے کہ ان کی طہارت اور پاکیزگی سے دوسروں کی طہارت کی نفی ہوتی ہے
جیسا کہ ہم اہل سنت کے ہاں ایک نعرہ "حق چار یار" لگایا جاتا ہے
کیا اس کا یہ مطلب ہے کہ نبی کریم ﷺ کے صرف 🔻

چار صحابہ ہی ان کے یار تھے ؟
کیا باقی صحابہ نہیں تھے ؟
کیا کوئی یہ مطلب اخذ کر سکتا ہے ؟
ہر گز نہیں !
تو پھر جب اللہ اور اس کے رسول ﷺ نے پانچ نفوسِ قدسیہ کو پروٹوکول دیا اور آیت تطہیر نازل کر کے یہ بتا دیا کہ یہ پانچ نفوس وہ ہیں جو ہر قسم کی نجاست سے پاک ہیں
اور انہیں میں 🔻

نے یعنی اللہ نے پاک کیا ہے
تو اب اللہ کے فیصلے پر انکار کی جرات کس لئے ؟
اعتراض کرنے والے تو بالکل ابلیس کے طریقے پر ہیں کہ جس نے آدم علیہ السلام کو خلیفہ بنانے پر انہیں سجدے سے انکار کر دیا تھا
اور منکرین اس آڑ میں امہات المومنین کو لے آتے ہیں کہ کیا وہ اہل بیت نہیں ہیں 🔻

یہ کیسے عجیب لوگ ہیں
کیا یہ قرآن نہیں پڑھتے
سورہ احزاب کی آیت نمبر 28 میں اللہ کیا فرماتا ہے :
"اے نبی کی بیویو ! اگر تم دنیا کا مال متاع چاہتی ہو تو آو میں تمہیں اچھی طرح کچھ دے کر رخصت کر دوں"
کیا حالات تھے کہ جن کی وجہ سے اللہ نے یہ فرمان جاری کیا ؟
اس پہ غور و فکر کریں🔻

تو جان پائیں گے کہ امہات المومنین کا مقام بلاشبہ بلند ہے
دنیا کا ہر بڑے سے بڑا مرتبہ رکھنے والا چاہے صحابی ہو قطب ہو غوث ہو یا جتنا مرضی بڑا ولی اللہ ہو اس کا سر امہات المومنین کے آگے جھکا ہے
مگر نبی کریم ﷺ نے چادر تطہیر میں صرف مولا علی ،سیدہ فاطمہ اور حسنین کریمین کو ہی داخل🔻

فرمایا جبکہ اس موقع پر سیدہ عائشہ صدیقہ رضی اللہ عنہا اور حضرت ام سلمہ رضی اللہ عنہا موجود تھیں
ان احادیث کی راویہ بھی یہی امہات المومنین ہیں
مطلب جہالت کی انتہا ہے کہ خود امہات المومنین کو پنجتن پاک کی تخصیص پہ اعتراض نہیں ہیں
وہ خوشی خوشی اس امر کو قبول کرتی ہیں اور اس دور 🔻

کے نام نہاد مسلمانوں کو اس پہ اعتراض ہوا پڑا ہے ؟
امہات المومنین نے نبی کریم ﷺ کے اس عمل و اس متعلق فرامین کو امت تک پہنچایا
اگر ان میں حسد یا ناراضی کا کوئی شبہ بھی ہوتا یا وہ اس پہ ناخوش ہوتیں تو ان احادیث کو بیان ہی نہ فرماتیں
مگر آپ کو حدیث کی ہر کتاب میں یہ احادیث ملتی 🔻

ہیں۔ جب بھی آپ آیت تطہیر اور آیات مباہلہ کی تفسیر پڑھیں گے
چاہے وہ جس کسی نے مرضی لکھی ہو
دوسری مثال آپ ریاض الجنہ کی لیں
یہ مشہور ترین حدیث ہے؛
"میرے گھر اور میرے منبر کے درمیان والی جگہ ،جنت کےباغوں میں سے ایک باغ ہے"
اب اگر منکرین کا استدلال قبول کر لیا جائے تو پھر یہی سمجھا🔻

جائے کہ باقی مسجد نبوی پھر کیا ہے ؟
جبکہ پوری مسجد نبوی کی فضیلت مسلم ہے
حضرت ام سلمہ رضی اللہ عنہا بیان کرتی ہیں:
"آگاہ رہو ! بیشک میری مسجد عورتوں میں سے ہر حائض عورت اور مردوں میں سے جنبی مرد پر حرام ہے، ماسوا محمد ﷺ کے اہل بیت یعنی علی،فاطمہ، حسن اور حسین "
(السنن الکبری،🔻

