Thread by @anbezhil12

#பசு கோ மாதாவாக இந்துக்களாகிய நாம் பசுவை வணங்கி வருகிறோம். இப்பொழுது காலத்தின் கோலம், பசு என்று சொல்வதே எதோ கெட்ட வார்த்தை மாதிரி ஆகிவிட்டது. இதனால் நஷ்டப்படப் போவது நம் மனித குலம் தான். பசுவின் உடலில் முப்பத்து முக்கோடி தேவர்களும், நாற்பத்து எண்ணாயிரம் ரிஷிகளும், அஷ்ட வசுக்களும்

நவக்கிரகங்களும் வாசம் செய்வதாக தர்ம சாஸ்திரம் கூறுகிறது. நேபாள நாட்டில் பசுவை கௌரவிக்கும் வகையில் அதை அந்த நாட்டின் தேசிய விலங்காக அறிவித்துள்ளனர். பசுவை பேணி பாதுகாத்து வளர்ப்பதை அறமாக எண்ணினான் கண்ணனும், கோபியர்களும். அதனால் தான் கோபாலன் என்றழைக்கப்படுகிறான் கண்ணபிரான். ஒரு பசு

முதல் கன்று பிரசவித்ததும், அதை தேனு என்பார்கள். இரண்டாவது கன்று பிரசவித்ததும் அதை 'கோ' என்றழைப்பார்கள். எனவே இரண்டாவது கன்று பிரசவித்த பசுவைத்தான் கோ பூஜைக்கு பயன்படுத்துவார்கள். கோபூஜை நடத்தும் போது கண்டிப்பாக பசுவுடன் அதன் கன்றும் இருக்க வேண்டும். பசுவின் வாயில் கலிதேவதை

இருப்பதால்தான் பசு முன் பகுதியில் பூஜை செய்யப்படுவது இல்லை. அதன் பிட்டத்தில் லக்ஷ்மி வாசம் செய்கிறாள். பூஜை அந்த்தப் பக்கமே செய்யப்படுகிறது. பசுவின் கால் தூசி நம் மீது படுவது கங்கையில் புனித நீராடலுக்கு சமம் என்று புராணங்களில் கூறப்பட்டுள்ளது. நன்றாக மேய்ந்து வீடு திரும்பக் கூடிய

பசுமாடுகளின் குளம்படி பட்டு கிளம்பக் கூடிய தூசி கிளம்பக் கூடிய வேளையை நல்ல வேளையாக பார்க்கப்பட்டு #கோதூளி_லக்னம் என முகூர்த்த சாஸ்திரம் கூறுகிறது. காமதேனு பசு மூவுலகிற்கும் தாயாக கருதப்படுகிறது. அறுகம்புல்லை உண்ணும் பசுமாடு போடக்கூடிய சாணத்தை உருண்டையாக்கி அதை நன்றாக காயவைத்து,

உமியில் மூடி புடம் போட்டு எடுக்கப்படும் போது #திருநீறு எனும் உன்னதமான மந்திர மருந்துப் பொருள் உருவாகிறது. நாம் தினமும் அந்த திருநீறை அணிந்து வர பல தோஷங்கள் நிவர்த்தியாவதோடு, பயம் நீங்கும். திருநீறு அணிந்து மந்திரத்தை உச்சரிப்பதால் பலன்கள் அதிகரிக்கும். பசுக்களால் தங்களுக்கு என்ன

வேண்டும் என்பதை கேட்க முடியாது. எனவே குறிப்பறிந்து பசுக்களுக்கு உதவ வேண்டும். பசுவுக்கு அகத்திக்கீரை கொடுக்க இயலாவிட்டால் வாழைப்பழம் வாங்கிக் கொடுக்கலாம். பசுக்களை அடிக்கடி நீர் நிலைகளில் நீந்தி குளிக்க வைப்பது நல்லது. பசுக்கள் தொழுவத்தில் கட்டிப் போடப்பட்டிருக்கும் வரை சாணத்தை

