Thread by @rajeshkmoorthy

பங்குச்சந்தை முதலீடு - எச்சரிக்கை பதிவு

சென்ற வாரம் அன்பர் ஒருவர் என்னை தொடர்பு கொண்டார். Portfolio மேனேஜ்மென்ட் பற்றி பேசிக்கொண்டிருக்கையில், அவருடைய உறவினர் ஒருவருக்கு, பங்குச்சந்தையில் டிரேடிங் செய்யும் ஒரு நிறுவனத்திடமிருந்து வந்த offer பற்றி என்னிடம் சொன்னார்.

அதாவது, நாம் அவர்களிடம் டீமேட் அக்கௌன்ட் தொடங்கி, ₹1,00,000 டெபாசிட் செய்து, ID மற்றும் Password அவர்களிடம் கொடுத்து விட்டால், நமது சார்பாக டிரேடிங் செய்து அவர்கள் நமக்கு வரும் லாபத்தில் 30% எடுத்துக்கொண்டு 70% நமக்கு தந்து விடுவார்களாம்.

இது போல நிறைய நிறுவனங்கள் செயல்படுகின்றன. Modus Operandi மேலே சொன்ன முறைகள் தான். இந்த அணைத்து நிறுவனங்களும் தங்களுக்கே உரிய properietory டீமேட் applications வைத்துள்ளன. இவர்களுடைய நோக்கம் நமக்கு லாபம் சம்பாதித்து கொடுக்க அல்ல. அவர்களுக்கு brokerage ஈட்டவும், நம்முடைய balance

வைத்து மார்ஜின் அதிகமாக பெறவும் தான்.

என்ன செய்வார்கள்?

இது போன்ற சிறிய நிறுவனங்கள் பொதுவாக 10 முதல் 50 மடங்கு வரை மார்ஜின் கொடுப்பார்கள். இது எப்படியென்று தனியாக ஒரு இழையில் பார்க்கலாம். இதை வைத்து, நமது பணத்திற்கு மார்ஜின் அவர்களாகவே தந்து, அதிக அளவில் டிரேடிங் செய்வார்கள்.

இதனால் யாருக்கு 100% probability of profit என்று நினைக்கிறீர்கள்?

In a casino, it's the house that's always winning.

அவர்களுக்கு brokerage கிடைத்துவிடும். அதிக மார்ஜின் / volume வைத்து டிரேடிங் செய்கையில், நஷ்டம் ஏற்பட்டால் உங்கள் முதலீடு சீக்கிரமே காலியாகி விடும்.

நஷ்டமேற்பட்டால், சந்தையின் மேல் பழியை போட்டுவிட்டு, "கவலைப்படாதீங்க, சந்தையில் இதெல்லாம் சகஜம். நீங்க உங்க முதலீடை 2 மடங்கா ஆக்கினா, ஒரே மாதத்தில் விட்ட பணத்தை எடுத்துடலாம்" என்று கூறி உங்களிடமிருக்கும் மீதமுள்ள பணத்தையும் கறந்து விடுவார்கள்.

அப்போ லாபமே சம்பாதிக்க மாட்டார்களா?

சம்பாதிப்பார்கள். அப்படியே சம்பாதித்தாலும், அதற்கும் சேர்த்து மார்ஜின் எடுப்பார்கள். அவர்கள் நோக்கம் அதிக அளவிலான Transactions மட்டுமே தவிர உங்கள் லாபமில்லை.

இந்த மாடல் உங்களிடமிருந்து பணம் அனைத்தும் கரையும் வரையில் செயல்படுத்தப்படும்.

நஷ்டம் யாருக்கு?

நமக்கு தான்.

அவர்கள் உங்களிடமிருந்து பணத்தை உறிஞ்சி எடுத்த பின்பு அடுத்த முதலீட்டாளருக்கு சென்று விடுவார்கள். ஆனால் நீங்கள்?

மீண்டும் முதலில் இருந்து தொடங்க வேண்டும். 10-20 வருட சேமிப்பு காலியாயிருக்கும்.

குறுகிய நேரத்தில் அதிக பணம் சம்பாதிக்க எந்தவொரு "நேர் வழி"யும் கிடையாது.

இவர்கள் அந்த அளவிற்கு சந்தையை புரிந்து வைத்திருந்தால், அவர்களிடம் கோடிக்கணக்கில் பணம் சேர்ந்திருக்கும். உங்களிடமும் என்னிடமும் "பணம் கொடுங்கள், லாபமீட்டி கொடுக்கிறேன்" என்று கேட்டுக் கொண்டிருக்க மாட்டார்கள்

இப்படி யாராவது (நெருங்கிய உறவினர்கள் / நண்பர்கள்) உங்களிடம் வந்து "ஒரு சூப்பர் offer இருக்கு, நான் அதுல பணம் போட்டு இருக்கேன். நீயும் போடு" என்று சொன்னால், உங்களால் எவ்வளவு தூரம் அவர்களிடமிருந்து ஒதுங்கியிருக்க முடியுமோ அவ்வளவு ஒதுங்கியிருங்கள்.

எக்காரணத்தை கொண்டும் உழைத்து சம்பாதித்த பணத்தை அவர்களிடம் கொடுத்து ஏமாறாதீர்கள்.

பங்குச்சந்தையின் அதிகபட்ச வருமானம் வெறும் 15% - 20% மட்டுமே (10 Year Timeframe). உங்களுக்கு தெரிந்தால் மட்டுமே சந்தையில் நேரடியாக முதலீடு செய்யுங்கள். இல்லையேல், Mutual funds ஐ நாடுங்கள்.

சந்தையைப் போல்தான் நம் சேமிப்பும். ஏறும்போது மெதுவாக ஏறும். இறங்கும்போது வேகமாக இறங்கும்.

ஒன்று மட்டும் நினைவில் இருக்கட்டும். உங்கள் பணம், உங்கள் பார்வையிலும் உங்கள் கண்ட்ரோலிலும் இருக்க வேண்டும். யாரையும் நம்ப வேண்டாம். பணத்தை இழக்க வேண்டாம்.

இவை அனைத்தையும் மீறி உங்களுக்கு இந்த மாதிரி இடங்களில் முதலீடு செய்யவேண்டுமென்று தோன்றினால், என்னிடம் ஒரு 5 நிமிடம் பேசிவிட்டு பிறகு முடிவெடுங்கள்.

நின்று, நிதானித்து, நன்றாக யோசித்த பிறகு முடிவெடுக்கவும்.

பொறுத்தார் பணக்காரராவார்.

#வாழ்கபணமுடன். 🙏🙏🙏