Thread by @RoymukhtarRoy

" ایمان کامل "
توحید و رسالت اور قرآن پہ تو پوری امت متفق ہے
اور ہمیشہ متفق رہی ہے
پھر امت میں اتحاد کیوں نہیں
پھر اتنے فرقے اتنی جماعتیں اتنے گروہ کیوں ہیں ؟
اس سوال کے جواب کیلئے تاریخ میں واپس جانا ہو گا
آئیے ہم میدان عرفات میں چلتے ہیں
یہ آٹھ ہجری ہے
نبی کریم ﷺ خطبہ 🔻

حجتہ الوداع ارشاد فرما رہے ہیں
انسانی حقوق کا چارٹر بیان کرنے کے بعد آپ ﷺ دین کے مکمل ہونے کا اعلان فرما دیتے ہیں
اب حج سے واپسی پر نبی کریم ﷺ غدیر خم میں قیام فرماتے ہیں
اور صحابہ کرام ،آقا کریم ﷺ کا آخری خطبہ سماعت فرماتے ہیں
آپ ﷺ ایک بلند جگہ پر کھڑے ہوتے ہیں اور قرآن 🔻

کی آیت " نبی مومنوں پر ان کی جانوں سے بھی زیادہ حق رکھتے ہیں" تلاوت فرماتے ہیں
اور اس کے ساتھ ہی مولا علی علیہ السلام کا ہاتھ پکڑ کر بلند کرتے ہیں اور فرماتے ہیں کہ جس جس کا میں مولا ہوں اس اس کا علی مولا ہے،
یعنی جس طرح مومنوں پر ان کی جانوں سے زیادہ میرا حق ہے ویسا ہی حق 🔻

علی کا بھی ہے
نبی کریم ﷺ کو چونکہ معلوم تھا کہ ان کے وصال کا وقت قریب ہے
اس لئے آپ ﷺ اپنے صحابہ کرام و امت کا امام مولا علی علیہ السلام کو مقرر کیا، نبی کریم ﷺ کا خطبہ مکمل ہوا تو سب سے پہلے سیدنا عمر فاروق رضی اللہ عنہ نے آگے بڑھ کر مولا علی علیہ السلام کو مبارک دی اور 🔻

کہا کہ "اے علی آپ تو آج سے ہر مومن و مومنہ کے مولا بن گئے"
پھر اس کے بعد سب صحابہ کرام رضوان اللہ علیہم اجمعین باری باری مولا علی علیہ السلام کو مبارک دینے لگے
اور "من کنت مولاہ" والی یہ واحد حدیث ہے جسے ڈیڑھ سو سے زیادہ جید صحابہ کرام نے روایت کیا
اب دین کے مکمل ہونے کا اعلان 🔻

کرنے کے بعد ایمان کے کامل ہونے کا اعلان بھی کر دیا گیا
یعنی کامل مومن وہی ہو گا جو علی کو اپنا مولا تسلیم کرے گا
اسی کا تسلسل تھا کہ نبی کریم ﷺ نے علی سے محبت کو ایمان اور علی سے بغض کو نفاق قرار دیا
علی کے دشمن کو اپنا دشمن قرار دیا
مولا علی علیہ السلام کو اپنا نفس اپنی جان 🔻

اپنا گوشت اپنا خون قرار دیا
تمام ظاہری و باطنی علوم سے سرفراز فرمایا،سیدہ العالمین جناب فاطمتہ الزہرا سلام اللہ علیہا سے آپ کا عقد کیا
اور آپ کے بیٹوں کو جنت کا سردار بنایا
پوری کائنات ایک طرف اور علی علیہ السّلام ایک طرف
اور مولا علی علیہ السلام کے فضائل پھر بھی کائنات پہ 🔻

بہت بھاری ہیں
انہی بے بہا فضائل کی بنا پر کچھ لوگ غلو کا شکار ہو گئے
کچھ نے مولا علی علیہ السلام کو نبی کریم ﷺ سے ہی بڑھا دیا
کچھ نے خدا ہی مان لیا
اور کچھ حسد کی وجہ سے بغض رکھنے لگے، اور آج تک یہ سب عقائد کسی نہ کسی شکل میں موجود ہیں
اس صورت حال پہ خود مولا علی علیہ السلام 🔻

