Thread by @anbezhil12

#நடராஜர் ஸ்ரீ நடராஜரின் உருவ அமைப்பை பற்றி பொதுவாக தெரிந்துகொள்வது அவசியம். நடராஜ வடிவம் சிவனின் நடனத்தை குறிக்கிறது, நான்கு கரங்கள் கொண்டது. சிவனின் சடை முடியப்பட்டு அணிகளால் அலங்கரிக்கப்பட்டுள்ளது, கீழ்பக்க சடை அவிழ்ந்து நடனத்தில் விரிந்து பறந்துகொண்டிருக்கிறது. முடிந்த சடையின்

மீது மண்டையோட்டையும், கங்கா தேவியின் உருவத்தையும், சடையைச் சுற்றி ஒரு நாகத்தையும், சடையின் மீது பிறைநிலவையும் காணலாம். தலையில் கொன்றையிலை மகுடம் சூடப்பட்டுள்ளது. வலது காதில் ஆண்கள் அணியும் காதணியும் (மகர குண்டலம்), இடது காதில் பெண்கள் அணியும் காதணியும் (குழை) அணிந்திருக்கிறான்.

கழுத்தில் ஆரமும், கைகளில் வளையங்களும், முழங்கையில் கடக வளையமும், கை விரல்களிலும், கால் விரல்களிலும் மோதிரங்களும் அணிந்திருக்கிறான். இடையில் இறுக்கமாக அணிந்துள்ள புலித்தோலாடை அவன் அணிந்துள்ளவற்றில் முக்கியமான ஒன்றாகும். மேலும் உதரபந்தமும் முப்புரிணூலும் அணிந்துள்ளான். ஒரு வலது

கரம் துடியை ஏந்தியுள்ளது, மற்றொன்று அபயஹஸ்தம் காட்டுகிறது. ஒரு இடது கரம் அனலை ஏந்தியுள்ளது, மற்றொன்று கஜஹஸ்தம் காட்டுகிறது, இக்கரம் முயலகனை நோக்கியிருக்கிறது. முயலகன் நாகத்தை பிடித்துக்கொண்டிருக்கிறான். இடதுகால் தூக்கிய திருவடியாக உள்ளது. பத்மபீடத்தில் துவங்கும் திருவாசி வட்ட

வடிவில் அமைந்துள்ளது, அதைச் சுற்றிலும் சுடர் எரிந்துகொண்டிருக்கிறது. துடியையும் அனலையும் ஏந்தியுள்ள கரங்கள் திருவாசியைத் தொட்டுக் கொண்டிருக்கின்றன. நடராஜரின் திருமேனிகள் அனைத்தும் ஒரே அளவில் நான்கு அடி உயரத்தில் காணப்படும், அரிதாக நான்கு அடியை தாண்டியும் இருக்கும். அவர் தாண்டவம்

ஆடும் பஞ்ச சபைகள்:
1. ரத்தின சபை – திருவாலங்காடு.
2. கனகசபை – சிதம்பரம்.
3. ரஜிதசபை – (வெள்ளி சபை) – மதுரை.
4. தாமிரசபை – திருநெல்வேலி.
5. சித்திரசபை – திருக்குற்றாலம்.
நடராஜர் தாண்டவம் ஆடும் பஞ்ச தாண்டவ தலங்கள்
1. ஆனந்த தாண்டவம் – சிதம்பரம், பேரூர்
2. அஜபா தாண்டவம் – திருவாரூர்

3. சுந்தரத் தாண்டவம் – மதுரை
4. ஊர்த்துவ தாண்டவம் – அவிநாசி
5. பிரம்ம தாண்டவம் – திருமுருகன்பூண்டி
இறைவன் பல சந்தர்ப்பங்களில் பல திருத்தலங்களில் பலவிதமான நடனங்கள் ஆடி அருள் புரிந்திருக்கிறார். மேலும், சந்தியா தாண்டவம், கௌரித் தாண்டவம், திரிபுரத் தாண்டவம், காளிகா தாண்டவம், சம்ஹாரத

தாண்டவம் என பல தாண்டவங்கள் ஆடி உலகுக்கு உண்மை நிலையை உணர்த்தியுள்ளார்.
1. திருவாரூர் திருத்தலத்தில் ஸ்ரீநடராஜப் பெருமான் திருமாலின் மூச்சுக்காற்றுக்கு இணையாக அசைந்தாடியதால் இதனை அஜபா நடனம் என்பர்.
2. திருக்குவளையில், முன்னும் பின்னும், மேலும் கீழுமாக- தேன்கூட்டின் முன் தேனீக்கள்

அசைந்தாடி காட்சி தருவதுபோல் ஆடும் நடனத்தை பிரம்மத் தாண்டவம் என்று போற்றுகின்றனர்.
3. திருநள்ளாற்று தலத்தில் உன்மத்தம் பிடித்தவன்போல ஆடியதால் அத்திருநடனத்தை உன்மத்த நடனம் என்பர்.
4. நாகைத் திருத்தலத்தில் கடல் அலைபோல மேலெழுந்து, பிறகு அடங்கி ஆடும் நடனத்தினை பாராவாரதரங்க நடனம்

என்கின்றனர். இதனை வீசி நடனம் என்றும் சொல்வர்.
5. திருமறைக்காடு திருத்தலத்தில் இறைவன் அன்னப்பறவைபோல் அசைந்தாடுகிறார். இந்த நடனத்தினை ஹம்ச நடனம் என்பர்.
6. திருவாய்மூர் திருத்தலத்தில், தடாகத்தில் மலர்ந்திருக்கும் தாமரை மலர்கள் காற்றலைகளால் அசைந்தாடுவதுபோல் ஆடியதால் கமல நடனம்!

7. திருக்காறாயில் திருத்தலத்தில், கோழி தன் சிறகை அடித்துக் கொண்டு தன் குஞ்சுகளைச் சுற்றி வரும் நிலையில் இறைவன் ஆடியது குக்குட நடனம்.
8. திருவாலங்காட்டில் காளிக்காக ஆடியது காளி தாண்டவம்.
9. தஞ்சை மாவட்டம் திருச்செங்காட்டங்குடி திருத்தலத்தில் நவதாண்டவ மூர்த்திகளான புஜங்க லலிதம்,

கால சம்ஹாரமூர்த்தி, கங்காள மூர்த்தி, பிட்சாடன மூர்த்தி, திரிபுர சம்ஹார மூர்த்தி, பைரவர், உத்திராபதியார் ஆகியயோரை சிற்ப வடிவில் காணலாம்.
நடராஜ வடிவத்தின் பாகங்கள் ஒவ்வொன்றும் நேரடியாகவே அர்த்தப்படுகின்றன, இதில் எந்த மூடநம்பிக்கைகளுக்கும் இடமில்லை. பிரபஞ்ச நிகழ்வுகள் அனைத்திற்கு

பின்னும் உள்ள அறிவியல் ரீதியான ஆற்றலின் உருவ வடிவமான நடராஜ நடனத்தை உருவாக்குவது எளிதன்று. அவன் உத்தரவின்றி அருளின்றி அது இயலாது. நடராஜ நடனம் குறிக்கும் தத்துவங்கள் புரிந்துகொள்ள ஆன்மீகத்தில் நாம் உயர் நிலையை அடைந்திருந்தாலும் எளிதன்று. அவன் அருள் யாசிப்போம்.
திருச்சிற்றம்பலம்🙏🏾

@threadreaderapp unroll