கோசலத்தை அவ்வப்போது அப்புறப்படுத்தி தொழுவத்தைக் கழுவிவிட வேண்டும். நம்மால் பசுவை பராமரிக்க இயலாவிட்டால், அதை அடி மாடாக விற்காமல், ஏதாவது ஒரு கோ சாலையில் சேர்த்து விடுவது நல்லது. பசுக்களை அவற்றின் இயற்கையான அந்திமக் காலம் வரை பராமரித்துக் காக்க வேண்டும். பசுக்கள் இறந்தால்,

அவற்றுக்குரிய முறையில் இறுதிச் சடங்குகள் செய்யப்பட வேண்டும். பசுவையும் கன்றையும் பிரிக்கும் பாவத்தை ஒரு போதும் செய்யக் கூடாது. பசுங்கன்று பால் மணம் மாறும் முன்பே சினைப்படுத்தி, கன்று ஈனச் செய்து பால் கறப்பது முறையல்ல.
பசுவிற்கு பூஜை செய்வதால் உண்டாகும் நற்பலன்கள்:
1. பசுவுக்கு

தினமும் பூஜை செய்வதென்பது பராசக்திக்கு பூஜை செய்வதற்கு சமமாகும்.
2. பணக் கஷ்டம் நீங்கும்.
3. பசுவை 108 போற்றி சொல்லி வழிபட்டால் பல புராதனக் கோவில்களுக்கு சென்று வந்த பலன் கிடைக்கும்.
4. வீட்டில் பசு வளர்ப்பது செல்வ செழிப்பை உண்டாக்கும்.
5. ஏதாவது மங்கல நிகழ்ச்சி நடக்கும்போது பசு

தானம் செய்தால், அதற்குரிய நன்மை கிடைக்கும்.
6. பசுவை மாடு என்று அழைக்காமல் பசுத்தாய், கோமாதா என்று அழைத்தால் சொர்க்கத்தில் இடம் கிடைக்கும்.
7. திருவண்ணாமலை கிரிவல பாதையில் நிறைய பேர் பசுவுக்கு அகத்திகீரை வாங்கிக் கொடுப்பதை பார்த்து இருப்பீர்கள். பசுவுக்கு ஒரு தடவை அகத்தி கீரை

கொடுத்தாலே, பிறவி பாவம் விலகும் என்பது ஐதீகம்.
பசு தானம் செய்வதால் உண்டாகும் பலன்கள்:
1. ஒரு காரியம் வெற்றி அடைய வேண்டும் என்று விரும்புகிறீர்களா, அதற்காக கோ தானம் செய்து பாருங்கள். நிச்சயம் வெற்றி உண்டாகும்.
2. சஷ்டியப்பூர்த்தி, சதாபிஷேகம் போன்ற நாட்களில் பசு தானம் செய்தால்

கூடுதல் புண்ணியம் கிடைக்கும்.
3. பசுவானது பால் கறக்கும் நிலையில் இருக்கும் போது தானம் செய்வதுதான் மிக சிறந்த தானமாகும். பால் கறக்கும் பாத்திரமும் கொடுப்பது இன்னும் சிறப்பானது. சிலர் பசுவுடன் காளையையும் சேர்த்து தானம் அளிப்பார்கள். இந்த தானம் கூடுதல் பலன் தருவதாகும்.
4. பசு தானம்

கொடுக்கும் போது ஜெர்சி இன பசுக்களை தானம் வழங்கக் கூடாது. நாட்டு பசுவையே தானமாக கொடுக்க வேண்டும். (பசு தானம் வாங்குபவர்கள் லட்சம் தடவை காயத்ரி மந்திரம் சொன்னால் சுமை குறையும்.)
5. சனீஸ்வரனுக்கு காராம்பசு தானம் கொடுப்பது நல்லது. சூரிய பலம் பெற விரும்புபவர்கள் சிவப்பு நிற பசுவை

தானமாக கொடுக்க வேண்டும்.
6. மரணப்படுக்கையில் இருக்கும் ஒருவர், அவரது பாவங்கள் நீங்கி நற்கதி அடைய பசு தானம் செய்வதை நம் முன்னோர்கள் வழக்கமாக வைத்திருந்தனர்.
7. ஒரு பசுவை ஒருவருக்கு மட்டுமே தானமாக கொடுக்க வேண்டும்.
8. நன்றாக பால் கறக்கும் பசுக்களை காசியில் தானம் செய்தால், அவர்களத