کا فرمان بھی ہے کہ میری محبت میں حد سے بڑھنے والے اور مجھ سے بغض رکھنے والے دونوں جہنمی ہیں
جبکہ درست عقیدہ یہ ہے
کہ مولا علی علیہ السلام اپنے تمام تر غیر معمولی فضائل کے باوجود اللہ کے بندے ہیں اور نبی کریم ﷺ کے اہل بیت ہیں، مولا علی علیہ السلام کو مولا علی نبی کریم ﷺ نے 🔻

بنایا ہے، مولا علی علیہ السلام کے تمام فضائل اللہ و رسول ﷺ کے عطا کردہ ہیں، جس طرح باقی ساری مخلوقات کا موازنہ مولا علی علیہ السلام سے نہیں کر سکتے ،ایسے ہی مولا علی علیہ السلام کا موازنہ رسول کریم ﷺ سے نہیں کر سکتے، اور مولا علی کو خدا کہنے یا ماننے والے تو بلاشبہ مشرک ہیں🔻

مولا علی علیہ السلام جو کچھ بھی ہیں نبی کریم ﷺ کے فضل و کرم اور اللہ کی عطا سے ہیں
اب وہ لوگ جو آپ کی محبت میں حد سے گزر گئے اور آپ کے نام پہ الگ فرقے بنا لئے اور کچھ رافضیت کی طرف چلے گئے اور دوسرے وہ لوگ جو آپ کے بغض میں خوارجی اور ناصبی ہو گئے
اور ان لوگوں کو اپنا سیدنا 🔻

اور امیر مان لیا کہ جن کی تاریخ میں کوئی ایک خوبی موجود نہیں تھی
یہ دونوں گروہ گمراہ ہوئے
اور یوں مولا علی علیہ السلام کا فرمان حق ثابت ہوا
آج بھی امت مسلمہ میں نفاق کی بڑی وجہ ہے حب علی میں غلو اور بغض علی ہی ہے
اگر امت مسلمہ نبی کریم ﷺ کے فرامین کے مطابق مولا علی علیہ السلام🔻

کو اپنا مولا مان لیتی
سب آپ سے محبت رکھتے
اللہ اور اس کے رسول ﷺ کی تقسیم و عطا سے حسد نہ کرتے تو آج پوری امت ایک ہوتی
پھر نبی کریم ﷺ نے فرمایا کہ میں تم میں قرآن اور اپنے اہل بیت چھوڑ کر جا رہا ہوں
ان کا دامن پکڑے رکھنا اور ان کے معاملے میں اللہ سے ڈرتے رہنا
امت نے یہ سب 🔻

فرامین فراموش کر دئیے
کچھ مولا علی علیہ السلام کی محبت میں حد سے گزر گئے
اور کچھ بغض میں حد سے گزر گئے
آج آپ دیکھیں کہ دشمن علی کا عرس منانے والے لوگ کون ہیں ؟
یہ وہ ہیں جو مولا علی علیہ السلام سے بے حد بغض رکھتے ہیں
اور یہ خلفائے ثلاثہ کو گالیاں دینے والے کون ہیں ؟
یہ وہ ہیں 🔻

جو مولا علی علیہ السلام کی محبت میں حد سے گزر گئے ہیں
اب جب دونوں طرف حد سے بڑھے لوگ ہوں گے تو خیر کہاں سے آئے گا ؟
یہی ہو گا جو ہو رہا ہے
جو مولا علی علیہ السلام سے بغض رکھے گا وہ لازمی طور پر فسادی اور بدتمیز ہو گا
جیسا کہ آپ کچھ جماعتوں کو دیکھتے ہیں اور جو مولا علی علیہ 🔻

