शाहरुखने लताजींच्या पार्थिवावर दुआ करताना फुंकर मारली याचा विपर्यास करून भाजपच्या हरयाणाच्या पदाधिकाऱ्याने हा पुन्हा थुंकला का म्हणून अकलेचे तारे तोडले. त्याच्या ट्विटला हजारोंनी लाइक आहेत. कमेंट्समध्ये पण आपल्या सहिष्णू बांधवांनी आपलं आपल्या देशातील १५ कोटी नागरिकांवर किती
प्रेम आहे हे दाखवून दिलंय. हा प्रकार केवळ शाहरुखबद्दलचा द्वेष नाहीये तर त्याच्या निमित्ताने इतर मुस्लिमांना सतत जाणीव करून देणं की तुम्ही या देशात नकोसे आहात हा त्यामागचा उद्देश आहे. कर्नाटकमध्ये हिजाबच्या निमित्ताने जे सुरू आहे तोही हाच प्रकार आहे. प्रिन्सिपॉलने ऐन परीक्षांच्या
वेळी मुलींची अडवणूक करणं, मुलींच्या निदर्शनाला प्रत्युत्तर म्हणून हिंदू मुला-मुलींनी भगवी उपरणी घालून येणं हे समाजात खोलवर रुजलेल्या किडीचं निदर्शक आहे. २०१४ मध्ये मोदी निवडून आले तेव्हा आम्ही विकासाला मत दिलं, भ्रष्टाचाराच्या विरोधात मत दिलं असं किमान तोंडदेखलं तरी लोक म्हणायचे.
आता मुस्लिमद्वेष सहजभाव झाला आहे. २८ पैकी १५ राज्यात मुस्लिम मंत्रीच नाही. १० मध्ये केवळ एक. म्हणजे आपण त्यांना सत्तेत सहभाग नाकारतो आहोत आणि जे पक्ष उमेदवारी देतील त्या पक्षांना मतदारसुद्धा नाकारत आहेत. हा द्वेष अगदी भाजपच्या कट्टर विरोधी पक्षांच्या मतदारांतदेखील आहे. रोज या
गोष्टीवर कसं बोलायचं असा प्रश्न असतो. पण नाही बोललं तर conscience झोपू देत नाही. आमच्या आई वडीलसुद्धा हिंदू होते. पण असा द्वेष त्यांनी आम्हाला शिकवला नाही. मी माझ्या मुलांना शिकवत नाही. या देशावर तुमचं प्रेम असेल तर तुम्हीही शिकवू नका. भारत जेवढा तुमचा माझा आहे तितकाच शाहरुखचा,
आरिफाचा, जोसेफचा, सुखविंदरचा आहे आणि तो तसाच राहील हे पाहणं ही जबाबदारी बहुसंख्य समाज म्हणून हिंदूंची आहे. उद्या जर या देशात यादवी माजली तर त्याला जबाबदार तुम्ही आम्ही असू. कारण आपण या द्वेषाच्या राजकारणाला एकतर सक्रिय किंवा गप्प राहून पाठिंबा देतो आहोत .
... आणि हो, आपल्या मुस्लिम मित्र मैत्रिणीबरोबरचा संवाद वाढवा. चालीरीती समजून घ्या. फक्त बिर्याणी, शीर कुर्मा मागायला जाऊ नका.
• • •
Missing some Tweet in this thread? You can try to
force a refresh
