Thread by @watunistory

"Kuna demu mmoja nina urafiki nae kiasi kwamba binafsi nikiwa na shida yoyote ananisaidia. Mara nyingi huwa anakuja home hata nguo zangu huwa anafua na usafi anafanya. Chochote nitakachomwambia anafanya.

Alishaniweka wazi kuwa ana ngoma na mambo yake yote huwa hanifichi hata awe na mahusiano basi ataniweka wazi kwa kila kitu hata akalale na huyo mwanaume.

Tatizo linakuja sehemu moja, hatujawahi kuongelea swala la kuwa na mahusiano. Mimi na yeye huwa ni stori za kawaida tu.

Mimi nina mahusiano na demu mwingine na anamfahamu hata nikikosana na demu wangu anakuwa wa kwanza kutusuluhisha. Alishawahi kuolewa wakaachana na mume wake kisa huyo mwanaume alimwambia aache mazoea na mimi akakataa.

Watu mtaani wanahisi mimi nina mahusiano nae, kitu kitu ambacho si cha kweli. Wazazi wake walishampiga marufuku kuhusu mimi lakini kagoma kabisa maana yule aliyemuoa alienda kushtaki. Akitongozwa mie ndio mtoa maamuzi, akubali au akatae.

Kila boy anayekuwa nae wanaachana baada ya muda mfupi, ukiuliza sababu ni yeye kuwa karibu na mimi.

Baadhi yao wananichukia kuwa nawachukulia demu wao kitu ambacho sio kweli.

Hata demu wangu huwa anahisi hivyo lakini hajawahi kuona tupo mazingira ya kumfanya aamini tuna mahusiano ya chinichini.

Anasema hakuna wa kuja kunitenganisha urafiki nae hata iweje na mtu atakaekuja kumuoa akubali kwanza kuhusu mimi ndo wataelewana.

Na kama unavyojua wanaume walivyo na wivu. Akikuta watu wananiongelea vibaya ni kesi, alishawahi lala polisi kapiga mtu kisa kuniongea vibaya.

Nilishamweleza kuwa akae mbali na mimi nisije fanyiwa kitu kibaya na watu wake, lakini hayupo tayari na alishajaribu kujiua kwajili ya kumwambia hivyo.

Alinambia siku moja kwamba mimi na yeye kamwe hatuwezi kuwa na mahusiano maana itatokea siku tutagombana na atanikosa na urafiki wetu utaishia hapo. Anachotaka tuwe na urafiki tu.

Ana kazi yake ya ususi, sasa nashindwa nifanyeje maana nazidi kuongeza maadui tu kuhusu yeye na hayupo tayari kukaa mbali na mimi. Sielewi nifanye nini". Anonymous #WatuNiStory