Thread by @anbezhil12

#ஶ்ரீகிருஷ்ணன்கதைகள் அரசன் ஒருநாள் அவனுடைய எல்லா பற்களும் விழுந்து பொக்கை வாயுடன் இருப்பதாக கனவு கண்டான். இதனால் காலையில் பீதியுடன் எழுந்த அவன், அந்தக் கனவால் என்ன விளைவுகள் நேருமோ என்று பயந்துபோய் முதல் வேலையாக அரச நாடி ஜோதிடர் வேலவனை வரவழைத்தான். அந்த நாடி ஜோதிடர் தனது ஓலைச்

சுவடியை எடுத்து அதில் பொக்கை வாய் கனவு பற்றி விளக்கியிருந்த ஒரு ஓலையை வாசித்துவிட்டு, ‘அரசே! உங்கள் மனைவி, குழந்தைகள், சொந்த பந்தங்கள் எல்லாம் உங்களுக்கு முன்பே இறந்து விடுவார்கள்’ என்று பலன் சொன்னார். உடனே அரசன் மிகவும் கோபமுற்று, ‘இவனைப் பிடித்து சிறையில் தள்ளுங்கள்!’ என்று

உத்தரவிட்டான். அதன் பிறகும் மன்னனின் மனம் சமாதானம் அடையவில்லை. இன்னொரு நாடி ஜோதிடர் சங்கரனை வரவழைத்தார். அவரோ மிகுந்த ஸ்ரீஹரி கோவிந்த பக்தன். எந்த செயல் செய்தாலும் ஸ்ரீஹரி கோவிந்தா, ஸ்ரீஹரி கோவிந்தா என சொல்லாமல் செய்வது இல்லை.
அவரிடம் தன் பொக்கை வாய் கனவின் அர்த்தம் என்ன என்று

வினவினான் அரசன். ஜோதிடர் சங்கரனும் அதே மாதிரியான ஓலைச்சுவடியைத்தான் வைத்திருந்தார். ஸ்ரீஹரி கோவிந்தா ஸ்ரீஹரி கோவிந்தா என மனதில் சொல்லிக் கொண்டே அந்த ஓலைச்சுவடியை பார்த்துவிட்டு, ‘மன்னா! உங்கள் சொந்த, பந்தங்களையெல்லாம் விட நீங்கள் நீண்ட காலம் நீடூடி வாழ்வீர்கள்’ என்று பலன்

கூறினார். இதனால் மனம் குளிர்ந்த அரசன், அந்த ஜோதிடருக்கு தகுந்த பரிசுகள் வழங்கி அனுப்பி வைத்தான். அவரும் எல்லாம் ஸ்ரீஹரி கோவிந்தன் செயல் என அகமகிழ்வோடு பெற்று சென்றார். இருவரும் ஓரே மாதிரி ஓலையைத் தான் படித்தார்கள், அதே விஷயத்தை தான் சொன்னார்கள். ஒருவர் எல்லோரும் இறந்து

விடுவார்கள் என்றார். இன்னொருவர் எல்லோரையும் கடந்து வாழ்வீர்கள் என்றார்.
அவ்வளவுதான் வித்தியாசம். நாம் பேசும் வார்த்தைகள் கவனமுடன் உபயோகித்தால் வாழ்வில் வெற்றி பெறலாம். நாம் பேசும் வார்த்தைகள் மற்றவரை சந்தோஷம் படுத்த வேண்டுமே தவிர எந்த விதமன கசப்பும் ஏற்படாமல் பார்த்துக் கொள்ள

வேண்டும். அதற்கு பரந்தாமன் ஸ்ரீஹரி கோவிந்தன் துணை எப்பொழுதும் வேண்டும். ஸ்ரீமந் நாராயணன் நாமம் சொல்வோம், நம் வாழ்வில் நன்மைகள் பற்பல பெற்று ஒவ்வொரு கணமும் அகமகிழ்வோடு வாழ்வோம்.
சர்வம் ஶ்ரீ கிருஷ்ணார்ப்பணம்🙏🏻