திவாலாகும் நிலையில் இலங்கை
இலங்கையில், கடந்த சில மாதங்களாக பணவீக்கம் (22.1%) அதிகரித்து வருவதாலும் மற்றும் அந்நிய செலாவணி கையிருப்பு குறைந்து வருவதாலும், அந்த நாட்டில் நெருக்கடி நிலைமை ஏற்பட்டுள்ளது. இலங்கையின் பெரும்பான்மையான வருமானம் சுற்றுலா மூலமாகவே வருகிறது.
இலங்கையில், கடந்த சில மாதங்களாக பணவீக்கம் (22.1%) அதிகரித்து வருவதாலும் மற்றும் அந்நிய செலாவணி கையிருப்பு குறைந்து வருவதாலும், அந்த நாட்டில் நெருக்கடி நிலைமை ஏற்பட்டுள்ளது. இலங்கையின் பெரும்பான்மையான வருமானம் சுற்றுலா மூலமாகவே வருகிறது.
அபரிமிதமான பணவீக்கத்தினால், எண்ணெய், அரிசி, சமையல் எரிவாயு போன்ற அடிப்படைத் தேவைகள் பெருமளவிற்கு விலையேற்றத்தை சந்தித்தன. பொருட்களுக்கு தட்டுப்பாடு ஏற்பட்டதும் இதற்கொரு காரணம். ராணுவம் தலையிட்டு பொருட்கள் மக்களுக்கு சரிசமமாக கிடைக்க வழிவகை செய்தது.
கொரோனா காலகட்டத்தில், உலக அளவில் சுற்றுலாத்துறை வெகுவாக பாதிப்படைந்தது. இதற்கு இலங்கையும் விதிவிலக்கல்ல. சுற்றுலா பயணிகள் வருகை குறைந்ததால், அந்நிய செலாவணி வருவாயும் குறைந்து போனது. சுற்றுலாத்துறையை வெகுவாக நம்பியிருந்த இலங்கையின் பொருளாதாரம் இதனால் சுமார் 3.6% வீழ்ச்சியடைந்தது.
இறக்குமதிகளுக்கு செலுத்தவேண்டிய பில் தொகைகளை நாட்டின் அந்நிய செலாவணி கையிருப்பிலிருந்து செலுத்த வேண்டிய நிலைக்கு நாடு தள்ளப்பட்டது. 2019 நவம்பர் மாதம் 7.5 பில்லியன் டாலராக இருந்த கையிருப்பு படிப்படியாக குறைந்து தற்போது 1.5 பில்லியன் டாலராக (நவம்பர் 2021 நிலவரப்படி) உள்ளது.
இருப்பினும், இலங்கையின் ரிசர்வ் வாங்கி, 2021 இல் பொருளாதாரம் மீண்டு, 6% வளர்ச்சியைப் பதிவு செய்யும் என்று கூறியது. நாட்டின் பொருளாதாரம் தத்தளித்துக் கொண்டிருந்தபோது, ஏப்ரல் 2021 இல், ராஜபக்சே அரசாங்கம் விவசாயத்தில் ரசாயன உரங்களைப் பயன்படுத்துவதைத் தடை செய்வதென அறிவித்தது.
ஆறு மாதங்களுக்குப் பிறகு, இந்த முடிவு ஓரளவு திரும்பப் பெறப்பட்டாலும், அதனால் விவசாயத்திற்கு ஏற்பட்ட பாதிப்பு மீள முடியாத நிலைக்கு சென்றுவிட்டது. விவசாயம் பாதிப்படைந்ததால் ரிசர்வ் வங்கி சொன்ன 6% வளர்ச்சியை இலங்கையால் எட்ட முடியவில்லை.
உலக வங்கியின் தகவலின்படி சுமார் 5 லட்சம் பேர் வறுமைக் கோட்டிற்கு கீழ் தள்ளப்பட்டனர். IMFன் SDR (Special Drawing Rights)ஐ பயன்படுத்தி, 787 மில்லியன் அமெரிக்க டாலர்களையும், வங்கதேசத்திடம் currency swap arrangement மூலமாக சுமார் 150 மில்லியன் அமெரிக்க டாலர்களையும் இலங்கை திரட்டியது
ஆனால் இவையனைத்தும் தாமதமாகத்தான் இலங்கைக்குக் கிடைத்தது. தற்போது சுமார் 1.2 பில்லியன் அமெரிக்க டாலர் அளவிற்கு நிவாரணமாக தனது குடிமக்களுக்கு வழங்கியது. மேலும், இலங்கை மற்ற நாடுகளுக்கு திருப்பித்தர வேண்டிய கடன்களில் ($7.3 பில்லியன்) இருந்து தவறாது என்றும் உறுதியளித்தது.
இந்த மாதம் $500 மில்லியன் சர்வதேச பாண்ட் முதிர்ச்சியடைகிறது. இந்த தொகையை இலங்கை செலுத்த வேண்டும். ஆனால் அதற்கான பணம் நாட்டில் இல்லை. ஆகையால், கூடுதல் நேரம் வழங்குமாறு கடன் வழங்கிய நாடுகளிடம் இலங்கை கேட்டுள்ளது.
இந்த கூடுதல் காலம் கிடைத்தால் பெரும் உதவியாக இருக்குமென்று அதிபர் ராஜபக்ச தெரிவித்துள்ளார். தற்போதைய நிலவரப்படி, இலங்கையின் மொத்த அந்நிய செலாவணியும் ஜனவரி மாதத்துடன் தீர்ந்துவிடுமென்று தெரிகிறது. இது போக இன்னும் $437 மில்லியன் கூடுதலாக தேவைப்படுகிறது.
சீனா ஏற்கனவே $3.5 பில்லியன் (இலங்கையின் மொத்த கடன்தொகையான $35 பில்லியனில் 10%) இலங்கையின் சார்பாக கடனை திரும்ப செலுத்தியுள்ளது. அதிபர் ராஜபக்ஷே வின் வேண்டுகோளுக்கு சீன அதிபர் இன்னும் பதிலளிக்கவில்லை.
இதுதான் தற்போதைய நிலைமை. அடுத்த மாதம் நாட்டை நடத்த அவர்களிடம் பணமில்லை.
இதுதான் தற்போதைய நிலைமை. அடுத்த மாதம் நாட்டை நடத்த அவர்களிடம் பணமில்லை.
சீனாவிடமிருந்து உதவி கிடைக்காவிட்டால், இலங்கை திவாலாகும். பெருமளவு துன்பத்திற்கு அந்த நாட்டின் மக்கள் தள்ளப்படுவார்கள். இந்தியாவிடம் உதவி கேட்டதாக எந்தவொரு தகவலும் இல்லை.
சீன அரசின் முடிவில்தான் இலங்கையின் பொருளாதாரம் ஊசலாடிக்கொண்டிருக்கிறது என்பதே தற்போதைய நிலைமை.
<End>
சீன அரசின் முடிவில்தான் இலங்கையின் பொருளாதாரம் ஊசலாடிக்கொண்டிருக்கிறது என்பதே தற்போதைய நிலைமை.
<End>
• • •
Missing some Tweet in this thread? You can try to
force a refresh