(البیہقی)
بعض احادیث کے آخر میں یہ ارشاد بھی ہے !
"خبردار ہم نے تمہارے سامنے نام بیان کر دئیے تاکہ تم بھول نہ جاؤ"
سو مذکورہ بالا دلائل کے باعث نبی کریم ﷺ مولا علی، سیدتنا فاطمتہ الزہرا اور حسنین کریمین سلام اللہ علیہم اجمعین (پانچ نفوسِ مقدسہ) کو پنجتن پاک کہتے ہیں اور چونکہ 🔻

یہ نفوسِ مبارکہ سب سے بڑھ کر پاک ہیں اس لئے سب سے بڑھ کر اتمام نعمت کے مصداق بھی یہی پنجتن پاک ہیں۔ پس حضور کریم ﷺ مطلقاً سیدہ العالمین، مولا علی علیہ السلام تمام عالم اسلام کے مولا ، ولی اور سید العرب،سیدہ فاطمتہ الزہرا عالمین کی تمام خواتین کی سردار اور حسنین کریمین 🔻

نوجوانان جنت کے سردار ہیں۔ ان بلند مراتب پر فائز ہونے کا سبب ان نفوسِ مبارکہ کی وہ عطائی طہارت ہے جو انہی کے ساتھ مخصوص ہے
اللہ نے ان نفوس مقدسہ کو خلاصہ کائنات بنایا اور ان کو اپنی توحید کی اٹل دلیل قرار دیا
چنانچہ نجران کے عیسائی علما جب توحید الٰہی کے مسلہ میں بحث و تکرار🔻

پر اتر آئے تو اللہ تعالیٰ نے ان کے سامنے علمی دلائل پیش کرنے کا حکم فرمایا اور بالآخر مباہلہ کا چیلنج دینا پڑا
یہ منکرین توحید کے خلاف فائنل مرحلہ تھا
چنانچہ حضرت سعد بن ابی وقاص رضی اللہ عنہ بیان کرتے ہیں:
"جب یہ آیت نازل ہوئی "ہم بلا لیں اپنے بیٹوں کو اور تمہارے بیٹوں کو، 🔻

تو نبی کریم ﷺ نے سیدنا علی ،فاطمہ حسن اور حسین کو بلایا، پھر عرض کیا: اے اللہ یہ میرے اہل بیت ہیں"

حق ہمیشہ واضح ہوتا ہے
مگر اگر کوئی تلاش کرنا چاہے تو
اہل بیت کا بغض مگر ایک روحانی بیماری ہے جو اس طرف آنے نہیں دیتی
ہم مسلمان نبی کریم ﷺ کے نعلین کا بھی احترام کرتے ہیں یہ 🔻

کیسے ممکن ہے کہ نبی کریم ﷺ کی ازواج آپ کے جانثار صحابہ، آپ کے غلام حتی کہ آپ کے استعمال کی تلوار اور آپ کی سواری کے جانور بھی ہمارے لئے متبرک و محترم ہیں
مگر اہل بیت یعنی پنجتن پاک کی تخصیص خود اللہ اور اس کے رسول ﷺ نے کی ہے
صرف چار نفوسِ قدسیہ کو اپنا اہل بیت نبی کریم ﷺ نے🔻

خود قرار دیا ہے
اور امہات المومنین نے یا جید صحابہ کرام میں سے کسی نے نبی کریم ﷺ کے ان فیصلوں اور فرامین پر اعتراض کی جرات نہیں کی کیونکہ وہ جانتے تھے نبی کریم ﷺ جو کرتے ہیں
اللہ کی مرضی سے کرتے ہیں
اور آقا کریم ﷺ کے کسی قول یا فعل پہ اعتراض کا مطلب ایمان کا خاتمہ ہے
آج کے🔻

مسلمان مگر بصیرت و شعور سے فارغ ہیں
جو خود ساختہ عقائد اور اپنے مولویوں کو نبی کریم ﷺ پہ ترجیح دیتے ہیں
آپ کون ہوتے ہیں اللہ اور اس کے رسول کی بات نہ ماننے والے ؟
میں مرزا انجینئر کو پسند نہیں کرتا
مگر اس نے اس موضوع پر مدلل اور مستند حوالوں سے گفتگو کی ہے
اس کے علاؤہ امام 🔻

عبد الرحمٰن النسائی ،حافظ ابن کثیر، قسطلانی ،ملا علی قاری اور علامہ طاہر القادری جیسے علما نے سیر حاصل بحث کی ہے
اور اسے ثابت کیا ہے کہ پنجتن پاک اور اہل بیت کون ہیں اور کیوں ہیں !
اللہ توفیق بخشے تو ہی اہل بیت کی محبت حاصل ہوتی ہے
کیونکہ یہ صرف جنتیوں کا نصیب ہے
#میرا