السلام کی محبت میں غلو کرنے والا ہو گا وہ بے عمل اور زبانی کلامی مسلمان ہو گا
اعتدال کیا ہے ؟
جس پہ کہ چلنے کا نبی کریم ﷺ نے حکم دیا ہے
اعتدال یہ ہے کہ اللہ کی واحدانیت نبی کریم ﷺ کی رسالت اور اہل بیت اطہار کی مودت فرض ہے
نبی کریم ﷺ کے جید صحابہ کرام کے جن کے وسیلے سے دین 🔻

ہم تک پہنچا ، ان کا سخت احترام واجب ہے، خصوصاً سیدنا ابوبکر صدیق رضی اللہ عنہ، سیدنا عمر فاروق رضی اللہ عنہ، سیدنا عثمان غنی رضی اللہ عنہ سے محبت و عقیدت رکھے بغیر نہ تو رسول کریم ﷺ راضی ہوتے ہیں
اور نہ ہی مولا علی علیہ السلام راضی ہوتے ہیں
امہات المومنین کے ادب کا حکم تو اللہ🔻

نے قرآن میں واضح طور پر دے دیا
اور اگر آپ اعتدال پہ نہیں بھی چلتے تو کیا کر لیں گے ؟
آپ کی یا میری اوقات ہی کیا ہے ؟
ہم اس دور کے ریڈی میڈ مسلمان کہ جنہوں نے دین کیلئے کبھی ایک ٹکے کا کام نہیں کیا
اگر ہم نبی کریم ﷺ کے جانثار صحابہ کو برا بھلا کہیں گے
تو ان کا کیا بگاڑ لیں گے ؟🔻

جب اللہ نے قرآن میں دس سے زیادہ بار ان کیلئے اپنی رضا کا اعلان کر دیا تو اب ہم کیا کر لیں گے ؟
سیدنا ابوبکر صدیق رضی اللہ عنہ کی شان میں قرآن میں انیس آیات ہیں
کیا وہ نکلوا سکتے ہیں ؟
ایویں مولویوں اور ذاکروں کی بکواس سن سن کر اصل سے ہٹ کر فروع کے پیچھے پڑے ہیں
حشر میں اللہ 🔻

آپ سے صرف آپ کے اعمال کا پوچھے گا
چودہ سو سال پہلے کی کسی شخصیت کیلئے آپ جوابدہ نہیں ہیں
اور جو اہل بیت سے بغض رکھتے ہیں
یہ کیا کر لیں گے ؟
کیا مولا علی علیہ السلام سے ولایت و امامت کا منصب واپس لے سکتے ہیں ؟
سیدہ العالمین جناب فاطمتہ الزہرا سلام اللہ علیہا کو جنت کی سرداری سے 🔻

ہٹا سکتے ہیں ؟
حسنین کریمین سلام اللہ علیہا کے مناصب واپس لے سکتے ہیں ؟
اور جو مولا علی علیہ السلام کے دشمن کا عرس منائے گا تو اس سے مولا علی علیہ السلام کو کوئی فرق پڑ جائے گا ؟
نہیں ناں !
بلکہ منانے والے کا ہی بیڑہ غرق ہو گا
دنیا میں چار دن کی واہ واہ اور آخرت میں ذلت ہی ذلت🔻

وہ جوتے پڑیں گے کہ اللہ کی پناہ !
ایسا کرنے والوں کو تو نبی کریم ﷺ کی زیارت تک نہ ہو گی
بہرحال ہمیں کسی سے کچھ نہیں لینا دینا، جس کا جو نصیب ہے اسے ملے گا
بس یہ یاد رکھیں کہ ایمان کامل کی علامت مولا علی علیہ السلام ہیں
ان سے محبت ہی ایمان کا معیار ہے
مگر اس محبت میں حد سے 🔻

بڑھنا نقصان دہ ہے
بغض رکھنا تو خیر تباہی کا راستہ ہے
نبی کریم ﷺ کے جید صحابہ کرام رضوان اللہ علیہم اجمعین کا احترام بھی واجب ہے
ورنہ بات نہیں بنتی
معاویہ بن ابو سفیان کے بارے میں بھی اہلسنت کا عقیدہ کف اللسان کا ہے
نہ برا کہیں نہ بھلا بس خاموش رہیں
اللہ بہتر حساب لینے والا ہے!!