7 தலைமுறை பலன் அடையும். ராமேசுவரத்தில் காராம் பசு தானம் செய்தால் ஆண் வாரிசு கிடைக்க வாய்ப்புள்ளது.
9. பித்ருபூஜை செய்யும் போது பசு தானம் கொடுப்பது மிகுந்த நன்மை தரும். ஒரு பெண் ருதுவானதும் தோஷங்கள் நீங்க பசுக்களை தானம் செய்யலாம்.
10. கோவில்களில் விளக்கேற்ற பசுக்களை குறிப்பிட்ட

எண்ணிக்கையில் தானம் செய்வதை ஆதி தமிழர்கள் வழக்கத்தில் வைத்திருந்தனர்.
11. பசு தானம் அடிக்கடி செய்வது வம்ச விருத்தியை உறுதி செய்யும் என்று தர்ம சாஸ்திரம் கூறுகிறது.
12. பசுவையும் கன்றையும் யார் ஒருவர் நன்கு பராமரிப்பு செய்கிறாரோ, அவரது இருபத்தோரு தலைமுறைக்கு நற்கதி உண்டாகும்.

13. கடுமையான நோயால் பாதிக்கப்பட்டவர்கள் கறுப்பு நிற பசுவை தானம் செய்தால் பரிகாரம் உண்டாகும்.

நம் வீட்டில் பசு வளர்க்க வாய்ப்பு இல்லையெனில் பசு வைத்து இருப்பவர்களுக்கு நாமாக உதவ வேண்டும்.
வீட்டில் பசு இல்லாதவர்கள் அன்றாடம் ஒரு வேளையாவது ஏதாவது பசுவிற்கு ஒருபிடி அறுகம் புல்லோ,

வாழைப்பழமோ, அகத்திக் கீரையோ, பிற தீவனமோ கொடுக்க வேண்டும். வெளிப்புறம் மேயும் பசுக்களுக்கு நம் வீட்டின் அல்லது தோட்டத்தின் வெளிப்புறம் தண்ணீர் தொட்டி அமைக்கலாம். விளை நிலங்களில் சிறு பகுதியையாவது வருடந்தோறும் மாறி மாறித் தரிசாக விடுவது நிலங்களுக்கு நல்லது. மாடுகளுக்கும் புல்

மேய்விடம் கிடைக்கும். வசதியுள்ளவர்கள் வழிப்போக்கு மாடுகளுக்காக சிறிதளவு வைக்ககோல் போட்டு வைக்க வேண்டும். பசுவின் பாதம் பட்ட இடம் பரிசுத்தமாகும் என்பதால் தான் புதுமனை புகுவிழாவில் பசுவும் கன்று குட்டியும் முதலில் அழைத்துச் செல்லப்படுகிறது. இதனால் புதுமனையில் இருக்கும் பிரச்சினைகள்

எதுவாக இருந்தாலும் நீங்கி தூய்மை உண்டாகும்.
பசுவின் பாலில் சந்திரனும், நெய்யில் அக்னி தேவனும் இருப்பதாக வேதம் சொல்கிறது. பசுவிலிருந்து பெறப்படும் பால், தயிர், நெய், சாணம் மற்றும் கோமியம் சேர்ந்த கலவை #பஞ்சகவ்யமாகும். இது அபிஷேகத்துக்கும், விவசாயத்திற்குபம் பயன்படுவதோடு,

மருந்தாகவும் செயல்படுவதாக ஆயுர்வேதம் கூறுகிறது. நாம் பசுவை வெறும் கால் நடையாக பார்க்காமல், நமக்கு உன்னதமான உணவான பால், அதன் மூலம் புனித நெய் வரை தரும் அன்னையாக் அபாவித்து வணங்க வேண்டும். அது தான் நம் பாரம்பரியம். அதை பேணுவோம்.
சர்வம் ஸ்ரீ கிருஷ்ணார்ப்பணம்🙏🏾

@threadreaderapp please unroll