Thread by @DangatDhanesh

स्वराज्य म्हणजे परकीय सत्तेच्या राजकीय दास्यापासून मुक्तता एवढाच मर्यादित अर्थ शिवाजी महाराजांच्या स्वराज्यास प्राप्त होत नाही; तर परकीय सत्तेप्रमाणेच स्वकीय जुलमी लोकांपासूनही मुक्तता‚ हाही अर्थ स्वराज्यात अभिप्रेत होता!

https://twitter.com/LetsReadIndia/status/1492811447931326468

त्याचबरोबर स्वराज्यात स्वधर्म व स्वसंस्कृती यांचे संरक्षण व संवर्धन झाले पाहिजे‚ असाही त्यांचा आग्रह होता. या दृष्टिकोनातून महाराजांच्या स्वराज्याच्या कार्याकडे पाहिले की‚ त्यांच्या ऐतिहासिक कार्याची महत्ता द्विगुणित झाल्याशिवाय राहत नाही.

केवळ प्रशासन‚ लष्कर‚ आरमार‚ दुर्ग‚ व्यापार‚ उद्योग या क्षेत्रांतच शिवाजी महाराजांनी महाराष्ट्रात नवे युग सुरू केले असे नाही‚ तर धर्म व भाषा यासारख्या सामाजिक क्षेत्रांतही नवे पायंडे पाडले‚ नवे दंडक निर्माण केले.

धर्मांतर होऊन बाटलेल्या पूर्वाश्रमीच्या हिंदूंना परत स्वधर्मात घेण्याचा पायंडा महाराजांनीच पाडला; आणि कर्मठ हिंदू समाजासमोर एक पुरोगामी आदर्श उभा केला. भाषेच्या क्षेत्रात तर अरबी व फारसी या परभाषांचा प्रभाव पराकोटीस पोहोचला होता.

परकीय भाषांनी मराठी मायबोली जवळजवळ गिळंकृत केली होती. तिचे स्वत:चे अस्तित्वच नष्ट होत चालले होते. भाषा ही कोणाही संस्कृतीचा आत्माच असते. या संस्कृतीच्या आत्म्यास परभाषांच्या मगरमिठीतून सोडविण्याचे महान सांस्कृतिक कार्य महाराजांनी केले आहे.

खालील पुस्तकातून ~

शिवछत्रपती : एक मागोवा (संशोधनात्मक)
लेखक - प्रा. डॉ. जयसिंगराव भाऊसाहेब पवार
मेहता पब्लिशिंग हाऊस

#LetsReadIndia
| #शिवजयंती | #म | #मराठी | #रिम | #पुस्तक |